Azerbaijan Triathlon Federation

🇦🇿 Azərbaycan Triatlon Federasiyası 1 İyun – Uşaqların Beynəlxalq Müdafiəsi Günü münasibətilə bütün uşaqları ürəkdən təbrik edir!

Uşaqlar bizim gələcəyimiz, ümidimiz və ən böyük sərvətimizdir. Onların sağlam, xoşbəxt və uğurlu böyüməsi hər bir cəmiyyətin əsas prioritetidir.

İdman uşaqlarda sağlam həyat tərzi, iradə, intizam və komanda ruhunun formalaşmasında mühüm rol oynayır. Arzu edirik ki, bütün uşaqlar sağlam, təhlükəsiz və sevgi dolu mühitdə böyüsün, arzularına doğru inamla addımlasınlar.

Bayramınız mübarək, əziz uşaqlar!

22–24 may tarixlərində Azərbaycan Respublikası Gənclər və İdman Nazirliyi və Azərbaycan Velosiped İdmanı Federasiyası tərəfindən təşkil olunan şosse növü üzrə ölkə kuboku yarışından anlar.

10.05.2026-cı il tarixində Ümummilli Lider Heydər Əliyevin anadan olmasının ildönümünə və UFAZ-ın 10 illiyinə həsr olunmuş 10 km-lik qaçış yarışında gənclərdən ibarət milli komandamızın lideri Əli Rzazadə 1-ci yerə layiq görülmüşdür.

Heydər Əliyev Fondunun təşkilatçılığı ilə baş tutan Bakı Marafonu 2026 milli komandamız üçün uğurlu nəticələrlə yadda qaldı.
42 km məsafədə tələbələr arasında Xəlilova Milanə finiş xəttini birinci keçərək qalib oldu. Eyni zamanda, 21 km məsafədə qadınlar arasında Abduləzizova Leyla da bütün rəqiblərini geridə qoyaraq 1-ci yerə sahib çıxdı.

18 aprel 2026-cı il tarixində Azərbaycan Triatlon Federasiyası və “Trikidsbaku” Triatlon Klubunun birgə təşkilatçılığı ilə IV “Trikids” Triatlon Liqası və Aquatlon üzrə Bakı şəhər çempionatı keçirilmişdir.
Yarışda müxtəlif yaş qrupları üzrə gənc idmançılarla yanaşı həvəskarlar da iştirak edərək triatlon və aquatlon növlərində öz güclərini sınamış, yüksək idman əzmi və hazırlıq səviyyəsi nümayiş etdirmişlər. Yarış gərgin və maraqlı mübarizə ilə yadda qalmışdır.

11–12 aprel tarixlərində Türkiyənin Serik şəhərində keçirilən Triatlon üzrə Türkiyə Kubokunda idmançılarımız Atakişiyev Tural, Rzazadə Əli və Abduləzizova Leyla çıxış ediblər 💪
Yarışda xüsusilə Rzazadə Əli fərqlənərək gərgin və çətin mübarizə şəraitində öz yaş qrupunda 4-cü yeri tutmuşdur 👏

11–12 aprel 2026 tarixlərində Türkiyənin Serik şəhərində keçiriləcək Triatlon üzrə Türkiyə Kuboku yarışında iştirak etmək üçün Azərbaycan triatlon milli komandasının üzvləri artıq yola düşüblər

Bakı Aquatlon Çempionatı!
Üzgüçülük və qaçışın birləşdiyi dinamik mübarizə səni gözləyir! 
Aquatlon sevənlər üçün unikal fürsət!
📍 Məkan: Su İdman Sarayı
📅 Tarix: 18 aprel

Qeydiyyat və ətraflı məlumat üçün fotonu vərəqlə

15–20 mart 2026-cı il tarixlərində Azərbaycan Respublikası Gənclər və İdman Nazirliyi və Azərbaycan Velosiped İdmanı Federasiyası tərəfindən təşkil olunmuş şosse üzrə çoxgünlük ölkə çempionatı uğurla başa çatdı.
Triatletimiz Rzazadə Əli yarışda yüksək nəticə göstərərək həm fərdi, həm də qrup ötüşmələri üzrə II yeri tutdu.

01.03.2026 Aquatlon üzrə Sumqayıt şəhər açıq çempionatı