Azerbaijan Taekwondo Federation

Mayın 27–30-da Qazax şəhərində federasiyaların mətbuat katibləri və media məsul şəxsləri üçün media və PR bacarıqlarının inkişafına dair təlim keçirilib.
Gənclər və İdman Nazirliyi və Azərbaycan İdman Akademiyasının birgə təşkilatçılığı ilə Qazax Olimpiya İdman Kompleksində keçirilən təlim Böyük Britaniyadan olan media və kommunikasiya mütəxəssisləri Ceyms Taker və Culs MakQiver tərəfindən aparılıb.
Təlimdə idman kommunikasiya strategiyaları, media ilə iş, ictimaiyyətlə əlaqələr və sosial medianın effektiv istifadəsi mövzuları üzrə praktiki sessiyalar təşkil olunub. Proqram çərçivəsində interaktiv məşğələlər, idman yarışları və intellektual oyun da keçirilib, iştirakçılara sertifikatlar təqdim olunub.
Tədbirdə Azərbaycan Taekvondo Federasiyasının mətbuat katibi Aysel Sultanova da təmsil olunub.

28 May - Azərbaycanın Müstəqillik Günü

Müqəddəs Qurban Bayramı münasibətilə hər birinizi təbrik edirik!

Azərbaycan xalqının Ümummilli Lideri Heydər Əliyevin anadan olmasının 103-cü ildönümünə və 28 May – Müstəqillik gününə həsr olunmuş ali təhsil müəssisələrinin tələbələri (oğlanlar və qızlar), universitet müəllimləri və əməkdaşları arasında voleybol, futzal, 3x3 basketbol, stolüstü tennis, badminton, şahmat, dama, nərd, kamandan oxatma və kəndirlə mübarizə idman növləri üzrə “Zəfər Festivalı -3”-ün bağlanış mərasimi keçirilib. Mərasimdə Azərbaycan Taekvondo Federasiyasının demo komandası (nümunəvi çıxış) maraqlı proqram nümayiş etdirib.

Avropa Taekvondo Birliyinin (ETU) müxtəlif komitələrinə seçimlərin nəticələri elan olunub.
Qurumun prezidenti Sakis Praqalos tərəfindən Azərbaycan Taekvondo Federasiyasının Baş katibi Aygül Abdullayeva Hakimlər Komitəsinin üzvü, ATF-in mətbuat katibi Aysel Sultanova isə Media Komitəsinin vitse-sədri (Vice-Chair) təyin olunub.
ATF tərəfindən namizədliyi irəli sürülən hər iki nümayəndənin ETU komitələrində yer alması Azərbaycan taekvondosuna göstərilən etimadın göstəricisidir.
Təyinatlar ETU-nun 2027-ci ildə keçiriləcək Baş Assambleyasının iclasınadək qüvvədə olacaq.
Təbrik edirik!

Mayın 19-da Dünya Ədalətli Oyun Günündə Milli Olimpiya Komitəsinin (MOK) inzibati binasında MOK-un Ədalətli Oyunlar Komissiyasının 2025-ci ilin yekunlarına əsasən elan etdiyi nominasiya qaliblərinin mükafatlandırma mərasimi təşkil olunub.
Azərbaycan Taekvondo Federasiyasının vitse-prezidenti Hikmət Səmədov “Ədalətli oyun prinsiplərinə sadiq bədən tərbiyəsi və idman xadimi” nominasiyası üzrə mükafata layiq görülüb.
Paris-2024 Yay Paralimpiya Oyunlarının gümüş mükafatçısı, Avropa çempionu, dünya çempionatının bürünc mükafatçısı Qaşim Maqomedova Avropa Ədalətli Oyunlar Hərəkatının “Ədalətli Oyun ruhu” mükafatı MOK tərəfindən təqdim olunub.

Bu gün Dünya Ədalətli Oyunlar Günüdür.
Ədalətli oyun hörmət, dürüstlük və dostluq deməkdir. Gəlin, idmanda və həyatda bu dəyərləri birlikdə qoruyaq.