YaraaN SporTs - ياران سپورت

مجیب ځدران د سږ کال شپږیزه لیګ سیالیو کې د لاس ګوتې ټپي کېدو له امله نه لوبیږي.

کرېکټ بورډ غبرګې لوبډلې اعلان کړې!

د افغانستان کرېکټ بورډ د متحده عربي اماراتو پر وړاندې 20 اوریزه سیالیو ته د ملي او د هند او جنوبي افریقا لوبډلو پر وړاندې پلان شويو سياليو ترسره کېدو په موخه تر 19 کلنو د کم عمره ځوانانو لوبډلې نوملړ اعلان کړې.

ملي لوبډله به د متحده عرب اماراتو پر وړاندې د ډېسمبر پر 29 مه، 31 مه او د جنورۍ پر 2 مه نېټه 3 شل اوریزه لوبې ترسره کړي، خو 19 کلنه لوبډله به نړيوال جام ته د تيارو په موخه 3 اړخېزه لوبلړۍ کې د ډېسمبر له 29 مې د جنورۍ تر 10 مې نېټې فاينل ته له رسیدو وړاندې په 4 لوبو کې ولوبیږي.