Brazilian Jiu-Jitsu Albania

💥 Momente nga Kampionati Europian IBJJF 2025 💥

Javën që kaloi 5 sportistë nga Tirana MMA Center dhe 1 sportist nga palestra simotër në Gjakovë morën pjesë përsëri në Kampionatin Europian të BJJ pa “Gi” (kimono).

GEMBI JUNIKU (nga Gjakova) doli në vend të tretë në kategorinë Master 1 për brezin lejla. Gembi kaloi dy përballje dhe humbi ndeshjen e tretë me sportistin që fitoi titullin kampion.

SAZAN ZAIMI, i promovouar rishtazi, garoi për herë të parë në kategorinë Adult brezi Lejla. Ani e nisi me fitore të ngushtë dhe vijoi me një ndeshje të dytë të shkëlqyer të përfunduar me finalizim. Ani humbi në përballjen e tretë me kampionin e vjetshëm europian për brezin Lejla (qe doli dhe sivjet në vend të tretë) me vetëm 2 pikë.

ELERT SHABA garoi ne kategorinë Adult brezi Lejla dhe dominoi bindshëm dy ndeshjet e para, por nuk arriti të siguronte kalimin në fazën pasuese.

MIRJON SHALARI garoi në kategorinë Master 2, brezi kaf. Ai zhvilloi një ndeshje të kontrolluar dhe dominuese, por e humbi ndeshjen në sekondat e fundit me dy pikë pas një dëmtimi në kavlije.

SAMUEL MALOKU tregoi përgjithesisht qetësi dhe kontroll gjatë ndeshjes, por një nxitim i vogël i kushtoi pikë dhe humbje që në përplasjen e pare.

EDON SHEHU nuk performoi në kapacitetin e tij dhe nuk e kaloi dot fazën e parë kualifikuese, por fitoi përvojë të vlefshme për garat e ardhshme.

Po ashtu si pjesëmarrjet e tjera të Tirana MMA Center në kampionate Europjane që kanë kulmuar vazhdimisht me podium dhe me tituj Europjan, edhe kjo garë dëshmoi se jemi në nivelin e duhur për të konkurruar në arenat më të mëdha ndërkombëtare, pavarësisht se vijmë nga një vend i vogël, pa mbështetje financiare, pa federatë aktive, dhe me sportistë që ushqejnë pasionin për sportin ndërsa punojnë çdo ditë edhe jashtë palestrës. Na mbetet vetëm të vazhdojmë punën me përkushtim për të qenë edhe më të fortë në kampionatin e ardhshëm!

Përgëzojmë gjithashtu ekipin e Sarandës Gracie Barra BJJ që këtë vit mori pjesë për here të parë duke garuar me 10 sportistë dhe në veçanti sportistin SOKOL XHUVANI i cili arriti fitoret e vetme të ekipit dhe zuri dhe vendin e dytë në Europë në kategorinë Master 2, brezi blu. I urojmë shumë suksese dhe në të ardhmen!

Highlights from the seminar with Nick Domgjoni, Black Belt under JT Torres 💥 Thank you @nickdomgjonibjj for your time and @bjjkosova for the organization 🙏