KF Gramshi

Sot nisi zyrtarisht faza përgatitore për sezonin 2026/2027. Dita e parë e punës, me shumë entuziazëm, dëshirë dhe përkushtim për të ndërtuar bazat e një sezoni të rëndësishëm.
Skuadra ka nisur rrugëtimin e saj, ndërsa grupi vazhdon të jetë në formim. Në ditët në vazhdim priten ardhje të reja dhe merkatoja mbetet ende e hapur për të kompletuar ekipin.
Punë, sakrificë dhe bashkim për një objektiv të përbashkët.

⚽️

📄✍️ ZYRTARE

🔴⚪️Mirë se erdhe Kledis Hida

KF Gramshi ka kënaqësinë të njoftojë arritjen e marrëveshjes me qendërmbrojtësin Kledis Hida, duke iu bashkuar projektit ambicioz dhe afatgjatë të ekipit gramshiot.

Afrimi i Hidës është një garanci më shumë në repartin difensiv, duke i dhënë më tepër forcë, efikasitet, inteligjencë dhe siguri mbrojtjes.

Gjatë karrierës së tij, Hida ka luajtur në Gjakovë tek Vllaznimi ndërsa në Shqipëri tek Kukësi, Tomori, Elbasani dhe Lushnja ku ka spikatur për cilësitë teknike, disiplinën taktike dhe shpirtin luftarak në fushë.

SUKSESE HIDA💪🏻

📄✍️ ZYRTARE

🔴⚪️Mirë se erdhe Fadil Meta🥇

Me kënaqësi mirëpresim në familjen e KF.Gramshi futbollistin Fadil Meta, një lojtar me talent, përkushtim dhe eksperiencë të vyer në futbollin shqiptar.

Gjatë karrierës së tij, Fadili ka spikatur për cilësitë teknike, vizionin në lojë, disiplinën taktike dhe shpirtin luftarak në fushë. Me paraqitje të mira në skuadrat ku ka kontribuar ndër vite, si Shkumbini, Egnatia, Erzeni, Vora dhe Lushnja ai sjell cilësi, siguri dhe ambicie në ekipin tonë.

Aftësitë dhe përvoja e tij do të jenë një vlerë e shtuar për Gramshin në arritjen e objektivit të sezonit, titulli Kampion🏆

SUKSESE Fadil Meta🔴⚪️

📄✍️ Zyrtare

Mirë se erdhe Julian Malo🔴⚪️

KF Gramshi ka kënaqësinë të njoftojë zyrtarizimin e Drejtorit të ri Sportiv të klubit🔴⚪️

Julian Malo, ish futbollist i talentuar dhe golashënues i spikatur në Superligë me ekipe elitë si Partizani, Teuta, Laçi, Kukësi, Kamza dhe Burreli, nis sot me KF Gramshi një eksperiencë të re si drejtues sportiv.

Julian Malo një vlerë e shtuar në strukturën drejtuese të klubit.

SUKSESE në familjen 🔴⚪️ Juli🥇💪🏻

🔴⚪ Zyrtare | Welcome

KF Gramshi ka kënaqësinë të prezantojë dy afrimet më të reja për sezonin 2026-2027; Jasmin Raboshta dhe Rei Zaimi

Zaimi, mbrojtësi i talentuar gramshak, rikthehet ne shtëpinë e tij, ku lindi dhe u rrit si futbollist pas disa sezoneve në ekipe elitë të futbollit shqiptarë.

Bomberi Raboshta një emër i njohur për sportdashësit me karrierë të gjatë dhe të spikatur, golashënues dhe nuhatës i shkëlqyer i portës do të veshë fanellën e KF Gramshi 🔴⚪️

Dy futbollistët i bashkohen familjes kuqe e bardhë me synimin për të dhënë kontributin e tyre në arritjen e objektivave të klubit në sezonin e ri, kampion te kategorisë së dytë🏆

Mirë se erdhët në shtëpinë tuaj të re! ❤️🤍⚽

KATEGORIA E DYTË - KF GRAMSHI

SEZONI FUTBOLLISTIK 2026–2027

KF Gramshi do të nisë zyrtarisht sezonin e ri në Kampionatin “Kategoria e Dytë” më 12.09.2026, ndërsa kampionati do të përfundojë më 25.04.2027.

📅 Fillimi i kampionatit: 12.09.2026
Përfundimi i kampionatit: 25.04.2027

Suksese ekipit tonë në sezonin e ri!

NJË KLUB, NJË QYTET, NJË PASION – KF GRAMSHI

NGUSHËLLIME NGA KF GRAMSHI

KF Gramshi ka marrë me dhimbje të thellë lajmin për ndarjen tragjike nga jeta të futbollistit 21-vjeçar Bunjaku, pjesë e AF Elbasanit.

Humbja e një sportisti kaq të ri është një lajm i rëndë për familjen, miqtë, klubin e tij dhe gjithë komunitetin sportiv. Bunjaku do të kujtohet si një futbollist i talentuar dhe një djalë me të ardhme të ndritur në futboll.

Në këto momente të vështira, KF Gramshi i shpreh ngushëllimet më të sinqerta familjes së të ndjerit, drejtuesve të AF Elbasanit, bashkëlojtarëve dhe të afërmve të tij.

U prehtë në paqe. Kujtimi i tij do të mbetet gjithmonë i gjallë në zemrat e të gjithë sportdashësve.

🕊️ Ngushëllime familjes dhe AF Elbasani.

⚽️ KF Gramshi U-11 e mbyll sezonin me sukses dhe krenari ⚽️

Ekipi i KF Gramshi U-11 përfundoi sezonin 2025–2026 në mënyrën më të mirë të mundshme, duke fituar ndeshjen e fundit ndaj KF Shkumbinit me rezultatin 3–1 dhe duke vulosur një edicion fantastik për futbollin e moshave në qytetin e Gramsh*t.

Pas një sezoni plot përkushtim, sakrifica dhe emocione të shumta, të vegjlit gramshiotë arritën të shpallen nënkampionë të qarkut të Elbasanit, një sukses që tregon punën e madhe të skuadrës dhe stafit teknik gjatë gjithë kampionatit.

Në çdo takim, lojtarët treguan karakter, disiplinë dhe dëshirë për fitore, duke rivalizuar me dinjitet përballë ekipeve më të forta. Paraqitjet e tyre kanë sjellë krenari për sportdashësit e qytetit dhe kanë dëshmuar se në Gramsh po rritet një brez me shumë talent për të ardhmen.

Një nga futbollistët më të spikatur të sezonit ishte Geard Hamzallari, i cili zhvilloi një kampionat të jashtëzakonshëm. Talenti i ri realizoi 32 gola në 20 ndeshje, duke u kthyer në një nga lojtarët më vendimtarë të ekipit dhe ndër golashënuesit më të mirë të kampionatit.

Ky sukses është rezultat i punës së vazhdueshme në stërvitje, përkushtimit të trajnerëve dhe mbështetjes së madhe nga prindërit, të cilët kanë qenë pranë ekipit gjatë gjithë sezonit.

Urime KF Gramshi U-11 për sezonin e shkëlqyer dhe shumë suksese të tjera në të ardhmen! 👏⚽️

REZULTATI U-11 | KF GRAMSHI 3 - 1 KF SHKUMBINI Ndeshja e fundit e sezonit për KF Gramshi U-11KF Gramshi U-11 e mbylli sezonin 2025–2026 me fitore, duke triumfuar me rezultatin 3–1 ndaj KF Shkumbini.Të veg...

FOTO 📸

KF Sopoti 3 - 0 KF Gramshi

⚽️