Meşqci:Xeyal Abdullayev

Gladiator döyüş liqasının keçirdiyi turnirdən! .pankration.grappling_ .khasan .asgarov

Yalnız qızlar üçün!

Yalnız az yaşlı qızlar üçün məşqlərimiz başlayır! Məqsəd qızların rahat şəkildə və uşaq yaşlarından döyüş idman növlərini(MMA, Grappling, Kikboksinq)mənimsəməsidir.Özünü müdafiə, həvəskar və peşəkar səviyyədə idmanla məşğul olmaq istəyənlər əlaqə saxlaya bilər.May ayının 1 dən etibarən məşqlərə start veriləcək.

Naxçıvan idmançıları Bakıda 🇦🇿 keçirilən MMA turnirində uğurla çıxış ediblər 🥇

ℹ️ “Zeyd” Döyüş Mərkəzinin uşaqlar, yeniyetmələr, gənclər və böyüklər arasında I MMA turniri keçirilib. Bakı İdman Sarayında 3 gün davam edən yarışda 62 klubu təmsil edən 459 idmançı iştirak edib.

🏆 “Turan” Döyüş Klubunun baş məşqçisi Xəyal Abdullayevin rəhbərliyi ilə Naxçıvandan yarışa 15 idmançı qatılıb. Klub idmançıları 4-ü qızıl 🥇, 2-si gümüş 🥈 və 5-i bürünc 🥉 olmaqla, ümumilikdə 11 medal əldə ediblər. Bu göstərici ilə “Turan” yekun komanda sıralamasında yüksək nəticə göstərən 4️⃣-cü klub olub.

🎯 Təmsilçilərimizdən Nurəddin Əliyev (39 kq) 2008-2009-cu il, Əli Əbilov (42 kq) 2012-ci il, Rəhim Quluzadə (38 kq) 2010-2011-ci il, İsmayıl Hüseynzadə isə (85 kq) 2008-2009-cu il təvəllüdlülər arasında bütün rəqiblərini üstələyərək qızıl medal qazanıblar.

19 fevral 2025 ci il tarixində, Naxçıvan Gənçlər və İdman nazirliyinin təşkilatçılığı ilə"Qorxuya meydan oxu"! adlı gənclər üçün əlbəyaxa və özünü müdafiə təlimi keçirildi.Bu təlimdə əsas məqsəd gənclərin idmana marağını artırmaq,sağlam bir gəncliyin formalaşmasına və idmanın insan həyatına nə kimi müsbət təhsir göstərdiyini aşılamaq və həmçinin özünü necə müdafiə edə biləcəyini göstərməkdir.Bu tipli tədbirlərimiz gələcək aylarda da davam edəcək.

Turan Team💫

💫

Məcid Seyidov ardıcıl uğurları ilə seçilən klubun idman zalına baş çəkib

Bu ilin ötən dövrü ərzində Naxçıvan idmançıları ölkə çempionatları, beynəlxalq turnirlər və Avropa çempionatlarından 38-i qızıl, 34-ü gümüş və 34-ü bürünc olmaqla, ümumilikdə 106 medal qazanıblar. Medallardan 46-sı Naxçıvan şəhərində fəaliyyət göstərən “Turan” Döyüş Klubunun idmançıları tərəfindən əldə olunub.

Naxçıvan Muxtar Respublikasının gənclər və idman naziri səlahiyyətlərini müvəqqəti icra edən, nazir müavini Məcid Seyidov adıçəkilən klubun şəraiti ilə tanış olub, idmançıların qayğıları və gələcək yarışlara hazırlıq səviyyəsi ilə maraqlanıb. Nazir müavini Prezident İlham Əliyevin idmana və idmançılara qarşı olan yüksək diqqəti, qayğısı, rəhbərliyi altında uğurla həyata keçirilən dövlət idman siyasəti barədə danışıb, bu sahədə əldə olunan nailiyyətlərin hər bir idmançı üçün stimula çevrildiyini deyib. Naxçıvan idmanında yaşanılan yeniliklər və uğurlar barədə danışılıb, əlavə olunub ki, son dövrlər təmsilçilərimizin qazandığı nailiyyətlər, xüsusən də klubun idmançısı Röya Abdullayevanın Avropa çempionatındakı tarixi qələbəsi nəticələrin artım tempini yüksəltməklə yanaşı, qadın idmanının inkişafına da mühüm töhfədir.

Klubun təsisçisi və baş məşqçisi, eyni zamanda Naxçıvan Kikboksinq Federasiyasının sədri olan Xəyal Abdullayev fəaliyyətləri haqqında məlumat verərək deyib ki, 2016-cı ildən fəaliyyətdə olan klubda gənc nəsilə kikboksinq, MMA, qrepplinq, pankration idman növləri öyrədilir. Hazırda 5 qrup üzrə ümumilikdə 100 idmançı məşqlərdə iştirak edir. Xəyal Abdullayev klub idmançıları tərəfindən müxtəlif dövrlərdə dünya və Avropa çempionatlarında, beynəlxalq turnirlərdə və ölkə birinciliklərində qazanılan çempionluqlar, müvəffəqiyyətlər barədə danışıb, idmançıların milli ruhda tərbiyəsinin, fiziki və psixoloji hazırlığınının prioritet olduğunu vurğulayıb.

Klub rəhbəri göstərilən diqqətə görə Məcid Seyidova təşəkkürünü bildirib. Birlikdə xatirə fotosu çəkilib.