Ultras Unikat - KF Bashkimi

Të dashur dashamirë e tifozë të klubit Bashkimi, të dielën në ora 16:00 ju ftojmë i madh e i vogël të na bashkangjiteni në shkallët e stadiumit e për 90 minuta ti përkrahim djelmoshat tanë në luftën e radhës, për ta përfunduar me sukses betejën e këtij sezoni.

Për 90 minuta, le të krijojmë një atmosferë mbështetëse për djemtë tanë që mbrojnë ngjyrat e klubit tonë të zemrës. Futbolli është më shumë se një lojë, është pasion e dashuri për këtë sport të bukur.

Na gëzoni zemrat dhe fitoni për ne në fushë. Të gjithë të bashkuar në përkrahje të Bashkimit.

Nesër ora 13:00 mblidhemi në shkallët e stadiumit per perkrahjen e djelmoshave tanë në ndeshjen ndaj Vllaznisë nga Pozhorani.

Mysafirëve iu urojmë mirëseardhje!

Perpara Bashkimi jonë, ti o Kampion.

Marshojmë përpara!

jo 30 po 300 kem n'hogosht si nKoretin 💪🏻

Nesër ora 12:00 të gjithë mblidhemi tek stadiumi i fshatit nga ku edhe bëhet nisja për në Hogosht në mënyrë të organizuar. Ata të cilët kanë maicat e tifozëve apo të klubit ftohen të i marrin ato si dhe të tjerët të cilët nuk janë të pajisur me to mundësisht veshje me ngjyrë të zezë.

Të gjithë së bashku për Bashkimin.

Vitet kalojnë e dashuria për Bashkimin tonë asnjëherë nuk zbehet; ne do jemi pranë jush në çdo hap siq kemi qenë gjithmonë, në festë e në hidhërim, në borë e në shi, me kilometra larg apo në stadiumin tonë. Sfidat kalohen kur qëndrojmë të bashkuar!

Sfida e rradhës për sezonin pranverorë fillon në Hogosht. Të bashkuar e më të fortë se kurrë, mblidhemi të dielën tek stadiumi i fshatit në ora 12:00 nga ku në mënyrë të organizuar me autobusë nisemi drejt fshatit Hogosht. Transporti është pa pagesë.

Nga lojtarët kërkojmë angazhim me shpirtin plot, djersë për fanelën e Bashkimit dhe mos dorëzim deri në vërshëllimën e fundit.

Përpara djema!

KF Bashkimi ka nevojë për ne, në javën e XV presim në shtëpi Vëllaznimin nga Gjakova, ftojmë të gjithë anëtarët dhe simpatizantët e klubit që të dielën të përkrahim djelmoshat që mbrojnë fanellën e klubit tonë të zemrës deri në vërshëllimën e fundit.

Përpara Bashkimi!

Ndeshja radhes
KF Bashkimi - KF Besa
E Diel 15:00
Bashkimi ka nevoje per perkrahjen tone 💪🏼
p.s Tifozve musafir ( Besa Boys ) iu urojme Mireseardhje
💪🏼🧡

Faleminderit lojtarëve dhe gjithë stafit të klubit për angazhimin, dhe mundin për të na dhuruar 3 pikët, për fati nuk deshti ashtu. Ne si grup gjithmonë do jemi pranë jush me mundësitë tona.

Po ashtu, turpi coftë mbi tifozërinë inferiore për veprimet e tyre të pahijshme ushtruar në Policinë e Kosovës, besoj që ju mjaftuan më shumë se 90 minuta të merrni mësime sa i përket kulturës së një tifozi e sjelljeve të një njeriu normal.

Përpara Bashkimi, ne kemi besim në ju.

Më në fund po rikthehemi në shtëpinë tonë; aty ku secili nga ne për 90 minuta nuk ka gjë tjetër në mendje pos Bashkimit, aty ku emocionet e drithërimat nuk kanë të ndalur, aty ku motoja "një për të gjithë e të gjithë për një", vlen.
Të dielën sezonin e rij në shtëpi e nisim në mënyrën më të mirë, përball ekipit inferior lokal ku do kemi kënaqësinë të triumfojmë në fushë por, si gjithmonë edhe në tribuna.

Nga djemtë e ekipit kërkojmë angazhim, djersë për fanellën e Bashkimit, dashuri për sportin e bukur të futbollit dhe klubin tonë të zemrës që nga minuta e parë e deri tek vërshëllima e fundit e gjyqtarit. Ne besojmë tek ju e nuk do ju lëm vetëm as edhe një herë të vetme.

Të dielën mblidhemi në ora 15:30 në shkallët e stadiumit, kodi i veshjes do jetë portokalli dhe zi.
Perpara Bashkimi.

💪🏼💪🏼💪🏼