Klubi Shumësportësh Elbasani

💛💙 Rubrika: Krenaria Verdheblu
🏓Ekipi i Djemve në Pingpong

Me punë, disiplinë dhe përkushtim, ekipi i djemve të pingpongut të Klubit Shumësportësh Elbasan vazhdon të përfaqësojë me dinjitet ngjyrat verdheblu.

Nën drejtimin e trajnerëve Gëzim Tosuni dhe Greta Kovaçi, sportistët tanë arrijnë rezultate që na bëjnë krenarë.

💛💙 Suksese të mëtejshme ekipit tonë në kampionatet e rradhës!

🏆 Rubrika: Legjendat Verdheblu 💛💙

Ka emra që nuk i fshin koha. Ata janë themeli mbi të cilin është ndërtuar historia e Klubit Shumësportësh Elbasan dhe frymëzimi për çdo brez sportistësh.

Në këtë rubrikë nderojmë figurat që kanë lënë gjurmë në sportin elbasanas. Sot sjellim disa prej tyre:

🏐 Hysen Domi – Volejboll
🏐 Natasha Kallajxhiu – Volejboll
🏃 Beqir Sejdini – Atletikë
🏀 Fatos Suvarija – Basketboll
🏐 Edmond Koçiaj – Volejboll
🎯 Ylli Mollsi – Qitje

Kontributi, përkushtimi dhe sukseset e tyre kanë lënë gjurmë të pashlyeshme në historinë e sportit verdheblu. Mirënjohje për gjithçka i kanë dhuruar Klubit Shumësportësh Elbasan dhe sportit elbasanas.

🔹 Kjo është vetëm pjesa e parë e rubrikës “Legjendat Verdheblu”. Në ditët në vijim do të vijojmë të prezantojmë edhe shumë sportistë, trajnerë e personalitete të tjera që kanë shkruar historinë e klubit tonë.

💛💙 Historia vazhdon… dhe bashkë me të edhe mirënjohja për ata që e ndërtuan atë.

🕊️⚫ Lamtumirë, Sotiraq Gugu!
Futbolli Elbasanas humb një nga emrat e tij të respektuar!

Sporti elbasanas është sot në zi. Është ndarë nga jeta Sotiraq Gugu, ish-futbollisti i njohur i Elbasanit dhe i Kombëtares Shpresa, një prej mbrojtësve të djathtë më elegantë të brezit të tij. Me fanellën verdheblu ai u dallua për inteligjencën në lojë, korrektësinë, qetësinë dhe përkushtimin maksimal në çdo ndeshje. Ishte një futbollist që nuk spikaste vetëm për cilësitë teknike, por edhe për karakterin e tij fisnik, duke fituar respektin e bashkëlojtarëve, trajnerëve dhe tifozëve. ⚽💛💙

Ketë vit patëm edhe nderin ta dekoronim në mbrëmjen Gala, me motivacion: "Për kontributin e dhënë në rritjen e cilësisë sportive ndaj Klubit Shumësportësh Elbasan."🏅

Kontributi i Sotiraq Gugut mbetet pjesë e historisë së futbollit elbasanas. Ai i përkiste atij brezi sportistësh që e nderuan fanellën e Elbasanit me dinjitet dhe që lanë pas një emër të mirë, brenda dhe jashtë fushës së lojës. Largimi i tij është një humbje për familjen, miqtë dhe gjithë komunitetin sportiv, i cili do ta kujtojë gjithmonë me respekt dhe mirënjohje. Sporti & Kultura Elbasan i shpreh ngushëllimet më të sinqerta familjes Gugu, të afërmve dhe të gjithë atyre që e deshën dhe e vlerësuan.

🕯️ U prehtë në paqe! Kujtimi i tij do të mbetet gjithmonë pjesë e historisë së sportit elbasanas.

⭐ Rubrika: Krenaria Verdheblu 💛💙

🏋🏻‍♂️Peshëngritja është një nga disiplinat që i ka dhuruar Klubit Shumësportësh Elbasan rezultate të shkëlqyera ndër vite.

Nën drejtimin e trajnerit Ilir Çela, kampionët tanë Franko Ferra, Kristi Muça dhe Kejdi Tafani kanë dëshmuar se me talent, sakrificë dhe vendosmëri arrihen rezultate që lënë gjurmë.

🏋️‍♂️ Suksesi ndërtohet me punë, disiplinë dhe përkushtim. 💛💙
Krenarë për rrugëtimin dhe sukseset e tyre, u urojmë të vazhdojnë të shkëlqejnë dhe të na dhurojnë edhe shumë arritje të tjera në të ardhmen.

💪🏻Forca e kampionëve qëndron te puna e përditshme!

☀️ Mirëmëngjes me ekipin e basketbollit të Elbasanit! 🏀💛💙

Parketi na pret sërish dhe ne jemi gati të rikthehemi më të fortë se kurrë. Me energji të re, pasion, përkushtim dhe një grup sportistësh të etur për të dhënë maksimumin, nis rrugëtimi i një sezoni të ri plot sfida, emocione dhe fitore.

Çdo stërvitje na afron me objektivat, çdo ndeshje do të jetë një mundësi për të treguar forcën e ngjyrave verdheblu.

See you soon… 🔥

🏛️ Njihuni me historinë e Klubit Shumësportësh Elbasani! 💛💙

Historia e Klubit Shumësportësh Elbasani është historia e vetë sportit të organizuar në qytetin e Elbasanit. Për më shumë se një shekull, ky klub ka qenë shtëpia e kampionëve, shkolla e talenteve dhe simbol i përkushtimit ndaj sportit, duke lënë një gjurmë të rëndësishme në historinë e sportit shqiptar. 🇦🇱🏆

📍 1913 – Zanafilla e sportit të organizuar
Gjithçka nisi në vitin 1913, kur studenti elbasanas Jovan Dimitresku, pas kthimit nga studimet në Stamboll, solli në qytet topat e parë të futbollit dhe organizoi ekipin e parë. Po atë vit u krijua edhe Urani Elbasan, klubi i parë sportiv në qytet, duke shënuar lindjen e sportit të organizuar në Elbasan. ⚽

📍 1913–1930 – Hapat e parë
Sporti zhvillohej kryesisht mbi baza vullnetare. Futbolli luhej në fusha të improvizuara si Namazgjahu, Fusha e Kazazit, Çairja e Stringës dhe Balashja e Beut. Krahas futbollit, nisën të zhvilloheshin edhe atletika dhe aktivitete të tjera sportive në shkolla dhe shoqëri kulturore. 🏃‍♂️

📍 1932–1944 – Konsolidimi
Në vitin 1932 klubi mori emrin KS Skampa Elbasan, ndërsa në vitin 1939 u quajt KS Bashkimi. Gjatë kësaj periudhe sporti elbasanas u konsolidua dhe nisi të përfaqësohej rregullisht në kampionatet kombëtare. 🏅

📍 1945–1958 – Lindja e klubit shumësportësh
Pas Luftës së Dytë Botërore nisi riorganizimi i sportit shqiptar. Në Elbasan u krijuan seksione për atletikë, basketboll, volejboll, mundje, boks, peshëngritje, gjimnastikë dhe sporte të tjera. Klubi mori fillimisht emrin KS Elbasani dhe më pas Puna Elbasan, duke zgjeruar ndjeshëm aktivitetin sportiv. 🤾🏀🏋️

📍 1958–1991 – Epoka e Labinotit
Kjo konsiderohet periudha më e lavdishme në historinë e klubit. Me emrin KS Labinoti, Elbasani u shndërrua në një nga klubet më të suksesshme shumëdisiplinore në Shqipëri. U ngritën shkolla sportive dhe klasa sportive për talentet e reja, u zhvilluan dhjetëra disiplina sportive dhe u fituan qindra tituj kampionë kombëtarë. Shumë sportistë të klubit përfaqësuan Shqipërinë në Ballkaniada, Kampionate ndërkombëtare.🌍

📍 Fundi i viteve 1960 – Fillimi i viteve 1970 – Klasat sportive
Në bashkëpunim me klubin Labinoti, u krijuan klasat sportive pranë shkollave të qytetit për sporte si atletika, basketbolli, volejbolli dhe futbolli. Ky sistem u bë baza e formimit të shumë kampionëve dhe sportistëve të ekipeve kombëtare. 👧👦🏆

📍 1991 – 2000 Kalimi në varësi të Bashkisë Elbasan
Pas ndryshimeve politike, klubi kaloi në administrimin e Bashkisë Elbasan. Megjithëse financimi shtetëror u reduktua, aktiviteti sportiv vazhdoi falë përkushtimit të trajnerëve, sportistëve dhe drejtuesve të klubit. 🏛️

📍 2000–2015 – Ringritja
Kjo periudhë u karakterizua nga investime në infrastrukturën sportive, zhvillimin e sportit të të rinjve dhe rikthimin e sukseseve në disiplina si karate, pingpong, peshëngritje, atletikë, shah, çiklizëm, judo dhe not. Gjithashtu u rikonstruktua edhe stadiumi “Elbasan Arena”, një nga impiantet sportive më moderne në vend. 💪

📍 2016–2025 – Klubi Shumësportësh Elbasani
Sot klubi funksionon si institucion në varësi të Bashkisë Elbasan dhe administron 20 disiplina sportive, 40 ekipe dhe 37 trajnerë. Misioni i tij mbetet zhvillimi i sportit masiv, edukimi i brezave të rinj dhe përgatitja e sportistëve elitarë që përfaqësojnë me dinjitet Elbasanin dhe Shqipërinë.

🏆 Me mbi 112 vite histori, Klubi Shumësportësh Elbasani mbetet një nga institucionet sportive më të rëndësishme në Shqipëri, një simbol i traditës, përkushtimit dhe suksesit.

📖💛💙 Klubi Shumësportësh Elbasani- Mbi një shekull histori në shërbim të sportit!

#1913

🥋🔥 Karate Team.
Together we train. Together we improve. Together we shine.✨🤩😊

🤝 Mirënjohje për partnerët tanë institucionalë!

Në përmbyllje të Kampionatit të 33-të Ballkanik të Ping Pongut për të Rinj 2026, Drejtori i Përgjithshëm, z. Artin Kovaçi, mikpriti përfaqësuesit e institucioneve që bashkëpunuan ngushtësisht dhe dhanë një kontribut të çmuar në mbarëvajtjen dhe organizimin e suksesshëm të këtij eventi ndërkombëtar.

Në shenjë vlerësimi dhe mirënjohjeje, z.Kovaçi u dorëzoi certifikata mirënjohjeje institucioneve që ishin pranë nesh gjatë gjithë zhvillimit të kampionatit:

🏅 Policia Vendore Elbasan
🏅 Spitali Rajonal Elbasan
🏅 Policia Bashkiake Elbasan
🏅 Drejtoria e Mbrojtjes dhe Shpëtimit nga Zjarri

Kontributi, profesionalizmi dhe bashkëpunimi i këtyre institucioneve ishin një garanci e rëndësishme për zhvillimin me sukses të këtij kampionati dhe për sigurinë e të gjithë pjesëmarrësve.

Ju falënderojmë për përkushtimin dhe mbështetjen tuaj. Suksesi i këtij eventi është edhe suksesi i këtij bashkëpunimi institucional.

🏓 Organizimi i suksesshëm i Kampionatit të 33-të Ballkanik të Ping Pongut për të Rinj në Elbasan ka marrë vlerësim edhe nga European Table Tennis Union (ETTU).

Në artikullin e publikuar nga ETTU theksohet se kampionati u mbyll me sukses pas pesë ditësh garash, ku Elbasani mirëpriti talentet më të mira të reja të rajonit në një aktivitet që shërbeu si testi i fundit dhe më i rëndësishëm përpara Kampionatit Evropian për të Rinj 2026.

Për ne është një krenari e madhe që Shqipëria dhe Elbasani mirëpritën me sukses një event kaq të rëndësishëm ndërkombëtar, duke promovuar sportin, mikpritjen dhe frymën e bashkëpunimit mes vendeve të rajonit.

Ky vlerësim nga ETTU është një tjetër dëshmi se Elbasani po konsolidohet si një qytet i aftë për të organizuar aktivitete sportive të standardeve më të larta ndërkombëtare.

🤝 Një falënderim i veçantë shkon për Komitetin Olimpik Kombëtar Shqiptar, për besimin e dhënë ndaj Elbasanit në organizimin e një eventi kaq të rëndësishëm ndërkombëtar, si dhe për Federatën Shqiptare të Ping Pongut për bashkëpunimin dhe përkushtimin në realizimin dinjitoz të këtij kampionati.

Së bashku dëshmuam se, me bashkëpunim dhe përkushtim, Elbasani është i gatshëm të mirëpresë dhe organizojë me sukses evente sportive të përmasave kombëtare dhe ndërkombëtare.

Balkan Youth Championships Provide Ultimate European Youth Championships Test Ahead of Gondomar - European table tennis union The 33rd Balkan Youth Table Tennis Championships came to a successful close in Elbasan, Albania, after five days of competition that showed the best young talents from across the region. Serving as the final major test before the 2026 European Youth Championships in Gondomar, the event offered playe...

🏓 Përfundoi me sukses Kampionati i 33-të Ballkanik i Ping Pongut për të Rinj, Elbasan 2026.

Pas pesë ditësh plot emocione, garë dhe miqësi, finalizuam me sukses këtë aktivitet të rëndësishëm ndërkombëtar, duke dorëzuar medaljet dhe kupat për ekipet dhe sportistët triumfues.

Ishte një nder për klubin tonë dhe për qytetin e Elbasanit të mirëprisnim delegacionet nga 13-të vende të Ballkanit (rasti i parë në historinë e ballkaniadave me numrin më të lartë të pjesëmarrjes) me 150 sportistë ku nga delegacioni kuq e zi ishin 24 sportistë (m/f) nga ku klubi ynë u përaqësya nga dy sportitet tona: Ana Kokoneshi dhe Darla Isaku.
Këto ditë dëshmuan se sporti bashkon popujt, krijon miqësi të reja dhe forcon bashkëpunimin mes vendeve tona në frymën e respektit dhe fair play-t.

Falënderojmë të gjitha federatat pjesëmarrëse, sportistët, trajnerët, arbitrat, vullnetarët dhe çdo person që kontribuoi në suksesin e këtij kampionati.

Vlen për tu theksuar interesimi dhe kujdesi i veçantë për mbarëvajtjen sa më të suksesshme të këtij evenimenti të rëndësishëm ndërkombëtar i Kryetarit të Bashkisë Elbasan, z.Gledian Llatja.

Mirënjohje gjithashtu për Komitetin Olimpik Kombëtar Shqiptar dhe Presidentin e tij, z.Fidel Ylli, për mbështetjen e vazhdueshme ndaj sportit dhe vizionin për ta kthyer Elbasanin në një qendër të sportit ndërkombëtar, si dhe për Federatën Shqiptare të Ping Pongut për besimin dhe bashkëpunimin e vyer në organizimin e kampionatit.

Pavarësisht se Shqipëria nuk u shpall kampion në klasifikim përfundimtar të podiumit, ne u shpallëm kampion për organizimin me sukses dhe mbresëlenes të këtij evenimenti!

🤝 Mirupafshim në aktivitetet e radhës!