Azərbaycan Çin Döyüş Növləri Assosiasiyası

05–11 may tarixlərində Fransa Respublikasının Lion şəhərində keçiriləcək uşu üzrə Avropa çempionatında iştirak etmək məqsədilə uşu üzrə milli yığma komandamız 18 idmançı ilə yarışa yollanacaqdır.

Yığma komandaya gənclərdən ibarət milli komandanın baş məşqçisi Elçin Eminov və məşqçi Babək Hüseynov rəhbərlik edəcəklər.

İdmançılarımız çempionat çərçivəsində Sanda, Light Sanda və Tuyşou növləri üzrə mübarizə aparacaqlar. Komanda əsasən yeniyetmələr, gənclər və böyüklər kateqoriyaları üzrə keçiriləcək yarışlarda iştirak edəcəkdir.

02 may 2026-cı il tarixində Azərbaycan Kung-Fu Federasiyasında yeni təyinatlar və klub lisenziyalarının təqdim olunması ilə bağlı rəsmi iclas keçirilmişdir.

İclasın gündəliyinə uyğun olaraq, böyüklərdən ibarət Kung-Fu Sanda üzrə yığma komandanın baş məşqçisi vəzifəsinə Etiqad Atakişiyev təyin edilmiş, o, bu vəzifədə Ramin Allahverdiyevi əvəz etmişdir.

Eyni zamanda, Tao-Lu və Ci-Qun istiqamətləri üzrə baş məşqçi vəzifəsinə Rafət Əsədov, Taijiquan və Taijishan istiqamətləri üzrə isə baş məşqçi vəzifəsinə Fatimə Məmmədova təyin olunmuşdur.

Regionlarda Kung-Fu idman növünün inkişafının təmin edilməsi məqsədilə İmişli rayonu üzrə Elşən Əhmədov, Biləsuvar rayonu üzrə Ramil Əsgərov, Şirvan şəhəri “Nato Şampion” klubu üzrə Rəşad Quliyev və İsmayıllı Kung-Fu İdman Klubunun prezidenti vəzifəsinə Anar Həsənov seçilmiş, onlara federasiyanın rəhbəri Nurlan Aslanov tərəfindən müvafiq sənədlər təqdim edilmişdir.

Uşu, vinq çun və kunq-fu idman növləri üzrə yığmalar beynəlxalq yarışlarda iştirak edəcəklər Azərbaycan Çin Döyüş Növləri Assosiasiyasının tərkibində inkişaf etdirilən uşu, vinq çun və kunq-fu idman növləri üzrə milli komandalar beynəlxalq yarışlarda iştirak edəcəklər.

05-11 may 2026-cı il tarixlərdə Fransanın Lion şəhərində Uşu idman növü üzrə keçiriləcək Avropa çempionatında ölkəmizi uşu üzrə yığmamızın 19 üzvü təmsil edəcəklər.
Hazırda komandamız hazırlıq prosesini uğurla davam etdirir. İdmançılarımıza uğurlar arzulayırıq

Göstərilən maddi və mənəvi dəstəyə görə Gənclər və İdman Naziri cənab Fərid Qayıbova, həmçinin İdman Şöbəsinin müdiri hörmətli Elnur müəllimə dərin təşəkkürümüzü bildiririk. İdmançımızın əldə etdiyi nailiyyəti yüksək qiymətləndirir, ona gələcək fəaliyyətində daha böyük uğurlar arzulayırıq.

İslam Həmrəylik oyunlarinda uşu-sanda üzrə təmsilçimiz Elçin Eminov 16/1 mərhələsində ilk döyüş Əfqanistanli idmançi üzərində qələbə🇦🇿
Növbəti döyüşlərində uğurlar arzulayırıq
Azərbaycan Respublikasının Gənclər və İdman Nazirliyi

Sentyabrın 25-də “Gülüstan” sarayında Çin Xalq Respublikasının 76-cı ildönümünə həsr olunmuş tədbir keçirilmişdir.

Çin Xalq Respublikasının Azərbaycandakı fövqəladə və səlahiyyətli səfiri Lu Mey qonaqları salamlamış və çıxış etmişdir.

Mərasimdə dövlət rəsmiləri, diplomatik korpus nümayəndələri və ictimaiyyətin tanınmış simaları iştirak etmişdir. Tədbir çərçivəsində Azərbaycan Çin Döyüş Növləri Assosiasiyasının rəhbərliyi ilə görüşən səfir, yaxın günlərdə qədim Çin döyüş sənətinin ölkəmizdə inkişafı istiqamətində əməkdaşlıq məsələlərinin müzakirəsi üçün rəsmi görüşün keçirilməsinin vacibliyini vurğulamışdır.

Şağan Olimpiya Kompleksində XTQ şəhidi Tərlan Eyniyevin əziz xatirəsinə həsr olunmuş uşu-sanda üzrə klublararası turnir başa çatıb. Yarışda 150-yə yaxın yeniyetmə və gənc idmançı güclərini sınayıb.

Təntənəli açılış mərasimində şəhidin valideynləri, qazilər və döyüş yoldaşları iştirak ediblər. Yarışın yekununda qalib və mükafatçılar Azərbaycan Uşu Federasiyasının diplom və medalları ilə təltif olunublar.