FC Sithoc Vets

Awe nos tabata di bish*ta serka sra. Kathleen. Nos a pasa un dia alegre den kompania di otro i rekordando momentunan agradabel ku nos apasa huntu ku Naldo Karel🙏....

Sithoc/Vets. den final di ‘Kopa Paisnan di Reino’ na Aruba.

Ku gol di Criston ‘Yuyu’ Brunkard for di tiru penal i 2 gol di Ricangel ‘Ricky’ de Leca, di kual un for di un tiru liber, Sithoc/Vets ta derotá Caravel 3-2 i asina klasifiká pa e gran final di e torneo ‘Kopa Paisnan di Reino 2019’, na Aruba.

E ekipo di FC Sithoc vets a titulá kampion durante e torneo di futbòl veterano ''Kopa ABC'' ku a tuma lugá na hermana isla Aruba.

E torneo di futbòl veterano kategoria 35+ a tuma lugá di 6 pa 8 di dezèmber 2019 i tabata e ekiponan di Inter/RCA (Aruba), Caravel (Aruba), La Fama (Bonaire) i FC Sithoc (Kòrsou) ku a kompetí kontra otro.

E gran final a bai entre e ekipo di La Fama di Bonaire i e ekipo FC Sithoc di Kòrsou. E enkuentro ta finalisá empatá 1-1 i pa medio di pinalti e ekipo di FC Sithoc ta titulá kampion di e "Kopa ABC".

E kampion Kopa ABC lo tin di enfrentá e kampion di Hulanda próksimamente den luna di aprel pa e Kopa Paisnan di Reino Hulandes. Pues tur fanátiko keda pendiente pa mas detaye.

Un pabien grandi na e famia di FC Sithoc vets ku e título konkistá aki.

Un danki sigur ta bai na henter e ''crew'' di e ekipo Caravel di Aruba (Spesialmente na Roy Helder i su famia) ku a organisá e torneo i ku a brinda nos un trato magnífiko durante nos estadia na Aruba!

Goliadornan den "Copa paisnan di reino hulandes"