Հայաստանի Ձյուդոյի Ֆեդերացիա Judo Federation of Armenia

Էկվադորի Գուայակիլ քաղաքում կայացած պատանիների ձյուդոյի աշխարհի առաջնության 28 հնարավոր մեդալներից 16-ը նվաճել են Եվրոպայի ձյուդոյի Միության ձյուդոիստները, որոնցից մեկը Հայաստանի ներկայացուցիչ, արծաթե մեդալակիր Նարեկ Դավթյանն է:

Էկվադորի Գուայակիլ քաղաքում ավարտվեց ձյուդոյի պատանիների աշխարհի առաջնությունը։ Մեդալների համար պայքարեցին 59 երկրների 457 մարզիկներ։
Մրցումների վեջին օրը 81 կգ քաշային կարգում հանդես եկավ Դավիթ Ջուլհակյանը։ Նախնական գոտեմարտերում նա հաղթեց նախ Ալժիրցի մարզիկ Անիս Խոջային, ապա` Սլովենիայի ներկայացուցիչ Մարտինես Կովաչին, հաջորդ գոտեմարտում պարտվեց ադրբեջանցի ձյուդոիստ Այխան Հասանլիին։ Սփոփիչ գոտեմարտերում Դավիթը պարտվեց Ռուսաստանը ներկայացնող Ռուստամ Կաշիպովին և գրավեց 7-րդ տեղը։

Ձյուդոյի ֆեդերացիայի ողջ անձնակազմը ջերմորեն շնորհավորում է բազմավաստակ մարզիչ Տիգրան Բաբայանին ծննդյան օրվա կապակցությամբ։ Ձեր բազմավաստակ
աշխատանքային գործունեության արդյունքում մի քանի սերունդ է կրթվել և դաստիարակվել ձյուդոյի բարձր արժեքներով, իսկ Ձեր երկարամյա նվիրումը մեր մարզաձևին օրինակելի է ձյուդոյի մեծ ընտանիքի համար։ Մաղթում ենք Ձեզ քաջ առողջություն, անսպառ էներգիա, երկար տարիների կյանք, երջանկություն և բարօրություն անձնական կյանքում։ Թող Ձեր սաների հաջողությունները միշտ հպարտանալու առիթ տան Ձեզ։

Պատանիների աշխարհի առաջնության արծաթե մեդալակիր Նարեկ Դավթյան:

Էկվադորի Գուայակիլ քաղաքում մեկնարկեց պատանիների աշխարհի առաջնությունը: Մրցումների առաջին օրը պայքարի դուրս եկան 50կգ, 55կգ և 60 կգ քաշային կարգի մարզիկները:
50կգ քաշային Կարեն Նավասարդյանը հաղթելով առաջին գոտեմարտը, պարտվեց երկրորդում և այլևս հնարավորություն չունեցավ շարունակելու պայքարը:
60 կգ քաշային Նարեկ Նահապետյանը ևս հաղթեց մեկնարկային գոտեմարտը, իսկ հաջորդին պարտվեց Ուկրաինայի ներկայացուցչին և դուրս մնաց պայքարից:
55կգ քաշային կարգը ներկայացնող Նարեկ Դավթյանը նախ հաղթեց իտալացի մարզիկ Էրիկո Պետրոսինոյին, ապա վստահ հաղթանակ տարավ Ֆրանսիայի ներկայացուցիչ, 2026 թվականի Եվրոպայի գործող չեմպիոն Ժյուլ Բակի նկատմամբ, երրորդ հաղթանակը Ադրբեջանի ներկայացուցիչ Իբրահիմ Թալիբովի նկատմամբ էր, որից հետո Նարեկը դուրս եկավ կիսաեզրափակիչ, որտեղ էլ հաղթեց ուկրաինացի Վիտալի ԼԻխոլյադին, իսկ եզրափակչում ցավոք պարտվեց ամերիացի մարզիկ Սեբաստիան Տերանին և գրավեց երկրորդ մրցանակային տեղը՝ նվաճելով արծաթե մեդալ:
Շնորհավորում ենք մարզիկին առաջին խոշոր նվաճման համար և մաղթում հետագա հաղթանակներ:
Մրցումները շարունակվում են: Այսօր տատամի դուրս կգա 66կգ քաշային կարգում հանդես եկող Սերգեյ Գևորգյանը և Արտյոմ Գալստյանը:

Պատանիների հավաքական թիմը, գլխավոր մարզիչ Հովհաննես Դավթյանի գլխավորությամբ, մեկնեց Էկվադոր՝ մասնակցելու Գուայակիլ քաղքում կայանալիք աշխարհի առաջնությանը:
Մեր մարզիկներն հանդես կգան հետևյալ կազմով.
Մրցումների 1-ին օր
Նավասարդյան Կարեն 50 կգ
Դավթյան Նարեկ 55 կգ
Նահապետյան Նարեկ 60 կգ
Մրցումների 2-րդ օր
Գալստյան Արտյոմ 66 կգ
Գևորգյան Սերգեյ 66կգ
Մրցումների 3-րդ օր
Ջուլհակյան Դավիթ 81 կգ
Մաղթում ենք հաջող մրցելույթներ պատանի ձյուդոիստներին: