Azərbaycan Respublikası Boccia İdman Federasiyası

Uşaq Paralimpiya Oyunlarına boccia yarışları ilə start verilib! 🤩
Yarış Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin Əlilliyi olan Şəxslərin Peşə-əmək Reabilitasiyası Mərkəzində keçirilib.
Gələcək sizsiniz, uşaqlar! 👏

Azərbaycan Boccia Federasiyasının prezidenti Vüqar Behbudov Boccia Milli Komandasının üzvləri ilə görüşüb.

Azərbaycan Boccia Milli Komandası Qazaxıstanın Aktau şəhərində keçirilən Türkidlli Dövlətlərin Beynalxalq Boccia turnirində uğur qazanıb. Ümumilikdə 13 nəfərdən ibarət milli komandamız yarışda yüksək nəticələr göstərərək rekord sayda medallar qazanıb.

Komanda üzvləri ilə görüşən Federasiya prezidenti Vüqar Behbudov idmançıları təbrik edib. O, komandanın əldə etdiyi uğurların Azərbaycan Boccia Federasiyasının inkişafına böyük töhfə verdiyini vurğulayıb. İdmançıların gələcək yarışlarda da eyni əzmlə çıxış etmələrini arzulayıb.

Bocciaçılarımız fərdi kateqoriyalar üzrə 5 qızıl və 1 gümüş medal, komanda və cütlük yarışlarında isə 2 qızıl medal qazanıblar.

Bu nəticələrlə Azərbaycan beynəlxalq turnirin ən uğurlu komandası olub və Boccia üzrə idmançılarımız beynəlxalq arenada öz gücünü bir daha nümayiş etdiriblər.

Sona Ağayeva Dünya Kubokunun YARIMFİNALINDA! 🤩🏆🌎

Portuqaliyanın Koimbra şəhərində keçirilən Boccia üzrə Dünya Kubokunda qrup mərhələsinə yekun vurulub.

Paralimpiyaçımız Sona Ağayeva (BC2 kateqoriyası) qrup mərhələsində finlandiyalı Saila Luumi üzərində 7-0 hesablı qələbə qazanıb. O, portuqaliyalı son Paralimpiya çempionu Cristina Goncalves və macarıstanlı Vivien Nagy ilə görüşlərdə (1-9, 2-4) məğlub olub.

Paralimpiyaçımız xal fərqinə əsasən yarımfinala yüksəlib. S.Ağayeva bu gün finala vəsiqə uğrunda indoneziyalı son Paralimpiya Oyunlarının bürünc medalçısı Gischa Zayana ilə qarşılaşacaq.

Uğurlar, Sona! 👏

Bocciaçılarımız Qazaxıstanın Aktau şəhərində keçirilən Türkdilli dövlətlər arasında beynəlxalq turnirdə fərdi yarışda qazaxıstanlı və qırğızıstanlı rəqiblərinə qalib gələrək 5️⃣ QIZIL, 1️⃣ GÜMÜŞ MEDAL qazanıblar! 🤩

Sona Ağayeva (BC2) 🥇
Günel Rzazadə (BC4) 🥇
Nəriman Pirquliyev (BC1) 🥇
Orxan Kərimov (BC2) 🥇
Zaur Veysəlov (BC4) 🥇
Bəhruz Mirzəyev (BC4) 🥈

Təbrik edirik! 👏

Qeyd edək ki, bocciaçılarımız sabah komanda yarışında Türkiyə, Qazaxıstan, Qırğızıstan və Özbəkistan milli komandaları ilə mübarizə aparacaq.

Sona Ağayeva reytinq cədvəlində 7 pillə irəliləyib! 🤩

Boccia üzrə Dünya Kubokunu BC2 kateqoriyasında dördüncü pillədə başa vuran paralimpiyaçımız 14,2 reytinq xalı qazanıb.

Bununla da o, xalını 38,2-yə çatdıraraq Los-Anceles-2028 Yay Paralimpiya Oyunlarına lisenziya qazandıran cədvəldə 19-cu pillədən 12-ci pilləyə yüksəlib.

Ardı gəlsin, Sona! 👏

Boccia üzrə paralimpiyaçımız Günel Rzazadə (BC4) qrup mərhələsində türkiyəli və portuqaliyalı rəqiblərini məğlub edərək yarımfinala yüksəldi! 🤩

Azərbaycan Respublikası Milli Paralimpiya Komitəsinin (ARMPK) rəhbərliyi Avropa Gənclər Paralimpiya Oyunlarında ölkəmizi təmsil edəcək paralimpiyaçılarla görüş keçirib.
Tədbirdə ARMPK-nın prezidenti Hidayət Abdullayev, vitse-prezident İlham Zəkiyev, baş katib Toğrul Rəhimov, idmançılar, məşqçilər və komitə nümayəndələri iştirak ediblər.
Görüşdə idmançılara olan inam ifadə edilib, qarşıdan gələn mötəbər turnirdə uğurlar arzulanıb.
Paralimpiyaçılarımız 7 idman növü üzrə – parataekvondo, paracüdo, paraatletika, paraüzgüçülük, parakamandan oxatma, parastolüstü tennis və boccia – 17 idmançı (11 kişi və 6 qadın) ilə təmsil olunacaq.
Qeyd edək ki, Azərbaycan Milli Paralimpiya komandasının debüt edəcəyi 7-ci Avropa Gənclər Paralimpiya Oyunları 21-28 iyul tarixlərində Türkiyənin İstanbul şəhərində təşkil ediləcək. 13-23 yaş qrupu üzrə keçiriləcək oyunlarda 33 ölkədən 700-ə yaxın idmançı 9 idman növündə medallar uğrunda mübarizə aparacaq.
Avropa Gənclər Paralimpiya Oyunlarının rəsmi açılış mərasimi iyulun 24-də, bağlanış mərasimi isə iyulun 27-də keçiriləcək.

Boccia üzrə milli komandamızın məşqindən

Boccia idman növü üzrə “Seni Cup” Azərbaycan çempionatının

final mərhələsi keçirilib

Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyi, Milli Paralimpiya Komitəsi, Boccia İdman Federasiyası və "Seni" şirkətinin dəstəyi ilə Boccia idman növü üzrə “Seni Cup” Azərbaycan çempionatının final mərhələsi keçirilib.

Vətən müharibəsində şəhid olan qəhrəmanlarımızın övladlarının ifasında Azərbaycan Himni səsləndirilib, həmçinin Himnin sözləri əlilliyi olan şəxslər tərəfindən işarət dilində təqdim olunub.

Çempionatda 5 kateqoriya (BC1, BC2, BC3, BC4, BC5) və uşaq kateqoriyasında 100-ə yaxın idmançı iştirak edib.

Final yarışları həmin kateqoriyalar üzrə finala çıxan paralimpiyaçılar arasında keçirilib.

Yekunda qaliblərin adları açıqlanaraq onlara mükafatlar təqdim edilib.

“Sərhədçi” İdman Olimpiya Mərkəzində keçirilən çempionat beynəlxalq boccia təşkilatı BISFED qaydalarına əsasən təşkil edilib.