Afghan teme

درې افغان کرکټ ستورو د انګلستان لوبغالي په جم و جوش کې ساتلي
د انګلستان په بلاسټ سیالیو کې د نړۍ دوهم افغان ال راونډر، د نړۍ لومړی او دوهم افغان غوره بالر او په کم عمر کې ریکارډ جوړوونکی افغان توپ اچوونکی خورا ښه روان دي او د انګلستان د سوداګریزو سیالیو په لړکې یې د دې هېواد لوبغالي په زیاتو ننداره کوونکو جم او جوش کې ساتلي.
محمدنبي عیسی خېل، راشدخان ارمان او مُجیب ځدران هغه لوبغاړي دي، چې د انګلستان په سیالیوکې ښه ځلېدلي.
محمدنبي عیسی خېل په لس لوبو کې ۶ وېکټې اخېستي ، ۳۶،۲ اورونه یې ترسره کړي دي او ۲۵۱ منډې یې ورکړي.
نوموړي د توپ وهنې په برخه کې په ټولو لوبوکې ۱۸۵ منډې هم جوړې کړې دي؛ عیسی خېل لس لوبې کړي او د دوی د لوبډلې لېسېسټرشایر څلور سیالۍ لا هم پاتې دي.
محمدنبي عسی خېل په یوه لوبه کې په ۳۲ توپونو ۸۶ ناسوځېدلې منډې ترسره کړې او د لوبې غوره لوبغاړی هم شو.
راشدخان ارمان چې په شل اوریزه لوبو کې لومړی او په یو ورځنیو لوبو کې دوهم توپ اچوونکی دی، په ۹ لوبو کې ۱۱ وېکټې اخېستي او د توپ وهنې په برخه کې یې بیا ۶ منډې جوړې کړي.
هغه په توپ اچونه کې په یوه لوبه کې دوه وېکټې او ۱۴ منډې ورکول غوره توپ اچونه ده.
راشدخان په ۳۴ اورونوکې ۲۱۱ منډې ورکړي .
نوموړی په سسېکس لوبډله کې لوبېږي، ۹ لوبې یې ترسره کړي او ۵ لوبې یې لا هم شته دی.
مُجیب ځدران چې کم عمره توپ اچوونکی دی، تر دې دمه یې په ۹ لوبوکې ۵ وېکټې اخېستي، په توپ وهنه کې یې ۲ منډې جوړې کړي او په ۳۶ اورونوکې یې ۱۶۴ منډې ورکړي دي. ستورى
په یوټیوب کې د بلاسټ سیالیو ویډیوګانو کې لیدل کېږي، چې د راشدخان، مجیب ځدران او محمدنبي عیسی خېل توپ اچونې او توپ وهنې ته خلک تودې چکچې او شپیلي وهي او ځېنې آن افغان بېرغونه د ننداره کوونکو په منځ کې په اهتزاز رپانده ساتي
کاپي.

دافغانستان دکرکټ دلوبو په اړه معلومات ورته نور مطالب همدلته راسره لیدلي شۍ