Aruba Taekwondo Bond

Seminario Oficial di Referee 2026.

🥋 Informacion di e seminario:

📅 Fecha: 5 di September 2026
📍 Lugar: Centro Deportivo Libertador Betico Croes – Santa Cruz
🕘 Orario: 9:00 AM – 3:30 PM

E seminario aki ta enfoca riba preparacion y certificacion di referee nobo, cu e meta pa sigui fortalece e cuerpo di referee na Aruba.

Nos ta pidi tur scolnan pa identifica y nomina candidato nan cu ta interesa pa forma parti di e programa.

Rekisitonan basico

Edad minimo: 17 aña
Grado minimo: Faha Cora
Refresher Course pa Coachnan

Ademas di e programa pa referee, nos kier invita tur coachnan cu ta interesa pa participa den e parti teoretico di e seminario. Esaki lo sirbi como un Refresher Course, unda lo repasa e ultimo actualisacionnan di e reglanan di combate y arbitrario.

Costo di participacion

💰 Seminario Completo di Referee (Teoria + Practica + Certificacion)
AWG 65

💰 Refresher Course pa Coachnan (Teoria solamente)
AWG 45

Registracion

Por fabor registra usando e siguiente formulario:

📝 https://form.jotform.com/261237917691061

⏳ Ultimo fecha pa registra y completa e pago: 1 di September 2026.

Nos ta conta cu boso apoyo y cooperacion pa sigui fortalece y profesionalisa Taekwondo na Aruba.

Si tin cualkier pregunta, no duda di tuma contacto cu nos.

🥋 Forsa, determinacion y hopi trabou duro! 🇦🇼🔥

🌟 Alberto Klaber, Maelynn Fradl y Teofilo Rodriguez.
Keda pendiente pa STREA Deportivo Aruba, 5 di September! ✨

Dialuna 24 Aug lesnan di Taekwondo a cuminsa bek na Chaco Taekwondo Academy CTA.
Zaal parti patras di Scol Basico Kudawecha.
Dialuna, Diaranzon y Diabierna.
Lesnan pa mucha 4/5 aña te 12 aña ta di 5:30 - 6:30.
12 aña y Adultonan di 6:30 - 7:30.
Contribucion pa luna Fl 35.-
CTA ta duna su lesnan ariba nivel marcial, marcial deportivo, philosophia marcial, defensa propio.

🥋🇦🇼 RUMBO PA PERU! 🇵🇪

Recientemente, atletas di Seleccion Nacional di Aruba Taekwondo Bond, Maelynn Fradl y Aleysha Macea, a sali rumbo pa Peru pa participa na President Cup America 2026, como parti di nan preparacion pa Weganan ODESUR.

🥋 Maelynn Fradl
Categoria: +67 kg

🥋 Aleysha Macea
Categoria: -57 kg

Nan ta wordo acompaña pa entrenador Teo Rodriguez.

Nos ta desea Maelynn, Aleysha y Coach Teo hopi exito durante e competencia. 💪🏽🇦🇼

Hopi exito! Haci Aruba orguyoso! 🇦🇼🥋

🥋🏆 RECONOCIMENTO NA MASTER ERIC BARRY 🏆🥋

Aruba Taekwondo Bond (ARTBO) ta sumamente orguyoso di felicita Master Eric Barry cu su reciente reconocemento y incorporacion den e Taekwondo Hall of Fame e weekend cu a pasa.

Master Barry ta un persona cu pa hopi aña a aporta na desaroyo di Taekwondo na Aruba. Como un di nos referee nan cu mas experiencia y reconocemento, nos a tin e privilegio di traha hunto cu su persona durante hopi aña y semper nos a aprecia su disponibilidad, cooperacion y dedicacion na nos deporte.

Su incorporacion den e Taekwondo Hall of Fame ta un reconocemento mereci pa su trayectoria y e aporte cu e a duna na Taekwondo durante añanan.

Pa nos como ARTBO, ta importante pa reconoce y aprecia e personanan cu a yuda construi e deporte y cu ainda ta sigui aporta cu nan experiencia, conocemento y pasion.

🎥 Conoce un tiki mas di Master Eric Barry

Como parti di su candidatura pa e Taekwondo Hall of Fame, Master Barry a comparti un video unda cu e ta conta mas tocante su pasion pa Taekwondo y ta expresa su agradecimento pa e caminda cu e deporte a trece den su bida.

Nos ta invita tur hende pa wak e video aki y conoce un tiki mas di su trayectoria y amor pa Taekwondo:

▶️ Video di Master Eric Barry:
Mira e video riba YouTube:
https://youtu.be/ppwzh_kK0lI?si=f9_XrU9fr-p4Tr4e

Master Barry, nos ta felicita bo cu e logro special aki y nos ta desea bo hopi mas exito den bo trayectoria den Taekwondo.

👏🥋 Masha pabien cu e merecido reconocemento aki!

Cu hopi aprecio y respeto,

Aruba Taekwondo Bond (ARTBO)