Fokus Albania

Bordi i Transparencës me vendim të ri, ja sa do të sh*tet nafta dhe benzina

Bordi i Transparencës ka njoftuar ndryshimin e çmimeve të karburanteve, të miratuara në mbledhjen e datës 14 prill 2026.
Sipas vendimit, çmimi i naftës është rritur me 6 lekë për litër, duke u sh*tur nga 209 lekë/litër në 215 lekë/litër në tregun me pakicë. Ndërkohë, benzina është rritur me 2 lekë për litër, nga 176 lekë/litër në 178 lekë/litër.
Çmimet e reja hyjnë në fuqi këtë të martë, në orën 15:00, dhe do të jenë të vlefshme deri në mbledhjen e radhës së Bordit, ku pritet të rishikohen sërish në varësi të ndryshimeve të tregut.
Bordi i Transparencës u ka tërhequr vëmendjen të gjithë operatorëve të tregtimit me shumicë dhe pakicë për zbatimin e vendimit, duke paralajmëruar masa në rast shkeljesh.

Llatja: Elbasani, drejt transformimit në qytet klimatikisht neutral

Elbasani ka hyrë në një fazë vendimtare të transformimit të tij drejt një qyteti klimatikisht neutral, duke organizuar Konferencën Ndërkombëtare “Elbasani 2030, Zbatimi i Kontratës Klimatike të Qytetit”.

Kjo konferencë shënon një moment kyç në kalimin nga planifikimi strategjik në zbatimin konkret të objektivave për reduktimin e emetimeve dhe zhvillimin e qëndrueshëm urban.

Si pjesë e programit evropian “EU Mission: Climate-Neutral and Smart Cities”, Elbasani është ndër 112 qytetet e përzgjedhura në Evropë dhe një nga vetëm tre qytetet e Ballkanit Perëndimor që mban këtë status. Ky pozicion e vendos qytetin në një rol pionier në tranzicionin e gjelbër, duke e kthyer atë në një model referimi për Shqipërinë dhe rajonin.

Në fjalën e tij, kryetari i Bashkisë, Gledian Llatja, theksoi se përfshirja e Elbasanit në këtë mision nuk është thjesht një angazhim mjedisor, por një projekt transformues për zhvillimin ekonomik dhe social të qytetit. Ai nënvizoi se Kontrata e

Qyteti për Klimën përfaqëson një angazhim konkret për të ulur me 80% emetimet e gazeve serrë deri në vitin 2030, përmes një pakete prej 34 projektesh strategjike në fusha si energjia, transporti, ndërtesat dhe menaxhimi i mbetjeve.

“Ky është një moment historik për Elbasanin. Ne kemi ndërtuar një vizion të qartë dhe tani sfida jonë kryesore është ta kthejmë këtë vizion në investime konkrete dhe rezultate të matshme për qytetarët,” u shpreh Llatja.

Pas një procesi trevjeçar pune intensive, me mbështetjen e ekspertëve ndërkombëtarë dhe aktorëve lokalë, Elbasani ka siguruar miratimin e Kontratës së Qytetit për Klimën nga Komisioni Evropian, duke marrë edhe vlerësimin përkatës (EU Mission Label). Ky zhvillim rrit ndjeshëm besueshmërinë e qytetit dhe hap rrugën për akses më të lehtë në financime ndërkombëtare.

Konferenca synon të mbledhë vendimmarrës nga niveli vendor, kombëtar dhe ndërkombëtar për të forcuar bashkëpunimin dhe për të mobilizuar mbështetjen e nevojshme për zbatimin e projekteve klimatike.

Fokusi kryesor është kalimi nga planet strategjike drejt investimeve konkrete, duke siguruar përputhje institucionale, financim dhe kapacitete teknike.

Një element thelbësor i diskutimeve është roli i qeverisë qendrore në mbështetjen e këtij procesi. Ndryshe nga qytetet e Bashkimit Evropian, Elbasani përballet me kufizime në aksesin e drejtpërdrejtë në instrumentet financiare të BE-së, çka e bën të domosdoshëm krijimin e mekanizmave kombëtarë të bashkëfinancimit dhe mbështetjes rregullatore.

Kryetari Llatja theksoi se suksesi i këtij transformimi kërkon një qasje të koordinuar.

“Elbasani nuk mund ta realizojë i vetëm këtë tranzicion. Nevojitet një angazhim i fortë nga qeveria qendrore, partnerët ndërkombëtarë dhe sektori privat për të garantuar që projektet tona të bëhen realitet”, përfundoi ai.

Konferenca pritet të kontribuojë në forcimin e angazhimit politik për veprimin klimatik, përmirësimin e koordinimit ndërinstitucional dhe krijimin e një platforme kombëtare për qytetet klimatike neutrale në Shqipëri.

Me këtë hap, Elbasani nuk pozicionohet vetëm si përfitues i një iniciative evropiane, por si një model konkret i zbatimit të politikave të BE-së në nivel vendor, duke kontribuar drejtpërdrejt në avancimin e agjendës së integrimit evropian dhe në përmirësimin e cilësisë së jetës për qytetarë

Ndiqni intervisten me poetin nga Saranda qe jeton ne Kosove, me endrren qe ne nje te ardhme te afert te botoje edhe nje liber…

Baftjar Levenaj, poeti i vargjeve spontane që lindin nga zemra - albaniaexpress.al Letërsia shpesh lind në mënyrat më të papritura, duke u shfaqur si një zë i brendshëm që kërkon të dëgjohet. Për disa, ajo nis si një detyrë e thjeshtë shkolle, por më pas shndërrohet në një pasion të pandashëm. Kështu ka ndodhur edhe me Baftjar Levenajn, një poet që e ka kt...

Qindra besimtarë ortodoksë në Elbasan morën pjesë në procesionin e Epitafit.

Qindra besimtarë ortodoksë në Elbasan morën pjesë në procesionin e Epitafit, një nga momentet më të rëndësishme shpirtërore të kësaj periudhe.

Nën drejtimin e Mitropolitit të Elbasanit, Librazhdit dhe Shpatit, Imzot Andon Merdani, dhe të shoqëruar nga banda frymore “Afërdita”, procesioni përshkoi bulevardin kryesor të qytetit, duke sjellë një atmosferë solemne dhe reflektuese.

E Premtja e Zezë, apo e Premtja e Madhe, shënon vdekjen e Jezu Krishtit në Kryq dhe përkujtohet përmes riteve të veçanta si “Udha e Kryqit” dhe zbritja e Epitafit.

Kjo ditë simbolizon sakrificën dhe dashurinë e Krishtit për njerëzimin, ndërsa besimtarët e nderojnë me agjërim dhe lutje, në pritje të gëzimit të madh të Ringjalljes së Pashkëve.

Me sallën e re, “Onufri” bëhet qendër e artit dhe komunitetit në Elbasan

Kryetari i Bashkisë Gledian Llatja, së bashku me drejtoreshën e ZVA-së Vesa Llanaj Liço, kanë inspektuar punimet e skenës në shkollën artistike “Onufri”.
Drejtori i shkollës, Ilir Zdrava, pohoi se punimet po ecin me ritme shumë të shpejta dhe se stafi është i kënaqur me këtë investim. Ambjentet janë projektuar me parametra cilësorë që kërkon një sallë e tillë, duke përfshirë jo vetëm akustikën, por edhe kushtet për performancë artistike, çka krijon një mundësi shumë të mirë për zhvillimin e aktiviteteve.

Skena është llogaritur për një orkestër simfonike mesatare, duke krijuar mundësi që të shfrytëzohet jo vetëm nga shkolla, por edhe nga qyteti. Ajo përfshin edhe një paraskenë, duke marrë parasysh faktin se shkolla “Onufri” ka disa lloje formacionesh, të cilat do të kenë fleksibilitet në performancat e tyre.

Parashikohet që punimet për sallën të përfundojnë brenda 10 ditësh, me disa detaje të fundit që kërkojnë kohën e tyre.

Kryetari i Bashkisë tha se me sallën e re po përgatiten për festën e fëmijëve më 1 qershor në shkollën “Onufri”.
Ai shtoi se pas rikonstruksionit total që u realizua, në shkollë u krijua nevoja për mjetet përkatëse didaktike, por edhe për një sallë multifunksionale që shërben për aktivitete të ndryshme të nxënësve.

Ai theksoi se të gjitha projektet e shkollave të reja përfshijnë një sallë multifunksionale, që shërben jo vetëm për nxënësit, por edhe për takime me prindër dhe komunitetin. Salla e re po përshtatet me investimin e Bashkisë së Elbasanit, bazuar mbi kërkesat e shkollës, dhe pritet që në fillim të majit të jetë e gatshme për përdorim, duke plotësuar të gjitha nevojat e shkollës.

Salla multifunksionale nuk do t’i shërbejë vetëm shkollës, edhe pse qëllimi kryesor është që nxënësit të mësojnë dhe të zhvillojnë aktivitetet artistike në një ambient të përshtatshëm. Ajo do të jetë në shërbim edhe të qytetit dhe komunitetit, duke ofruar një hapësirë që plotëson nevojat për aktivitete të ndryshme kulturore dhe sociale.

Me këtë investim, shkolla artistike “Onufri” plotëson gjerdanin e saj, duke u bërë një qendër e përbashkët për edukim, art dhe komunitet, ka shtuar Kryetari i Bashkisë.