Հայաստանի Գրեփլինգի Ֆեդերացիա • Grappling Federation of Armenia

🇦🇲 ՊԱՇՏՈՆԱԿԱՆ ՀԱՅՏԱՐԱՐՈՒԹՅՈՒՆ

Հպարտությամբ հայտնում ենք, որ Հայաստանի Գրեփլինգի, Պանկրատիոնի և Սիրողական MMA-ի ֆեդերացիան հանդիսանում է Հայաստանի Հանրապետությունում United World Wrestling (UWW)-ի կողմից պաշտոնապես ճանաչված միակ ֆեդերացիան՝ նշված մարզաձևերի կառավարման և զարգացման համար։

Այս ճանաչումը հաստատում է մեր կարգավիճակը՝ որպես գրեփլինգի, պանկրատիոնի և սիրողական MMA-ի միակ պաշտոնական ղեկավար մարմին Հայաստանում, որը գործում է միջազգային UWW չափանիշներին համապատասխան։

Կից ներկայացված փաստաթուղթը, որը տրամադրված է UWW-ի կողմից, պաշտոնապես հաստատում է մեր լիազորությունները, պատասխանատվությունը և հանձնառությունը՝ զարգացնելու այս մարզաձևերը պրոֆեսիոնալ, թափանցիկ և արժանապատիվ ձևով։

Շնորհակալ ենք մեր մարզիկներին, մարզիչներին, ակումբներին, գործընկերներին և բոլոր աջակիցներին վստահության և շարունակական աջակցության համար։
Միասին մենք շարունակելու ենք կառուցել ուժեղ և կայուն ապագան մեր մարզիկների և մարզիչների համար։ 🇦🇲🥋

🇦🇲 OFFICIAL ANNOUNCEMENT

We are proud to officially confirm that the Grappling, Pankration & Amateur MMA Federation of Armenia is the only federation in Armenia recognized by United World Wrestling (UWW) for the governance and development of these disciplines.

This recognition confirms our status as the sole official governing body for Grappling, Pankration, and Amateur MMA in the Republic of Armenia, operating under international UWW standards.

The attached document, issued by UWW, formally validates our authority, responsibility, and commitment to developing these sports with professionalism, transparency, and integrity.

We thank our athletes, coaches, clubs, partners, and supporters for their trust and continued support.
Together, we will continue building the future of Armenian combat sports. 🇦🇲🥋

Շնորհավորում ենք Հայաստանի Գրեփլինգի ֆեդերացիայի գլխավոր քարտուղար
Վլադիմիր Հովհաննիսյանի ծննդյան տարեդարձը։

Ձեր հետևողական և արդյունավետ գործունեությունը, ինչպես նաև գրեփլինգի և պանկրատիոնի զարգացման գործում ունեցած նվիրումն ու կազմակերպչական բարձր կարողությունները, մեծապես նպաստում են մարզաձևի առաջընթացին և մեր երկրի միջազգային հաջողություններին։

Մաղթում ենք Ձեզ առողջություն, նոր ձեռքբերումներ և շարունակական հաջողություններ։

Մեր մեդալակիրների վերադարձը 🇦🇲💪🏽

Մեր չեմպիոնների մարտերից հատվածներ 💪🏽

Ավարտվեց 2025 թվականի պատանիների և երիտասարդների գրեփլինգի աշխարհի առաջնությունը, որն անցկացվում էր նոյեմբերի 1-4-ը Հունաստանի Լուտրակի քաղաքում։ Հայաստանը մրցաշարին մասնակցում էր 24 հոգանոց պատվիրակությամբ, և մարզիկները գրանցեցին պատմական աննախադեպ արդյունքներ, նվաճելով 17 մեդալ գրեփլինգ և գրեփլինգ Gi ձևաչափերում 🥇🥈🥉։
Ձեզ ենք ներկայացնում մեր մեդալակիրներին 🎉

U 15
Հովհաննիսյան Զորիկ 🥇
Գասպարյան Դավիթ 🥈🥉
Խաչատրյան Գոռ 🥈🥉
Սախկալյան Վանիկ🥉🥉
Կարապետյան Մարատ🥉🥉
Սարգսյան Սարգիս🥉

U 17
Ալեքսանյան Ռաֆիկ 🥈🥈
Սահակյան Գոռ🥉🥉
Սարգսյան Վանիկ🥉
Առաքելյան Ջիվան 🥉

U 20
Վիրաբյան Սարգիս 🥉

🇦🇲 Հատուկ շնորհակալություն Հայաստանի Գրեփլինգի Ֆեդերացիայի նախագահ Սարգիս Բազինյանին և գլխավոր քարտուղար Վլադիմիր Հովհաննիսյանին այս հնարավորության համար 🙏

Շնորհակալություն ենք հայտնում նաև մեր գործընկերներին՝
👕 Sporterra.am — հավաքականի համազգեստների համար
🏪 Vega խանութ-սրահների հիմնադիր Յուրի Աֆրիկյանին
💳 Converse Bank-ին՝ ի դեմս Հրանտ Հակոբյանի, մարզիկների մասնակցությունն ապահովելու աջակցության համար 💪✨

🇦🇲 Հայաստանի գրեփլինգի հավաքականը մեկնեց Հունաստան

Նոյեմբերի 1-4ը Հունաստանի Լուտրակի քաղաքում կայանալու է Գրեփլինգի երիտասարդների և պատանիների աշխարհի առաջնությունը:

Հատուկ շնորհակալություն ենք հայտնում մեր գործընկերներին՝
👕 SportTera.am — հավաքականի համազգեստների համար,
🏪 Vega խանութ-սրահների հիմնադիր Յուրի Աֆրիկյանին,
💳 ConverseBank-ին՝ ի դեմս Հրանտ Հակոբյանի, մարզիկների մասնակցությունն ապահովելու աջակցության համար։

🇦🇲 Գրեփլինգի ազգային հավաքականը ԿԳՄՍ փոխնախարարի մոտ

Այսօր ԿԳՄՍ փոխնախարար Հասմիկ Ավագյանը ընդունեց Գրեփլինգի ազգային հավաքականի անդամ մարզիկներին,
ովքեր հոկտեմբերի 31-ին կմեկնեն Հունաստանի Լուտրակի քաղաք՝ մասնակցելու պատանիների և երիտասարդների աշխարհի առաջնությանը։

Հանդիպման ընթացքում Հայաստանի Գրեփլինգի ֆեդերացիան ներկայացրեց վերջին ամիսներին կատարված աշխատանքները, ինչպես նաև
հոկտեմբերի 14-16-ը Սերբիայի Նովի Սադ քաղաքում կայացած մեծահասակների աշխարհի առաջնության արդյունքները։

Տիկին Ավագյանը նշեց, որ մարզաձևը գտնվում է պետության ուշադրության կենտրոնում և մաղթեց մեր մարզիկներին հաջողություն առաջիկա առաջնությունում։

Գոքոր Չիվիչյանի անվան մրցաշարի ընթացքում Հայաստանի Հանրապետությունում Գրեփլինգ մարզաձևի զարգացման գործում ունեցած մեծ ավանդի համար Գրեփլինգի ֆեդերացիայի պատվո մեդալով են պարգևատրվել՝

ՀՀ Գրեփլինգի ֆեդերացիայի նախագահ Սարգիս Բազինյանը,
Վեգա ընկերության հիմնադիր տնօրեն Յուրի Աֆրիկյանը,
Converse Bank PB գլխավոր տնօրենի տեղակալ, ֆինանսական տնօրեն Հրանտ Հակոբյանը։

Գրեփլինգ մարզաձևի զարգացմանը աջակցելու համար Գրեփլինգի ֆեդերացիայի կրծքանշանով են պարգևատրվել՝

Տարբեր մարզաձևերի աշխարհի չեմպիոն, Գրանդ Մաստեր Գոքոր Չիվիչյանը,
ԿԳՄՍ փոխնախարար Հասմիկ Ավագյանը,
Երևան քաղաքի Վեգա խանութսրահների ղեկավար՝ Ռուբեն Սիմոնյանը։

Առաջին անգամ Հայաստանում վաստակավոր մարզչի կոչմանն են արժանացել՝
Մայիս Ներսեսյանը
Արթուր Զաքարյանը
Աշոտ Պետրոսյանը
Արեն Գևորգյանը
Արտակ Սիմոնյանը

Հայաստանում ոչ օլիմպիական մարզաձևերի զարգացմանը աջակցելու համար Գրեփլինգի ֆեդերացիայի կրծքանշանով և շնորհակալագրով է պարգևատրվել Հովհաննես Ծառուկյանը։