Klubi Shumësportësh Skënderbeu

📝 NJOFTIM ZYRTAR | ALISJA KASO I BASHKOHET SKËNDERBEUT

Klubi Shumësportësh Skënderbeu ka kënaqësinë të njoftojë se Alisja Kaso, 17 vjeç, do të vijojë të jetë pjesë e skuadrës së volejbollit për femra edhe për sezonin sportiv 2026–2027.

Alisja aktivizohet në pozicionin Outside Hitter dhe është pjesë e Kombëtareve Shqiptare U-18 dhe U-20, duke përfaqësuar me përkushtim dhe talent volejbollin shqiptar.

Vazhdimësia e saj me Skënderbeun përbën një tjetër hap të rëndësishëm në rrugëtimin e saj sportiv.

Suksese, Alisja! ❤️🤍

SARA MALAJ RIKTHEHET TE SKENDERBEU 🤍❤️

Klubi Sportiv Shumesportesh Skenderbeu njofton rikthimin e Sara Malaj per sezonin 2026–2027.

21-vjecarja aktivizohet ne pozicionin Middle Blocker dhe ka 4 vite pjese e Kombetares Shqiptare, 3 vite me U-20 dhe sezonin e fundit me Kombetaren e te Rriturave.

Pas 2 sezonesh me Skenderbeun dhe nje sezoni me Tiranen, Sara rikthehet serish te Skenderbeu per te veshur fanellen bardhekuqe. ❤️🤍

Me shume eksperience dhe ambicie, Sara rikthehet gati per te dhene maksimumin ne parket. 🔥

Mire se u riktheve, Sara!
Forca Skenderbeu! 🤍❤️🇦🇱

IRSA METANJ VAZHDON ME SKËNDERBEUN

Klubi Sportiv Shumësportësh Skënderbeu njofton se Irsa Metanj do të vijojë të jetë pjesë e ekipit të volejbollit për femra edhe për sezonin 2026–2027.

17-vjeçarja aktivizohet në pozicionin Outside Hitter dhe është pjesë e Kombëtares U-20 dhe asaj Senior të Shqipërisë.

Aktualisht, Irsa po stërvitet në Itali me Megabox Vallefoglia, ekip i Serisë A, ku do të qëndrojë për rreth një muaj, me mbështetjen e Federatës Shqiptare të Volejbollit dhe kapitenes së Kombëtares, Era Bici.

Irsa po bën një eksperiencë shumë të rëndësishme për karrierën e saj.

Forca Skënderbe 🇦🇱
Suksese, Irsa!

📝 NJOFTIM ZYRTAR | MARIO LUGAJ I BASHKOHET SKËNDERBEUT

Klubi Sportiv Shumësportësh Skënderbeu ka kënaqësinë të njoftojë arritjen e marrëveshjes me volejbollistin Mario Lugaj, i cili do të jetë pjesë e ekipit të volejbollit për meshkuj për sezonin sportiv 2026–2027.

Mario aktivizohet në pozicionin Outside Hitter dhe vjen te Skënderbeu me ambicie dhe dëshirë për të dhënë kontributin e tij në objektivat e skuadrës për sezonin e ri.

Me cilësitë dhe potencialin e tij, Mario pritet të jetë një vlerë e shtuar për ekipin tonë dhe një pjesë e rëndësishme e projektit të Skënderbeut.

Mirë se erdhe, Mario!

DESARA SHAHOLLI VAZHDON ME SKËNDERBEUN

Klubi Sportiv Shumësportësh Skënderbeu ka kënaqësinë të njoftojë se Desara Shaholli, 17 vjeç, do të vijojë të jetë pjesë e ekipit të volejbollit për femra edhe për sezonin sportiv 2026–2027.

Desara aktivizohet në pozicionin Libero dhe është pjesë e Kombëtareve Shqiptare U-18 dhe U-20, duke përfaqësuar një nga talentet e reja të volejbollit shqiptar.

Me përkushtimin, energjinë dhe cilësitë e saj, Desara do të vijojë të japë kontributin e saj në objektivat e skuadrës për sezonin e ri.

Suksese, Desara!

SINDI MULLALLI VAZHDON ME SKËNDERBEUN!

Kënaqësi të njoftojmë se Sindi Mullalli, vetëm 15 vjeç, do të vijojë të jetë pjesë e skuadrës së Skënderbeut edhe për këtë sezon.

Sindi aktivizohet në pozicionin qendër (Middle Blocker) dhe është pjesë e Kombëtares Shqiptare U-17, duke përfaqësuar një nga talentet e reja dhe premtuese të volejbollit shqiptar.

Me talentin, përkushtimin dhe dëshirën për t’u zhvilluar çdo ditë, Sindi vijon të jetë një pjesë e rëndësishme e skuadrës sonë.

Suksese, Sindi! ❤️🤍

🏀 SKËNDERBEU – NJË SKUADËR, NJË OBJEKTIV! 🤍❤️

Sezoni i ri nis me energji të re, forcë të re dhe ambicie të mëdha! 💪🔥

🔴 Ahmoni Weston — Guard | 180 cm
⚪ Steve Kelly — PG | 180 cm
🔴 Melvin Evans — Guard | 194 cm
⚪ Keithan Brooks — SG | 197 cm
🔴 Will Allen — Forward | 201 cm
⚪ Shainen Carter — Center | 205 cm

Gjashtë profile të reja që i bashkohen pjesës tjetër të ekipit për të krijuar një Skënderbe më konkurrues, më të fortë dhe më ambicioz! 🏀🔥

🎯 Objektivi? Të luftojmë fort në çdo ndeshje dhe ta çojmë Skënderbeun sa më lart!

Bashkë. Me besim. Me karakter. Për Skënderbeun! 🤍❤️🏆

HAJDI XHENGO VAZHDON ME SKËNDERBEUN!

Kënaqësi të njoftojmë se Hajdi Xhengo, 16 vjeç, do të vijojë të jetë pjesë e skuadrës së Skënderbeut edhe për këtë sezon.

Hajdi aktivizohet në pozicionin pasuese dhe është njëkohësisht pjesë e Kombëtareve U-18 dhe U-20 të Shqipërisë, duke përfaqësuar një nga talentet e reja të volejbollit shqiptar.

Suksese, Hajdi!

Donald Suxho viziton Skënderbeun! 🇦🇱🇱🇷🏐

Një vizitë e veçantë për familjen e volejbollit të Skënderbeut!

Ish-kapiteni i Kombëtares së SHBA-së dhe një nga emrat më të njohur të volejbollit shqiptar në arenën ndërkombëtare, Donald Suxho, takoi ekipin e volejbollit të Skënderbeut gjatë përgatitjeve për sezonin e ri.

Gjatë takimit, Suxho përshëndeti lojtaret dhe stafin, duke ndarë me ta eksperiencën e tij të pasur në volejbollin elitar dhe duke i motivuar për sfidat që i presin në sezonin e ri.

Klubi Shumësportësh Skënderbeu e falënderon Donald Suxhon për vizitën, fjalët inkurajuese dhe mbështetjen ndaj volejbollit shqiptar.

Mirë se vjen gjithmonë në Skënderbeu, Donald Suxho! 🤍❤️

Sezoni i ri nis me ambicie të mëdha! 🤍❤️🏐

Klubi Shumësportësh Skënderbeu – Volejboll Meshkuj ka nisur zyrtarisht përgatitjet për sezonin e ri, me besim të plotë dhe objektiva të qarta.

Konfirmohen të gjithë lojtarët që ishin pjesë e ekipit sezonin e kaluar, duke ruajtur bërthamën që na përfaqësoi me dinjitet. Skuadra është përforcuar gjithashtu me 3 lojtarë të rinj shqiptarë dhe 3 përforcime cilësore të huaja, të cilët do t’i japin ekipit më shumë forcë dhe konkurrencë.

Me një grup të konsoliduar, staf të përkushtuar dhe mbështetjen e tifozëve tanë, jemi gati të luftojmë për objektivat më të larta të sezonit.

Na pret shumë punë, sakrificë dhe emocione. Së bashku për Skënderbeun!

Forca Skënderbe🤍❤️🏆!!