04/05/2025
درویش رسولي څنګه يو پلير دی!!
دروېش رسولي له څه مودې راهېسې د افغانستان د الف لوبډلې (افغان ابدالیان) کپتان دی. د ده په کپتانۍ کې افغانستان د اسیا ایمیرجینګ کپ اتلولي وګټله. که په کپتانۍ باندې یې له خبرو تېر شو، دی په مډل ارډر کې تقریبآ په دریو واړو فارمټونو کې د توپ وهونکي په توکه خپله ونډه ښه لوبولې. سنچیرین لوبغاړی دی. د سري لانکا الف او نورو لوبډلو خلاف یې هم ښه انینګزونه وکړل او داسې وخت کې یې وکړل چې د لوبډلې ضرورت یې و. دی د ملي لوبډلې غړی دی، خو باید د ده ځای د ملي لوبډلې په ترکیب کې پوخ شي. افغانستان مډل ارډر کې یو ښه توپ وهونکي ته ضرورت لري او دا ځای دروېش ښه ډکولای شي. هغوی چې نه دي خبر، دروېش د افغانستان د پریمیرلیګ، چې ۲۰۱۸ کال کې وشو، ایمیرجینګ لوبغاړی و، هلته هم ډېر ښه ځلېدلی و، خو له هغه اوه کاله ووتل، مګر لا هم په ملي لوبډلې کې د ده ځای پوخ شوی نه دی. په یاد ولرئ، د لوبغاړو د لوبېز ژوند ښه موسم ډېر اوږد نه وي، چې ډېر صبر ورته وشي او دا هم ښه ستراتیژي نه ده چې یو لوبغاړي ته مسلسل فرصتونه ور نه کړل کېږي.
03/05/2025