09/03/2024
#ننګرهار ټیپ بال #فدراسیون
مومندرې ولسوالۍ کې د ټېپ بال کرکټ سیالیو پای لوبه ترسره شوه:
۱۴۰۲/۱۲/۱۹
د ننګرهار ولایت د بدني روزنې او ورزش ریاست په لارښوونو ځوانانو د تشویق او یوالي په موخه مومندرې ولسوالۍ اړوند ګردیوال کرکټ لوبغالي باندې د ۳۰ لوبډلو ترمنځ د کرکټ سیالۍ پیل شوې وې، چې وړمه ورځ یې ګڼ شمیر مینوالو په شتون کې پای لوبه ترسره شوه.
وروستۍ لوبه یې د ګردي سوپر سټار او ماسخيل ځوانانو د کرکټ لوبډلو ترمنځ ترسره شوه، چې د لوبې ټاس/ پچه د ماسخيل ځوانانو لوبډلې وګټله او لومړی یې د توپ وهنې پریکړه وکړه، چې په ټاکلو ۱۰ اورو کې د ۵ لوبغاړو په سوځیدو سره یې مقابلې لوبډلې ته د ۱۳۲ منډو هدف وټاکلو، چې ټاکل شوی هدف د ګردي سوپر سټار لوبډلې پوره نکړو او د ۸ لوبغاړو په سوځیدو سره یې ۱۲۰ منډې ترلاسه کړې او د پای لوبې اتلولي د ماسخیلو ځوانانو لوبډلې په خپل نوم کړه.