Cricket Update News

د افغانستان خلاف شل اووریزو سیالیو لپاره ویسټ انډیز لوبډله اعلان کړه، مهم ټکي:
- برانډن کینګ به د 16 کسیزې لوبډلې مشري کوي.
- جیسن هولډر، روومن پاول او روماریو شیفرډ ته آرام ورکړل شوی.
- د شای هوپ، روسټن چیس، اکیل حسین او شیرفین ردرفورډ په شمول بعضې مهم لوبغاړي په سکواډ کې نشته، دوي اوس مهال د سوېلي افریقا لیګ کې بوخت دي.
- شمار جوزف او ایوین لیویس له ټپونو وروسته، دې سکواډ ته غوره شوي خو الزاري جوزیف لا هم د ټپونو له وجې نه دی انتخاب شوی.
- ځوان کوینټین سمپسون ته په لومړي وار په شل اووریز سکواډ کې ځای ورکړل شوی.
- د مشر روزونکي ډیرن سمي په مشرۍ به یاد سکواډ سبا له ویسټ انډیز څخه حرکت وکړي او د جنوري په شپاړسم تاریخ به اماراتو ته ورسیږي، لومړۍ سیالۍ په نولسمه نیټه ده.

- روزونکي ډیرن سمي دا سیریز د شل اووریز نړیوال جام د چمتوالي لپاره مهم بللی، حال دا چې د نړیوال جام لپاره بعضې کلیدي لوبغاړي ددې سیالیو برخه نه دي.

د یادونې وړ ده چې یو شمیر افغان لوبغاړي هم دم ګړۍ د سوېلي افریقا او بنګلدېش په تجارتي لیګونو کې لوبیږي چې بعضې یې اماراتو ته ستانه شوي دي، او پاتې لوبغاړي به هم نن/سبا یاد لیګونه پرېږدي.

د ویسټ انډیز سکواډ:

برانډن کنگ (کپتان)
الیک اتانازي
کیسي کارټي
جانسن چارلس
میتیو فورډ
جسټین ګریوز
امیر جنګو
شمار جوزیف
ایوین لیوس
ګوډاکیش موتی
خاري پیری
کوینټین سمپسون
جیډن سیلز
رامون سیمونډز
شمار سپرېګر
شمرون هیتمایر


غروال

د هند تجارتي لیګ د لسګونه بې وزله هندي لوبغاړو ژوند او برخلیک ور بدل کړ. تاسې به د جایسوال، رینکو سینګهـ، محمد سراج او نورو له بې وزلۍ د ډک ژوند داستانونه حتمي لوستلي وي، او یا اوریدلي وي. دا ځوان«کارتیک شرما» نومیږي، له یوې ډېرې بې وزلۍ او غریبې هندي کورنۍ سره تعلق لري. پلار یې ۲۶ لکه هندۍ کلدارې پوروړی شوی دی. دی سږني ای پي ایل کې چینایي لوبډلې په«14.2» کروړه هندي روپیو اخېستی دی. کله چې بولۍ کې وپیرل شو؛ ترې څو ورځې وروسته یوې مرکه کې وپوښتل شول، د ای پي ایل په دې پیسو به څه کوې؟ کارتیک ځواب کې وایي:«لومړی مې د پلار هغه ۲۶ لکه پور خلاصوم». دی وایي:« پلار به مې تل له دغه پورونو په تنګ وو، او ما به تل ډاډ ورکاوه چې پلاره، ته مه خفه کېږه، زه به ستا پورونه خلاصوم. کله به مې چې دا خبره وکړه، هغه به په ناهیلۍ راوکتل چې ګواکې ته یې له کومه کوې؟ اوس به د پلار هغه خفګان او ناهیلۍ په خوشالۍ بدلوم».💫👏🏻

جان اغا بهار

🚨 له ای پي ایل ليګ څخه د مستفظ الرحمن بهر کيدل🚨

د هند کرکټ بورډ له کلکتې لوبډلې غوښتې ترڅو بنګله دېشی چټک توپ اچونکی مستفظ الرحمن د راتلونکې پړاو ای پي ایل ليګ لپاره له خپلې لوبډلې لرې کړي، هند کرکټ بورډ ويلي چې دوی به کلکتې لوبډلې ته د دې اجازه هم ورکړي ترڅو لوبډلې ته بل لوبغاړی اضافه کړي.

په دې وروستيو کې د هند او په بنګله دېش کې د نوي حکومت چې هند يې د پاکستان ملاتړی ګڼي ترمنځ سياسي حالت کړکيچن شوي دي او د دغه حکومت له لوري په بنګله دېش کې هندوانو سره زور زیاتی کيږي، چې ورسره سم يو شمېر هندي مينه والو په هند کرکټ بورډ او د کلکتې لوبډلې په منجمنټ په ټولنيزو رسنيو سختې نیوکې روانې کړې دي او ويلي دي، چې هیڅ بنګله دېشي ته بايد په ای پی ایل ليګ کې قراداد ورنه کول شي او خلکو دا ټینګار کولو چې کلکته نايټرايډرز لوبډله بايد مستفظ الرحمن له خپلې لوبډلې لرې کړي.

ما ډېر کوښښ وکړ؛ چې د راشد خان په هکله لیکنه ونه کړم، خو د ځینو تبصرو اړ کړم چې نظر پرې ورکړم.

ما ویل؛ هغه ورځ مو یاد ده، چې اسټرالیا د ااا سره د کرکې د ښودلو په پار، د افغانستان سره د ټیسټ لوبه لغوه اعلان کړه. راشد خان فورآٙ د هغوی بېګ باش تجارتي لوبو کې له ګډون انکار وکړ، حتا په لسګونه زره ډالر ګټې پروا یې هم ونه ساتله، ځکه وطن تر شخصي ګټو ارزښت ورته لاره.
کله چې د ااا او پنجاب جګړه شوه؛ بیا یې د پاکستان په تجارتي لوبو سوپرلیک کې له ګډون انکار وکړ. هلته یې هم ملي دریځ له شخصي ګټو بهتره وګاڼه. حتا د خپل ټویټر له پروفایل یې د لاهور قلندر نوم لیرې کړ.
کله چې په کونړ کې زلزلې وشوې؛ راشد خان یو د مخکښ کسانو ؤ، چې شخصي مرسته یې اعلان کړه. حتا په نړیوالو یې هم غږ وکړ، د ډېرو بهرنیو مرستې یې هم غونډې کړې، په امانت یې تر خپلو هېوادوالو ورسولې.
ما یې څو مثالونه ورکړل، تاسو یې مخینې ته ځیر شئ، چې د وطن غږ شوی، همېش یې غږ لوړ کړی او د بې وزلو هېوادوالو لاس نیوی یې کړی.

مګر تاسو متوجه یاست؟ د وروستي واده له امله بېخي ډېر وښکنځل شو. حتا د ځینو داسې پوسټونه مخې ته راغلل، چې له زړه پرې خفه شوم. مونږ ولې سل ښیګڼې نه ستایو، خو که عادي منفي نقطه هم پیدا کړو، ډېر ژر خبرې پرې کوو؟
ماسره وېره ده؛ چې دا سړی په دې حد عقده یي نه کړئ، چې بیا د ګلالۍ په سرنوشت اخته شي. د ګلالۍ پیل په دې حد ناوړه نه ؤ، خو د ولس افراطي توهین لا عقده یي کړه، حتا تر دې چې له افغانیت یې د یوې انټرویو د لارې انکار وکړ. اوس بېخي نږدې شوې، چې بله ورځ بربنډ فلمونو کې هم کار پیل کړي.
راشد خان کافي ډېر امکانات لري. که غرور مو ورڅخه واخیست، شاید له افغانیت او وطن یې زړه توری کړئ، بیا به یې در پریښی وي. دا بېخي بې انصافي ده، چې خپل خواخوږي د ستایلو پر ځای رټو.
سرور ستانکزي

ګلبدین نایب نړیوال جام کې لوبېدل غواړي !

داچې ګلبدین نایب د اماراتو په نړیوال لیګ کې په پرله پسې ډول ناکام دی او همداراز د تېر نړیوال جام وروسته هم په ملي لوبو کې ډير ناکام پاتې شوی دی تازه یې له افغان کرکټ بورډ غوښتي چې هغه دې د نړیوال جام برخه کړي ګلبدین همداراز بورډ ته یادونه کړې چې هغه په هند کې ډير ښه ریکاډ لري او کولی شي چې هلته ښه وځلیږي.

د افغانستان کرکټ بورډ غوراوي کمېټه هم په ډير فکر سره په دې هڅه کې دی چې دا ځل د مېډل ارډر لپاره د ګلبدین' دروېش او کریم جنت ترمنځ یوازې دوه لوبغاړي وټاکي څو هلته دغه ډول لوبډله نړېوال جام ته وټاکي خو ګورو چې د دوی انتخاب کوم یو لوبغاړی دی.

بلخوا بیا د غوراوي کمېټې ځیني غړي د فرمان ساپي غوښتنه هم کوي خو کپتان او روزونکي مخالفت کوي او وايي چې داځل د تجربه ناکو لوبغاړو سره نړیوال جام ته ځي.
عابد

کریم جنت ته د کرکټ بورډ وروستی خبرداری !

د افغانستان کرکټ بورډ د ملي لوبډلې لوبغاړي کریم جنت ته سپارښتنه کړې چې نور دې په پېښور کې خپل تمرینات نه ترسره کوي ځکه چې هلته د امنیتي ستونزو ویره شتون لري او هم یې د تمریناتو پرمهال پرته له اجازې خلک ویډيوګانې شریکوي.

د افغان کرکټ بورډ ډسپلین کمېټې غړو کریم جنت ته په یو استول شوي لیک کې لیکلي چې نور دې د پېښور په شمول د پاکستان په نورو سیمو کې هم خپل تمرینات نه کوي او د هر ډول تمریناتو لپاره کولی شي چې له افغانستانه ګټه واخلي او یاهم په یو بل هیواد کې ځان بوخت وساتي .

کریم چې د ملي لوبډلې برحاله لوبغاړی دی تېره اونۍ یې په پېښور کې تمرینات کول چې یوه مینه وال یې ویډیو ټولنیزو رسنیو ته پورته کړه چې له امله یې افغانانو په کریم جنت سختې نیوکې وکړې او حتا ډيرو ورته بدې ردې وویل.

کریم جنت هم کرکټ بورډ ته ځواب کې لیکلي ول چې هغه په پاکستان کې د سویلي افریقا ویزې ته منتظر و چې د همدې انتظار پر وخت یې تمرینات هم کړي ول' کریم اوس د سویلي افریقا ویزه ترلاسه کړې او دا مهال د مای کېپ ټاون لوبډلې سره یوځای شوی هم دی.

کریم جنت چې د افغانستان یو بهترین لوبغاړی دی او پېښور د افغانستان برخه ده د ننګرهار اړوند سیمي دي خپل کور مو دی خپله ځمکه مو ده انشاءالله یوه ورځ به یې ازادي اخلو بس نور کریم په یو او بل نوم یې مه یادوئ هغه ډير ښه الراونډر دی یوازې ستاسې ملاتړ ته ضرورت لري چې بېرته زړور شي او د نړیوال جام برخه شي.

ستاسې ناسمو پوسټنو له امله ورته افغان بورډ اخطاریه ورکړه.

مینه وال یې شته ?
عابد

د IPL لوبې لکه د بالیوډ سینما فلمونه دي. د ټیم څښتنان د لوبې په ځای دا ډېر ګوري چې څومره سپانسر پیدا کولای شي او د ټیم لوبې یې څومره ډېر خلک لیدلی شي. په همدې خاطر د لوبغاړو د اخیستو پروسه هم په فلم کې د هیرو د اخیستو په رقم شوې ده. دوی خپله محاسبه کوي، ګوري چې څوک څومره لګښت بېرته را نغدولی شي.
عیناً لکه پروډیوسر چې په یوه هیرو پیسې لګوي، فلم ورسره جوړوي، خو که یو فلم ناکام شو، هغه کس ښايي تر کلونو بل فلم پيدا نه کړي. بابي دیول د دې یو مثال دی، کلونه اوزګار ګرځېده، ځکه فلمونه یې نه چلېدل. اخر په انیمل فلم کې کامیاب او بیا پردې ته شو. اکشی کنا یې بل مثال دی چې ناکام و، خو دورندر فلم بیا صحنې ته راوویست، اوس به پرې نور پروډیوسران پیسې لګوي.

تراوسه IPL کې زموږ ګربز هېڅ یو ټیم وانخیست، یو لوی لامل یې دا دی چې تېر کال لوبو کې یې د کرېکټ مینه وال خوشحاله یا Entertain نه کړی شول. دا یوازې ګربز نه دی، هر لوبغاړی چې د مینه والو د جذب او ساعت‌تېرولو ډېره وړتیا ونه لري، سوداګریز لیګونه ورته لېوالتیا نه ښيي.

که څوک وایي چې ګربز خپل مینه‌وال اوس هم لري، دا خبره سمه ده، ډېر خلک خپل مینه وال لري، خو هغه تمه ترې چې لیګونه لري، هومره ورته نه شي کولای. ملي لوبډله به ورته صبر وکړي چې بېرته فام ته راشي، خو سوداګر یې ورته نه کوي، هغوی نغده ګټه ګوري.

ښې چارې
يادصاحب

ایا پوهېږئ چې د کرکټ لوبه له ۱۰۰ څخه زیاتو هېوادونو کې کیږي، خو دا مهال یوازې ۱۲ لوبډلې د ICC بشپړ غړیتوب لري؟

د وقار سلامخېل ملي لوبډلې ته تګ او بدبختي !

وقار سلامخېل چې د افغانستان د ټېسټ سیالیو ملي لوبغاړی بلل کیږي په خپل ژوند کې له بشپړې وړتیا سره سره بیا هم یوازې یوه ټېسټ لوبه د اصغر افغان په وخت کې وکړه او بیا په نړیوال کرکټ کې راښکاره نه شو .

وقار سلام خېل چې د افغانستان ملي لوبډلې د پخواني کپتان اصغر افغان او ملي لوبغاړي کریم جنت خوریه ده له همدې امله په افغان ملي لوبډله کې ځای نه لري کله چې وقار په کارابین لیګ کې ښه وځلېد د ویسټ انډیز پياوړي لوبغاړي ډوین براوو په انسټاګرام هغه وخت راشد خان او محمد نبي ټګ کړی و او مشوره یې ورکړې وه چې دې هلک ته چانس ورکړئ.

وقار د ای پي ایل پرته د نړۍ نږدې ټول لیګونه وکړل' خو ولې په افغانستان کې ځای نه لري شاید افغان کرکټ بورډ یو دلیل دا هم وړاندې کړي چې د راشد ' نبي ' مجیب' نور احمد په شتون کې دوی وقار ته ځای نه درلود' خو ولې دا دلیل منطقي نه دی ځکه چې وقار کولی شول افغانستان ته یو ورځنیواو ټېسټ لوبو کې ولوبیږي او هم دراشد په نشتون کې لوبډله کې ولوبیږي.l او همدارنګه په الف لوبډله کې لوبېدلی وی.

دا چې اوس نړیوال جام رانږدې دی نن یې چې کوم بالېنګ وکړ یوځل بیایې درې ویکټې ترلاسه کړې د لوبې مبصر وویل چې دغه هلک ولې افغانستان ته نه لوبیږي? هر لیګ ټاپ کوي که د نړیوال جام برخه شي ښه ده.

خو خبره داده چې وقار بدبخته ده چې افغانستان کې ځای نه لري ځکه دلته راشد ' نبي' مجیب' نور احمد او غظنفر لوبیږي ځای نشته چې یو بل سپېنر ولوبوي..

وقار به ډير وخته ای پي ایل هم کړی وی ' خو چې د ملي لوبډلې برحاله غړی وی ' ځکه چې د هند غوره لیګ کې هغه لوبغاړي اخیستل کیږي کوم چې برحاله په ملي لوبډله کې لوبیږي.
خان وزير عابد

د سوریاونشي یوه مرکه مې ولیده هغه وايي:"دا هر څه چې دي دا ټول زما د کورنۍ له وجې دي. زه به مې مور سهار دوه او درې بجې د تمرین لپاره راويښولم، یولس بجې به ویده کېدم، ما ټول درې تر څلور ساعتونو خوب کاوه. پلار به مې راته ویل چې زه ټول کارونه کوم ته خپل کرکټ او تمرین ته توجوع کوه. پلار به مې تل تر شا راپسې وو او راته به یې ویل چې ته یې کولی شې، تا کې وړتیا شته او ته به یو ستوری جوړېږې. دا هر څه او هره بریا زما د کورنۍ له وجې ده." بیا وايي:"ما چې کله تمرین کاوه نو د تمرین په وخت کې ماته اهول ډراویډ وویل:"موږ به تا د لوبډلې د اخیستو لپاره یو ځل تجریه کړو چې ته څنګه لوبه کوې. کله چې یې په لومړي ځل واخیستم نو اهول ډراویډ راته مبارکي راکړه. له اهول ډراویډ سره تمرین کول، کار کول، خبرې کول او کرکټ کول دا د هر کرکټر له هیلې کمه نه ده. په لوبډله کې ما ټول تشویق کوي هر یو راسره کوښښ کوي. ټول راته وايي چې ته وړتیا لرې، ته ډېر ښه توپ وهنه کوې او ته به ډېرې لوبې وګټې. ما ډېرې ورځې تمرین کړی وو اوس چې نتیجه مې ولیده خوښ یم او نور به هم تر دې غوره لوبه کوم. "
سهاک