Aikido Meiseikai Federation of Armenia

Place where you don't need to be someone else! It's a Japanese Aikido Martial Arts School founded b

Ջունշին Այկի Դոջո
(«Ջունշին» ճապ․ 純真 - Մտքի, մտադրությունների մաքրություն/պարզություն)

Այկիդոյի միջոցով մենք միավորում ենք մարդկանց, որոնք գնահատում են բարին, գեղեցիկը և լուսավորը:

Այկիդոն հիմնադրվել է 20-րդ դարի սկզբին Ճապոնիայում, Օ-Սենսեյ Մորիհեյ Ուեշիբայի (1883 - 1969) կողմից և իր ներկայիս տեսքով հանդիսանում է համեմատաբար երիտասարդ մարտարվեստ, որի հիմքում սակայն ընկած են հարյուրամյակների պատ

մություն ունեցող ավանդական ճապոնական մարտարվեստներն ու հոգևոր, փիլիսոփայական ուսմունքները:
Իր ուսմունքին անվանում տալու նպատակով Օ-Սենսեյն օգտագործել է երեք գաղափարանիշեր Այ - Կի - Դո , որոնք ունեն հետևյալ նշանակությունը. Այ (合) – Հարմոնիա, Կի (気) Հոգևոր, ներքին էներգիա, և Դո (道) – Ճանապարհ, այլ կերպ ասած` «Ներքին էներգիայի, ներդաշնակության ճանապարհ»:
Դոջոյում (վայր որտեղ իրականացվում է մարտարվեստի դասավանդումը) այս գաղափարանիշերը ստանում են այլ իմաստ և ընկալվում են իբրև «Հակառակորդի կամ հարձակվողի և սեփական գործողությունների ներդաշնակություն, հնարավորություն տալով հակառակորդին հասցնել հարձակումն ավարտին, սպառման կետին և վնասազերծել այն»:
Այկիդոն այն յուրօրինակ մարտարվեստն է, որտեղ հակառակորդն առաջինն է հարձակում գործում, և որտեղ չեն ձգտում բռնությամբ պատասխանել բռնությանը: Երբ ձեր նկատմամբ ուժ է կիրառվում, և դուք ինքներդ պատասխանում եք ուժով, ապա տեղի է ունենում բախում, որը հանգեցնում է ներդաշնակության խախտման, և այստեղ կարող է հաղթել միայն ուժեղագույն կողմը: Սակայն Այկիդոյում, չդիմակայելով կիրառվող ուժին և ուղղորդելով հակառակորդի ագրեսիան, դուք կլանում եք նրա էներգիան, սպառում և վնասազերծում եք նրա հարձակումը` վերականգնելով հարմոնիան: Ահա թե ինչու ֆիզիկական տվյալները և տարիքը չեն կարող խոչընդոտ հանդիսանալ Այկիդո մարտարվեստով զբաղվելու համար:
Այկիդոն սովորեցնում է պաշտպանվել մեկ կամ միաժամանակ մի քանի հարձակվողներից` այդ թվում նաև զինված (դանակով, սրով, մահակով) հարձակման դեպքում: Մարզումների ընթացքում կիրառվող փայտե զենքերն ( բոկկեն , ջո , տանտո ) օգնում են հնարքների ճիշտ ըմբռնմանն ու մշակմանը, ինչպես նաև ընդգծում են այս մարտարվեստի հնագույն ծագումնաբանությունը և ավանդույթները:
Միևնույն ժամանակ` որպես մարտարվեստ Այկիդոն չի հանդիսանում զուտ ինքնապաշտպանական համակարգ, այն նաև ինքնազարգացման և ինքնակատարելագործման միջոց է: Անհրաժեշտ է հիշել, որ Այկիդոն բուդո է, այսինքն` ճշմարիտ “մարտական ուղի , ճանապարհ”, հետևաբար յուրաքանչյուր հնարք պետք է մշակել և զարգացնել լիակատար նվիրումով, կարծես դրանից է կախված Ձեր կյանքը, քանի որ միայն այդ պարագայում կարելի բացահայտել բուդոյի ուղին:

11/07/2022

☀️Եվս մեկ դրական և արևոտ օր մեր դոջոյում: Շնորհավորում ենք բոլորին հաջող քննական օրվա կապակցությամբ:

🥋Այկիդոյի մեծ ընտանիքում ջերմ մթնոլորտը լիցքաթափում է ցանկացած լարվածություն, օգնում է հաղթահարել բոլոր դժվարությունները:

🌸
☂️
🖤

04/04/2022

📣 Ուշադրություն, հատկապես խրախուսվում է 25 և բարձր տարիք ունեցող անձանց մասնակցությունը:
🥋🥋🥋
Հայաստանի Այկիդո Մեյսեյկայ Ֆեդերացիա
Հեռ․091406201

#Այկիդո #ԱյկիդոՀայաստան #Բուդո

27/01/2022

🇯🇵 Ճապոնացիներն ասում են. մտածելով՝ որոշի՛ր, իսկ եթե որոշել ես, այլևս մի մտածի՛ր։

Մենք ասում ենք. թե որոշել ես արի ու էլ մի ալարի։😁

Եթե սիրում ես Ճապոնիան այնպես, ինչպես մենք ենք սիրում, սիրում ես այս մարտարվեստը՝ իր ամբողջ փիլիսոփայությամբ, ուրեմն այս սթիքերները քեզ համար են։🤜🤛😎

Ներշնչվի՛ր ու պատրաստվի՛ր մարտահրավերների, մինչև կհասնես դոջո։😉

🌸
🖤
☂️
🤜🤛