The Siyin Cup

Syapi Pu Lam Za Khai (69)
Township Education Officer(Retired)
Zaataak piakna

Syapi Pu Lam Za Khai, muanmawk ngawlhet laitak, hong nusia ci khuangai thu kazaak ciangin, lamdang sakna khuangai na, paamai sakna te hangin ka um thei bua a, hi thei thong le ka um nuam bua hi. A hizong hong nusia takpi hi thong hi.

Syapi Pu Lam Za Khai sia, Education Department ah, Township Education Officer d**g seam ngei in, Kawlngam sung mun tatuam le khua tatuam te ah, k*mpi naseam in om kakoai hi. Pension honglaak ciangin, a pianna le a khanna Thuklai Khua ah, inn pha mama khat hong saa in, khuapui tuipui te taw hong teang khawm hi. Thuklai khua hong thet pan kipan hong nusiat ni d**g, Khua le tui atu, Sizang ngam le mite atu, na pha tam mama hong seam hi.

Siyin Cup 60th Anniversary (2017) le 62nd Anniversary
Khamtung ngam ah, Football Tournament (open) sung pan standard nei bel khat hi a, Kawlngam sung Bawlung kimai na ah, a kihel a thiam a minthang tam mama kisam in, a khuala bel Zangkung pan in zongh hong kihel hi. 2017 Siyin Cup Bawlung poaipi le 2019 k*m poaipi te ah, hong kihel Team theampo an kivaak in, zintun ki vaihawm sak siat hi. Hi Tournament sungah, zin do na le security pan kipan sum kepna zak kik na te ah, vaipuak ngit bel theampo Syapi Pu Lam Za Khai in hong la siat hi. Siyin Cup football tournament, Central Committee in upat na pia in, ki ciamtee hi. Siyin Cup atu, USA pan hong vaihawm pi ahi, Dr. Lian le Syapi Lam Za Khai te in, hong nusia zo ahihang, a min bo ngei nawnngawl tu hi.

Sanching Hmi, Pu Vum Ko Hau Leen
1957 k*m pan kipan, Sizang Vangtee Khuanno Mualbeam Daakbung Thangkai kual ii, ih zak pi ahi, Pu Vum Ko Hau Leen Sanching Hmi football ground asua na tu, Zatopi sang pan, tawm a kisam teng 2018 December-2019 January sung kiseam in, ki zo thiang hi. Leitung mun tatuam pan, Sizang mi ahizong, khuakiim khuapaam mealheak te ii, ih k*mkhop K. 130 Lakh hong kep sak hong zeaksak Syapi Pu Lam Za Khai hi. Tua bek dom ngawlin, a thatang nei za taw Bawlung Leen ah, Set sya te ompui in, man mateng tha man la ngalin, hong diang hi. Thu maan thutak taw vaipuak hong laksak na, Siyin Cup tournament, Central committee in upat na pia in, ki ciamtee hi.

Luipi Meikhuam
Luipi Hydroelectric power, pua kik tu thu hong om ciang, USA om Dr. Lian ahizong Australia pan innkuan te ahizong Leitung mun tatuam ah, innkuan te hanciam in, ih hanciam tek na, sum le paai te hong kepsak hong zeak sak, a thatang nei za taw lam hongpui khua le tui atu hong kipia, Syapi Pu Lam Za Khai sia, Australia ngam Perthkhua Thuklai innkuan in, upat na pia in ki ciamtee hi.

U Thetlwin ih Donation
Australia ngam Perthkhua mihau, U Thetlwin le Pa Thawngmang te kiheak na tungtawn in, mihau pa in Tuibeam vawt natu, K. 50 Lakh kiim hongpia a, nasep man mateng vaipuak hong laaksak Syapi Pu Lam Za Khai upat na pia in, ki ciamtee hi.
Thu tatuam
Syapi Pu Lam Za Khai ii, hong nuntaak pui sung, Khua le tui atu asep a vawt tam mama om lai hi. Khau Ngo tui le khuasung tuibeam te, Khaungo-Thangnuai Lam, Thaang sungsang Lam, khuasung Lam, Vangtee Lam, Zato Building thak, SHS vai, COVID-19 hunsung hong kipiak na te, ama a ki upat na in ki ciamtee hi. Sizangmi bek hi ngawlin, khamtung mite ii, ih ettee tu Pasal citak khat hi a, pamai citak pamai kasa a, hi lai taw a khak bel zaataak na ka pia hi. A nusiat azi ata le atu te T**A in hong ompui tahen! Amen

Pu Enzapum

2020 Karen Newyear Cup

Champion: Kew kabaw
Run-ner up: Family
Third: PSBC

Golden Boot (Top Scorer): Thawng Thawng

Karen Newyear Football tournament
14th November 2020

Group B

PSBC Beat Karenni (Kayah)

8 : 3

PSBC (Group Leader) 12 Points

Karen Newyear football tournament
Perth, Western Australia
7th November 2020

Group B

3rd Match

9 Points

PSBC(Siyin) Beat Family
3 : 1

Goal khum

Thawng Thawng 2
Dal Dal 1

Karen Newyear Cup
7th November 2020
9:00a.m
PSBC Vs FAMILY

Karen New year Cup
Group B
2nd Match

PSBC 4 : All Chin Team 3

Goal khum

Thawngthawng 2
Daldal 1
Cinpi 1

Karen New year Cup
Football tournament
24th October 2020

17 October-21 November 2020

PSBC (Defending Champion) 3

Goal khum
Thawngthawng 2
Daldal 1

EC (Karen) 2

Congratulations Siyin Football Team

Chin New Year Football tournament
Perth, Western Australia
10-17 October 2020

Group A
Siyin 10 vs 0 Senthang
Siyin 1 vs 0 Zokhua
Siyin 1 vs 1 Hakha
Siyin 4 vs 1 Falam

Semifinal
Siyin 3 vs 0 Zophei

Finale
Siyin 5 vs 0 Hakha

Champion: Siyin

Top scorer : Tg Cinpi (Goal 12)
Best player: Tg Cinpi

Reference / Pu En Za Pum

Khuangai Thu

Pu Zam Cin Thang Kum(70) Lophei

Pu Zam Cin Thang hong nusia ci khuangai thu kazaak ciang, ka khuangai mama hi. SHS Thuklai Sangpi ah, Tan Lang pan kipan, a ki ngualtam ka hi uh hi.

1961 k*m Primary School football Tournament, Pu Khup Za Dal Khuasak phawkna Shield kidem na Poaipi Phunom khua ah tung hi. SHS Thuklai team le Vangtee Primary team final ah Thuklai in 2:0 taw kizo in, Shield pui kinga hi. Pu Zam Cin Thang sia tangzaang mama, thahaat mama, hangsan mama, Bawlung sia a ziat, a vei, a lu, a awm te zangh in, Bawlung sia zo tak in kimai thei hi. Kimai suak le Level sang mama theng thei tu in kamu hi. Phunom pan Champion kinga ahiman, Phunom Khua Hausa te le khua sungpan Upa te zintun inn ah hong haw a, zo la hong phua hi. La ngui (10) khawng hong kiphua teng sia, ko dang teng in kasa thei bua uh hi. Final khuavaak ni in, Thuklai ah kicia in, Tan (10) vuan tu Tangval te in, Ngatap Lui tung d**g hong muak hi. Syapi Vungh Cin Thang in, a inn ah hong tawlnga sakin, an lim mama tawh vai hong muak hi. Khuasung Upa te zongh in, thaa hongpia a, an neak zawk ciang a om theampo, ki laam hi. Pu Zam Cin Thang in, Phunom khua Upa te hong phua La teng, ngui khat zawk ngui khat, a vekpi in phuang siat hi. Lai sung ah a ki ciamtee hi ngawlin a thuak taw a teptee hi zen thong hi. A ma k*m (10) a pha Patang no khat hi lel hi. Tu ni d**g ma in, lamdang sa in, a ma thupi na mipui te heak tu in, kong son hi. Tua zawk k*m (3) kizom Thuklai in Champion nga suak hi.

A ma sia, minam it, ngeina keam, ngual nuam, thusia nei ngawl Pasal citak khat hi. SIYIN Cup kivawt sim in, a ma om ciang in, ii Poaipi nuam pheang hi. Sizang mibup in ki mangil thei ngawl tu hi. Sizang mibuppi ii sup na lian hi. A dam lai innkuan pui, mealheak theampo T**A na hong ompui tahen!

Pu Enzapum

Closing Ceremony

Dr. Thang Za Lian(74)
Dr. Lian (a) Mansen pa
Zaataak piakna

Dr. Lian in, muanmawk ngawlhet laitak, hong nusia ci thu kazaak ciangin, lamdang salei in, ka um thei mama bua hi. Ih comment te ii et ciangin, keima bangma in, a he ngei theampo ki khuangai tekin, paamaai kisa tek hi.

Dr. Lian sia, cidamna sangah, Ha Doctor (Dental Surgeon) hi. Pilna sang mama nei ahi hang ki phatsak na nei ngawl hi. Ki niam khiak in, mihing te nopmawk thei tu om ngawlin, mihing theampo tungah, a kibang in ngualnuam ahi man, a kitholpui ngei ahe ngei theampo in, mainaap in thaasia hi. Pilna ciimna nei in, maimua nuam mama bek hi ngawl in, a thinsung tawng thiangtho in, ki it na nei in, mihing cimaw te hesuak thei na thinpha nei hi. Tua ahi man, khua le tui minam te it in vei mama hi.

Mobile Clinic
Zangkung om, Sizangmi Zato sang seam te kipawl in, Zangkung khuasung khuakiim ah mihing cimaw zawhiat te athong in, bawl uh hi. Sizang kual, Kawlpi kual le Tedim sang Suangzang Khua d**g, ci-na bawl uh hi. 2005 k*m (a ciamtee te na puasak ta vun) Sizang kual ah, a ki bawl 4,486 pha hi. Sizangmi bek hi ngawl in, khuano kual, Vangte, Mualbeam d**gin, thu kithang sak a, hongpai tek hi. Dr. Lian Kok lampui na ahi Ha bawlna ah, Ha thongh mi, 900 val pha a, Ha tangh 4,500 val kithongh hi. Ha tang khat pan tang (10) val d**g a thongh te ki ciamtee hi. Sizang kual Kawl kual ah, mealheak mealheak ngawl, Dr. Lian ii Ha hong thok sak mihing tam mama tu in kamu hi.

Khang teptee na
Bo Khup Za Thang vawt, Zo Suanh Khang Simna Laibu, update natu thu kik*m in, leitung mun tatuam om, Sizangmi te ahi thei za in, phone le E-mail taw ki paupui hi. Sizangmi (33) bangin $100 tek hongkhiak na tung tawn in, Laibu pi hong piang ahi hi. Dr. Lian te nupa hanciam na taw khang teptee na Laibu pi, ki update thei hong suak hi. Bo Khup Za Thang le Dr. Lian te ii khansuang ci in, ka ciamtee hi.

2017 Siyin Cup
2017 Siyin Cup, k*m (60) poaipi khaam tu ciangin, Dr. Lian in America ngam om, Sizangmi te na vaihawm pui hi. US $ 700 hong nga in, tua sum le mundang ngamdang pan aki khon Sum te sponsor pi ahi, Pa Ngin Khan Tual hu na te ngawm in, Poaipi nasia tatak in ki khaam thei hi.

Sanching Hmi, Sithu Vum Ko Hau Leen
1957 k*m pan ii zak, Bawlung leen sia, Sanching hmi natu, Zatopi sangpan in Pi 17 kisam lai a himan, 2018 December tha sung, ziik tu ki vaihawm in, Dr. Lian in America om Sizang mi te, vaipuak la in, sum hong khon a, $2,000 dektak hong nga hi. Dr. Lian ii hanciam in, vaipuak honglaak na hangin, Sanching hmi leenpi kinei hi.

Luipi Meikhuam
Luipi tuimei puakik na ah, meikhuam lui te kizangh thei nawnngawl, ahi man leitung mun tatuam a theng, Thuklaimi te hanciam tekin sum kikhia hi. America om Thuklaimi teng Dr. Lian in hanciam in, vaipuak hongla a, K.3,000,000 val hong nga hi.

Dr. Lian tungah, Sizang tangpi taang ahi zong, Keima aituam ahizong, lungdam ko nopna tam mama hi. Uhaam te sungpan in thudokpi le thu kopi in ka nei ahi hi. 2019 Siyin Cup, Pi Niang Khaw Man phaw na, Bawlung poaipi ah, ciakhawm tu in, a kiciam ka hi uh hi. Hong cia thei ngawl ahi man, ka thet kik ciang, thu piang theampo a ma tungah, kason thiang siat hi. Hong cia thong le, hong nusia balai katawm ci in, khua ka ngangai hi.

Dr. Lian sia, mipil mithiam miciim mama le thukhual mama khat ahi man, Sizangmi te bek hi ngawlin, Khamtung mibup ih, ii supna hi. Khang thak te ettee taak pasal citak mama hi ci in, hi lai taw zaataak kapia hi. Paamaai tatak kasa a, khuangai citak in, ka khuangai hi. A nusiat, a zi le a tu a ta te le a suapui melheak te theampo T**A in hong ompui tahen.

Pu Enzapum