Hadi Cricket Academy هادی کرکټ اکاډمې

هادي کرکټ اکاډمي د روزنیز معیار د لوړولو په موخه په دوو نویو ټرپ/خاورې ويکټو باندې په چټکۍ سره کار روان دی چې
دا به ډېر ژر بشپړې او د لوبغاړو د عملي تمرین لپاره به ګټې اخیستنې ته وسپارل شي، څو ځوان استعدادونه په لا ښه، منظم او مسلکي چاپېریال کې خپل مهارتونه پیاوړي کړي.
موږ باور لرو چې قوي بنسټ قوي لوبغاړي جوړوي، او د هادي کرکټ اکاډمي هدف هم دا دی چې د کرکټ راتلونکی له همدې ځایه روښانه شي.

د راتلونکو انټرکلب سياليو لپاره د غوره چمتووالي په موخه، هادي کرکټ اکاډمۍ د خپلمنځي ODI سيريز پيل کړی دی.
د دې سيريز موخه د لوبغاړو لا ښه تياری، د استعدادونو پياوړتيا او د لوبډلې ترمنځ همغږي زياتول دي.
هيله ده چې زموږ لوبغاړي په راتلونکو سياليو کې ښې لاسته راوړنې ولري او د اکاډمۍ نوم روښانه کړي.

زمونږ ځوان رهبر ثناالله سالارزی

يو بااستعداده، قوي اعصابه او په کرکټ پوه لوبډلمشر.
هغه يوازې يو عادي لوبغاړی نه، بلکې يو داسې رهبر دی چې د ستونزو په وخت کې هم خپله حوصله ساتي او ټيم ته لارښونه کوي.
له هغه وخته چې د لوبډلمشرۍ مسؤلیت ورسپارل شوی، نه يوازې خپله ځلېدلی، بلکې ټيم يې هم د برياوو پر لور سوق کړی دی. د هغه پرېکړې، جرأت او هوښيارتيا د لوبډلې په هره بريا کې ښکاره رول لري.
ثناالله سالارزی د داسې مشر مثال دی چې ټيم ته باور، حوصله او انرژي ورکوي. همدا ځانګړنې دي چې هره ورځ يې لوبډله لا پياوړې کوي.
هيله ده چې د ده دا بريالۍ لار همداسې دوام ومومي او نورې سترې لاسته راوړنې هم خپلې کړي.

د هادي کرکټ اکاډمي د برياوو تسلسل
💪🏼💪🏼
نن مو خپله دوهمه ټېسټ لوبه هم په بریا پای ته ورسوله. دا لوبه د هادي کرکټ اکاډمۍ او عسقلان سټار لوبډلو ترمنځ د عسقلان په میدان کې ترسره شوه.
هادي اکاډمۍ ټاس وګاټه او د بېټنګ پرېکړه یې وکړه. ضیاء او شاهد ښه پیل وکړ، خو شاهد په ۱۰ منډو اوټ شو. وروسته د شعېب نوري او ضیاء ترمنځ اوږده او مهمه ملګرتیا وشوه.
شعېب نوري په زړه پورې لوبه وکړه او په ۱۴۰ بالونو یې ۲۲۰ منډې جوړې کړې. ضیاء ۹۰، ایاز ۱۲۰، بلال ۶۰، وحید ۴۰ او ثناءالله هم ۴۰ منډې زیاتې کړې. په دې ډول د هادي اکاډمۍ ټولیز سکور ۶۸۳ منډو ته ورسېد.
په توپ اچونه کې هم لوبډلې ښه کار وکړ. ذکریاء ۳، ثناءالله ۲، عثمان ۲ او زبیر ۲ وېکټې واخیستې او د عسقلان لوبډله په ۱۷۸ منډو آل اوټ شوه.
شعيب نوري د لوبې غوره لوبغاړی ونومول شو
ــــــ
مبارک دې وي ټولو لوبغاړو او مینه‌والو ته

د اختريزو سياليو په دوام کې.
نن هم دوه سيالي لومړي سيالي د خان اباد لوبډلې او افغان زمري لوبډلي تر منځ تر سره شوه چي افغان زمري لوبډله په وخت سره ميدان ته حاضره نشوه نو له کميټي لخوا لوبه خان اباد لوبډلې ته په ګټه ورکړل شوه
دوهمه لوبه د هادي اکاډمۍ او خان اباد لوبډلې تر منځ تر سره شوه چي هادي اکاډمۍ لوبډلي ټاس وګاټه او پخپله يي د بیټنګ پريکړه وکړه چي په ټاکلي اورونو کې يي 213 منډو هدف وټاکه ياد هدف پسی خان اباد لوبډله پاتي راغله چي د ټولو لوبغاړو په سوځېدو سره يي 188 منډي جوړي کړي د لوبي غوره لوبغاړی عثمان افغان راغلي چي نوموړي څلور لوبغاړي له ميدانه بهر کړه

د ارچی اختریزو سیالیو په لړ کې
د هادي اکاډمۍ او افغان زمري لوبډلو ترمنځ یوه ښه او په زړه پورې لوبه ترسره شوه. افغان زمري لوبډلې پچه وګټله او د بالینګ پرېکړه یې وکړه.
هادي اکاډمۍ په ټاکلو اورونو کې ۲۵۰ منډې هدف وټاکه. افغان زمري لوبډلې د هدف د پوره کولو هڅه وکړه، خو بریالۍ نه شوه او د ۹ ویکټو په زیان یې ۲۲۱ منډې جوړې کړې.
د لوبې غوره لوبغاړی ایاز خان و، چې په ۱۸ توپونو یې ۵۲ چټکې منډې جوړې کړې او ۱ ویکټ یې هم واخیسته.