ԶԱՐԿ Ծրագիր

Քրիստոս ծնավ և հայտնեցավ, ձեզ և մեզ մեծ ավետիս

Հունվարի 6-ին Հայ Առաքելական եկեղեցին նշում է Հիսուս Քրիստոսի Սուրբ Ծննդյան ու Աստվածահայտնության տոնը, որը Հիսուսի Սուրբ Ծննդյան և մկրտության հիշատակումն է: Աստված մարդացավ և հայտնվեց մարդկանց: Քրիստոսի մկրտության ժամանակ Հայր Աստված վկայում է. «Դա է իմ սիրելի Որդին, որն ունի իմ ամբողջ բարեհաճությունը» (Մատթ. 3:17, Մարկ. 1:11, Ղուկ. 3:22)

Շնորհիվ ԶԱՐԿ-ի նվիրյալ աջակիցների եւ հավատարիմ գործընկերների՝ մենք կարողացանք եւս մեկ տարի անվճար հասանելի լինել բազմաթիվ երեխաների ՀՀ 5 մարզերում։

ԶԱՐԿ-ը երեխաներին տալիս է կենսական հմտություններ, հոգեբանական կայունություն, հայրենաճանաչություն, մեծ համայնքի կարեւոր մաս կազմելու հնարավորություն։
ԶԱՐԿ-ի մասնաճյուղերի 80%-ը գործում է գյուղերում, հաճախ դառնալով եզակի հնարավորություն երիտասարդների ինքնաճանաչման եւ հզորացման համար։

Շնորհակալ ենք բոլոր նրանց, ովքեր մեզ հետ միասին ստանձնել են #հոգովեւմարմնովուժեղսերունդ մեծացնելու առաքելությունը։
#ԶԱՐԿկրթականծրագիր

Ամփոփվեց 2025-ը՝ ԶԱՐԿ-ում 🇦🇲
Հիմք դրվեց «ԶԱՐԿ շրջանավարտների ակումբ»-ին, տասնյակ սաներ պարգեւատրվեցին «ԶԱՐԿ հավատարիմ» կոչումով՝ ծրագրի առաքելությունն ու արժեքները պատվով կրելու եւ տարածելու համար։
Ծրագրի աջակիցներն ու գործընկերները ծանոթացան ծրագրի ձեռքբերումներին, զարգացմանը եւ առաջիկա տարվա նպատակներին։
2026-ը կլինի առաջընթացի տարի
#հոգովեւմարմնովուժեղսերունդ

ԶԱՐԿ ծրագրի տնօրեն Հ. Ինգլիզյանը մասնակցեց Հայ-Ամերիկյան Համալսարանում օրերս կայացած կլոր սեղան ձեւաչափով հանդիպմանը։
Քննարկումն ուղղված էր Հայաստանում գործող ոչ ֆորմալ կրթական ծրագրերի դերին, երիտասարդների հզորացմանն ուղղված ռազմավարությանը եւ ծրագրերի հնարավոր համագործակցությանը։
Քննարկմանը մասնակցում էին առաջատար ծրագրերի ներկայացուցիչներ եւ կրթության փորձագետներ, որոնց հետ ԶԱՐԿ-ն արդեն իսկ ունի համագործակցման մոդելներ։
Իր խոսքում ԶԱՐԿ-ի ռազմավարության յուրահատկությանն անդրադարձավ նաեւ մեր գործընկեր, կրթության փորձագետ Serob Khachatryan -ը

Հանդիպման մանրամասները՝ կից հղումով.

#հոգովեւմարմնովուժեղսերունդ

CRAL Discusses Non-Formal Education in Character Development and Social Responsibility - AUA Newsroom The event brought together representatives of NGOs engaged in youth capacity building through non-formal education.

🏔️Դեկտեմբերի 11-ն աշխարհում նշվում է որպես Լեռների Միջազգային Օր, նպատակ ունենալով բարձրացնել իրազեկվածությունը լեռնային միջավայրի կարևորության մասին։ Դե, իսկ Հայկական Լեռնաշխարհի համար այս օրն առավել խորհրդանշական է՝ մեկ անգամ ևս գիտակցելու, թե որքան չքնաղ և անձեռակերտ է մեր հայրենիքը:
Լեռնային պատրաստությունը ԶԱՐԿ-ի կարևորագույն բաղադրիչներից մեկն է և սաների ամենասիրելի առարկաներից:
Տարվա մեջ մի քանի անգամ ԶԱՐԿ-ը նաև իրականացնում է վերելքներ՝ տարբեր բարձրության և բարդության լեռներ, որտեղ սաները նորովի են բացահայտում Հայկական Լեռնաշխարհը:

Ներկայացնում ենք մի քանի կարևոր փաստ Լեռնային միջավայրի մասին.

🏞️1. Ջրային պաշարների հիմնական աղբյուր.
Լեռներն ապահովում են աշխարհի քաղցրահամ ջրերի ավելի քան 50%-ը։
Գետերի մեծ մասը սկիզբ է առնում լեռներից, ինչը կարևոր է ոռոգման, ջրամատակարարման և էներգետիկայի համար։

🗻2. Կլիմայի կարգավորիչ
Լեռներն ազդում են օդային հոսքերի վրա․ ձևավորում են տեղումներ, պաշտպանում հովիտները քամիներից։
Լեռնային շրջաններում ձևավորվում են տարբեր կլիմայական գոտիներ, որոնք նպաստում են կենսաբազմազանությանը։

⛰️3. Բարձր կենսաբազմազանություն
Լեռներում բնակվում են բազմաթիվ եզակի բույսեր ու կենդանիներ, որոնք հաճախ չկան ուրիշ վայրերում։
Տարբեր բարձրությունները ստեղծում են տարբեր էկոհամակարգեր։

🌄4. Բնական պաշտպանիչ միջավայր
Լեռները կարող են լինել բնական արգելքներ՝ սահմանների, տարածքների, բնակավայրերի պաշտպանության համար։
Քամիներից, տաք հոսանքներից և որոշ բնական աղետներից որոշ չափով պաշտպանող գոտիներ են։

5. Տնտեսական նշանակություն
Լեռնային շրջաններն ունեն մեծ պոտենցիալ՝
Էներգետիկա (հիդրոէլեկտրակայաններ),
Տուրիզմ և սպորտ (դահուկավազք,
Գյուղատնտեսություն (արոտավայրեր, մեղվաբուծություն),
Հանքային պաշարներ։

6. Մշակութային և պատմական արժեք.
Լեռները շատ ազգերի համար ունեն սրբության, ազգային ինքնության և պատմական ժառանգության նշանակություն։
Լեռնային համայնքներն ունեն յուրահատուկ մշակույթ, ավանդույթներ ու կենսակերպ։

7. Ռազմավարական նշանակություն
Պաշտպանական դիրքեր ստեղծելու համար լեռնային միջավայրը միշտ կարևոր է եղել։
Չորրորդական, դժվար անցանելի տեղանքները ապահովում են տեսադաշտ, վերահսկողություն և բնական ամրություն։

Համախմբվելու մարտահրավերն ավելի, քան արդիական ու կենսական է այսօր. 🇦🇲
Դիտե՛ք ԶԱՐԿ համահիմնադիր Մանուկ Հերգնյանի, եւ ԶԱՐԿ-ի համահիմնադիր «Ամրոց» ազգային զարգացման հիմնադրամի հոգաբարձուներ Արամ Փախչանյանի եւ Տեր Մեսրոպ Քահանա Արամյանի մասնակցությամբ այս կարեւորագույն քննարկումը

Ինքնություն և արժեքներ - Համախմբվելու հրամայականը Հանդիպման թեման համախմբվելու կարևորությունն է դժվարին այս օրերին։ Կարևորում ենք, սակայն, հանգամանքը, թե ի՛նչ գաղափարների և ում շուրջ արժե համախմբվել։ Խոսնակն...

Կարևորելով երեխաների հոգեկան առողջությունն ու հոգեբանական պատրաստվածությունը՝ սաները այս ամիս ծանոթացան դեռահասության տարիքի հոգեբանական առանձնահատկություններին։

Սեփական հոգեբանական և ֆիզիկական «տարածքները» ճանաչելը թույլ է տալիս երեխաներին սահմանել, թե ինչն է իրենց համար ընդունելի, իսկ ինչը՝ ոչ։

Հիշեցնենք, որ ԶԱՐԿ կրթական ծրագրի պարտադիր բաղադրիչ է կազմում հոգեբանական պատրաստությունը, որի դասերն իրականացվում են առերես, ամսական 2 հանդիպմամբ։

#հոգովեւմարմնովուժեղսերունդ

Իրականացվեցին Աշնանային Որակավորման քննությունները 🥳
Եւս 5 սան վաստակեց «Ճնճղուկ» եւ 4 սան՝ «Արծիվ» որակավորում 💪

Որակավորման կարգը ստանալու համար սանը պետք է հաղթահարի կարգին համապատասխան մշակված քննությունները հետեւյալ առարկաներից.
•Ընդհանուր և հատուկ ֆիզիկական պատրաստություն,
•Ձեռնամարտ,
•Առաջին օգնություն,
•Լեռնային պատրաստություն,
•Կրակային պատրաստություն,
•Քայլարշավ՝ սահմանված քաշով եւ կոորդինատների կիրառմամբ, ճանապարհին տարբեր արգելքներ հաղթահարելով,
•Գաղափարական պատրաստություն՝ հոգևոր, հոգեբանական, Հայրենաճանաչողական եւ գաղափարային

Շնորհավորում ենք բոլոր սաներին՝ ցուցաբերած բարձր պատասխանատվության, թիմային ոգու եւ ոգեւորիչ պատրաստվածության համար։

#հոգովեւմարմնովուժեղսերունդ 🇦🇲

Ուխտերթով եւ ՍԲ Թադեւոս եկեղեցում մատուցված Պատարագին մասնակցությամբ՝ այսօր մեկնարկեցին ԶԱՐԿ աշնանային Որակավորման քննությունները։
Նորաբաց մասնաճյուղերի սաները պայքարում են «Ճնճղուկ», իսկ առաջատար սաները՝ «Արծիվ» որակավորումների համար։

Հաջողություն ենք մաղթում բոլոր սաներին 🇦🇲
#հոգովեւմարմնովուժեղսերունդ

ԶԱՐԿ ծրագրի անձնակազմը մասնակցեց օրերս կայացած «Արժեքահեն կրթություն» ուսուցչական համաժողովին՝ «Այբ» կրթական հիմնադրամի կողմից կազմակերպված 🇦🇲
ԶԱՐԿ-ը նաեւ ակտիվորեն համագործակցում է «Այբ» դպրոցի հետ, միաժամանակ կիսելով միեւնույն արժեքներն ու մոտեցումները։

ԶԱՐԿ-ը եզակի ոչ ֆորմալ կրթական ծրագիր է, որտեղ խիստ կարեւորվում է երեխաների արժեհամակարգի ձեւավորումը։ Ծրագրի առաքելությունն է ֆիզիկական առողջությանը զուգահեռ, երեխաների մոտ առողջ հոգեւոր, հոգեբանական եւ գաղափարային հիմքեր ստեղծելը։ Այս առաքելությունն առավելագույնս իրականացնելու համար ԶԱՐԿ-ը, բացի սեփական ծրագրերը մշակելուց եւ դասավանդելուց, համագործակցում է նաեւ ոլորտի առաջտար մասնագետների հետ, ներդնելով վերջիններիս փորձն ու գիտելիքը՝ #հոգովեւմարմնովուժեղսերունդ կերտելու գործում։

#զարկկրթականծրագիր
#հոգովեւմարմնովուժեղսերունդ

Նոր ու շա՜տ կարեւոր համագործակցության մասին.
Ոչ ֆորմալ կրթության դաշտում մասնագիտական կարողությունների զարգացմանն ուղղված վեցամսյա դասընթաց ԶԱՐԿ մարզչական կազմի համար՝ ոլորտի առաջատար ԿԱԶԱ Շվեյցարական մարդասիրական հիմնադրամի կողմից:

Վերապատրաստման թեմաները մշակվել են ԶԱՐԿ ծրագրի կարիքների գանահատումից հետո և մշակված են առավել զարգացնելու ոչ ֆորմալ կրթության նորարարական մոտեցումները ԶԱՐԿ-ի դասավանդման գործընթացում:

Շնորհակալ ենք ԿԱԶԱ-ի մեր գործընկերներին՝ նման հնարավորություն ԶԱՐԿ-ին ընձեռնելու համար: