BFL

Bakı Futbol Liqası idman jurnalisti, dəyərli insan Elvin Rüstəmovun vaxtsız dünyasını dəyişməsi ilə əlaqədar ailəsi və yaxınlarına dərin hüznlə başsağlığı verir.

Allah rəhmət eləsin!

44 günlük qəhrəmanlıq savaşı ordumuzun qüdrətini bütün dünyaya tanıdan, Azərbaycan xalqının iftixar və qürur mənbəyinə çevirilən böyük hadisədir. Ərazi bütövlüyümüzün bərpa edilməsi, düşmən üzərində qazandığımız qələbə münasibətilə bütün Azərbaycan xalqını təbrik edirik!

Vətənimizin ərazi bütövlüyü uğrunda canlarını fəda etmiş şəhidlərimizi dərin ehtiramla yad edirik!

Ölkəmizi xaricdə təmsil edən komandalardan biri də "Zafar" komandası idi. Qazaxıstanın paytaxtı Nur-Sultan şəhərində baş tutan "Qızıl Payız" turnirinə dəvət alan komandamız qrup mərhələsindəki uğurlu çıxışından sonra 1/8 finala vəsiqə qazanmışdı. Bu mərhələdə Aktaunun “Kezbi” kollektivi ilə mübarizədə məğlub olan "Zafar" turnirlə vidalaşıb.

Əhvalınız pozulmasın, qardaşlar. Nələrə qadir olduğunuzu Avropa çempionatında görmüşdük.

Bakı Futbol Liqası növbəti sınaqlarda sizə uğurlar diləyir!

Ölkəmizin adını uca tutmaq, bayrağımızın yüksəklərdə dalğalanması üçün mübarizə aparan, tər tökən hər bir vətəndaş bizim üçün doğmadır.

Bakı Futbol Liqası olaraq missiyamız həvəskar futbolçularımıza yüksək səviyyədə xidmət göstərməklə yanaşı onlara istər BFL bayrağı altında, istərsə də ondan kənar olmaqla beynəlxalq arenadakı bütün mübarizələrdə dəstək olmaqdır.

Hər mübarizə bir təcrübədir və növbəti illərdə bizi daha böyük nailiyyətlər gözləyir.

Mübarizəniz üçün təşəkkürlər, Rizvan hoca, Kamil, Elvin Əlizadə, Mirmehdi, Vəli, İlkin, Orxan, Müseyyib, Cəfər, Emil, Gökhan, Ceyhun, Eşqin, Emin, Musa, Elvin Bayramov, Eyyub və Vasif.

Dayanmaq olmaz, qətiyyətli addımlarla bayrağımızı yüksəklərə qaldıraq!

Biz sizə inanırıq!

BFL-in dəstəyi sizinlə olacaq!

"Beerbaşa" komandası ölkəmizi minifutbol üzrə Çempionlar Liqasında təmsil etmək üçün bu axşam Monteneqronun Herseq-Novi şəhərinə yola düşür.

Bakı Futbol Liqası "Beerbaşa" kollektivinə uğurlar diləyir və gözəl nəticələrlə vətənə qayıdacaqlarına inandığını bildirir.

🇦🇿Minifutbol üzrə milli komandamız Rumıniya seçməsini məğlub etməklə Avropa çempionu oldu🇦🇿
Təbriklər qardaşlar, təbriklər Azərbaycan!

Təmsilçilərimiz final yolunda irəliləməkdə davam edir. Bu münasibətlə yığma üzvlərimizin hər birini təbrik edir, növbəti mərhələdə canı-könüldən uğurlar diləyirik. Dualarımız sizinlədir!

Novruz bayramınız mübarək, dəyərli dostlar! Növbəti Novruz bayramını birlikdə qeyd edəcəyik. Ən xoş arzularla...

Bizi sizinlə birləşdirən dəyər şübhəsiz ki, futboldur. Ölkənin dörd bir yanından, fərqli yaşlarda, fərqli təcrübələrə sahib, futbola illərini vermiş və ya futbolla yenicə tanış olmuş, bu oyunu stresdən uzaq olmaq üçün oynayan və ya həmişə bir mübarizənin içində olmağı və qalib gəlməyi hədəf seçən futbolsevərləri bir yerə toplayan BFL-dir.

Ölkəmizdə həvəskarlar və peşəkarlar arasında körpü olan 8x8 formatını yaratmaqda, bir çoxlarının bu formatla əvvəlcədən tanış olmadığını bildiyimiz halda bu işə ürək qoymaqda əsas məqsədimiz özümüzün də həmişə xəyal etdiyimiz, meydançaya ayaq basanda, oyun ərzində, evdə və ya işdə oturub növbəti oyun gününü səbirsizliklə gözləyərkən sanki peşəkarcasına özünüzü hiss etmək, idman səhifələri, televiziya kanallarında ətrafdakı insanların adınızı, komandanızı eşitməsini, izləməsini görüb o qürur hissini dəyərli iştirakçılarımıza bəxş etməkdir.

İlk gündə olduğu kimi, eyni həvəslə, eyni şəffaflıqla, daha böyük hədəflərlə biz davam edirik.

Yaranan fasilədən istifadə edib, yeni mövsümdə bir çox yeniliklərlə qarşınızda olacağıq. Siz istirahət edin, biz çalışırıq. Nəticə isə həm sizin, həm də bizim üçün möhtəşəm olacaq.