Sabah Futbol Klubu - Rəsmi səhifəsi
Sabah Football Club official page
09/08/2026
Futbol həyəcanı start fitindən öncə başlayır! 🩷🖤
“Sabah” – “Orhus” oyunundan 2 saat əvvəl stadiona gəl, fan zonada bizə qoşul və böyük qarşılaşmanın ab-havasını elə ilk andan hiss et! 🏟️🔥
Oyuna birlikdə köklənək, Avropa gecəsini birlikdə yaşayaq!
Sabah bizik!🦉
09/08/2026
KİV-in diqqətinə
UEFA Çempionlar Liqasının 3-cü təsnifat mərhələsi çərçivəsində keçiriləcək “Sabah” – “Orhus” oyunu öncəsi təşkil ediləcək açıq məşqlərin və mətbuat konfranslarının vaxtları bəlli olub.
“Sabah”ın oyun öncəsi mətbuat konfransı avqustun 10-da, saat 17:45-də Şüvəlanda yerləşən Ağır Atletika Akademiyasının zalında baş tutacaq. Komandamızın ilk 15 dəqiqəsi mətbuat üçün açıq olacaq məşqi isə həmin gün saat 18:15-də “Sabah” Futbol Mərkəzində keçiriləcək.
“Orhus”un oyun öncəsi mətbuat konfransı avqustun 10-da saat 17:30-da, ilk 15 dəqiqəsi mətbuat üçün açıq olacaq məşqi isə saat 18:00-da, “Bank Respublika Arena”da baş tutacaq.
“Sabah” – “Orhus” oyunu avqustun 11-də, saat 20:00-da “Bank Respublika Arena”da keçiriləcək.
08/08/2026
Bəs sən, biletini almısan? 🕸️🎟️
Avropa gecəsinə son 4 gün! ⚡️🏟️
Çempionlar Liqasının üçüncü təsnifat mərhələsində “Orhus”la doğma meydanda qarşılaşırıq. Qarşıda bizi 90 dəqiqəlik böyük mübarizə və yüksək temp gözləyir. 🔥
Tribunalardakı hər səs, hər dəstək komandamıza əlavə güc verəcək. İlk fitdən son saniyəyə qədər birlikdə olaq! 🩷🖤
Sabah meydanda, siz tribunalarda — birlikdə daha güclüyük.
Çünki Sabah bizik! 🦉
06/08/2026
UEFA Çempionlar Liqasının üçüncü təsnifat mərhələsi çərçivəsində keçiriləcək “Sabah” – “Orhus” oyununa akkreditasiya üçün qeydiyyat başlanılıb.
Qeydiyyat üçün aşağıdakı məlumatlar tələb olunur:
* Qeydiyyatdan keçən şəxsin adı və soyadı;
* Təmsil etdiyi KİV-in adı;
* Vəzifəsi;
* 2025/26 mövsümü üçün PFL vəsiqəsinin surəti;
* Oyundan əvvəl və oyundan sonra keçiriləcək mətbuat konfranslarında iştirak edib-etməyəcəyi barədə məlumat (yerlər məhdud olduğundan, yalnız ilk müraciət edənlərin istəyi nəzərə alınacaq).
Hər KİV üçün 1, televiziya kanalları üçün isə 2 (1 müxbir və 1 operator) akkreditasiya nəzərdə tutulub. Qeydiyyatdan keçmək istəyən şəxslərdən yuxarıda qeyd olunan məlumatları avqustun 9-u, saat 18:00-dək [email protected] elektron poçt ünvanına göndərmələri xahiş olunur. Təsdiq e-poçtu almış şəxslər akkreditasiyadan keçmiş hesab olunacaqlar.
05/08/2026
Sizin dəstəyiniz bizi öz evimizdəki kimi hiss etdirdi və komandamıza əlavə motivasiya verdi. Hər zaman yanımızda olduğunuz üçün minnətdarıq! 🇦🇿
Birlikdə daha güclüyük. 🖤🩷
05/08/2026
Mübarizə dolu gecədən görüntülər. 💪📷
Əziz azarkeşlər, baş məşqçimiz Valdas Dambrauskasın sizə sözü var.
Hər birinizi avqustun 11-də, "Bank Respublika Arena"da gözləyirik.
Baş məşqçimizin daha ətraflı şərhi ilə yutub kanalımızda tanış ola bilərsiniz.
05/08/2026
Oyun başa çatdı. Bu hələ ilk hissə idi. Bizi qarşıdakı həftədə “Bank Respublika Arena”da cavab oyunu gözləyir. Sizin də dəstəyinizlə mübarizəmiz davam edir!
Orhus - Sabah 2:1
Umaralidən dəqiq ötürmə, Simiçdən eyni dəqiqlikdə zərbə! Hesab arasındakı fərq azalır.
Orhus - Sabah 2:1