Azerbaijan Cycling Federation

🇦🇿 Azərbaycan Velosiped İdmanı Federasiyasının təşkilatçılığı ilə Kaspi Liseyinin şagird heyəti üçün Respublika Velotrekində infotur təşkil olunub.

İnfotur çərçivəsində 50-yə yaxın şagird Velotreklə yaxından tanış olub, burada yaradılmış şərait barədə ətraflı məlumat əldə ediblər. İştirakçılar velosipedçilərin məşq prosesini izləyərək peşəkar idmançıların hazırlıq mərhələsi ilə tanış olublar.

Şagirdlər həmçinin Respublika Olimpiya Velosiped Məktəbinə, müasir avadanlıqlarla təchiz olunmuş fitnes zalına və Velosiped Muzeyinə baxış keçiriblər. Onlara Azərbaycan velosiped idmanının tarixi, əldə olunan nailiyyətlər və müxtəlif eksponatlar barədə məlumat verilib.

İnfoturun məqsədi məktəblilər arasında velosiped idmanının təbliği, sağlam həyat tərzinin təşviqi və gənclərin idmana marağının artırılması olub ✅

➡️

🏁 Növbəti yarışımız 🚴‍♂️

Bütün velosipedçilərimizə uğurlar 😎

➡️

🇦🇿 MTB üzrə Ölkə Kuboku 🏆
II mərhələ

U15 (2012-2014)
🥇 Məhəmmədəli Ağazadə (ROEQİUGVM)
🥈 İsmayıl Xankişiyev (ROEQİUGVM)
🥉Mirəli Miryəhyayev (ROEQİUGVM)

U17 (2010-2011)
🥇 Əli Zeynalzadə (ROEQİUGVM)
🥈 Toğrul Məmmədli (ROEQİUGVM)
🥉 Kənan Eyvazov (ROEQİUGVM)

U23/Gənclər (2008-2009)
🥇 Kamal İsmayılov (ROEQİUGVM)
🥈 Mirmövsüm Cəbrayılov (ROEQİUGVM)
🥉 Əli Babayev (Həvəskar)

➡️

🇦🇿 Azərbaycan Respublikasının Milli Olimpiya Komitəsinin milli idman federasiyalarının nümayəndələri üçün təşkil etdiyi “Təhlükəsiz İdman” proqramına yekun vurulub. Proqram çərçivəsində iştirakçılar təhlükəsiz idman siyasəti, hesabatlılıq mexanizmləri, hadisələrin araşdırılması və müdafiə tədbirləri ilə bağlı nəzəri və praktiki biliklər əldə ediblər.

Tədbirin sonunda milli idman federasiyalarının “Təhlükəsiz İdman” üzrə məsul şəxslərinə Milli Olimpiya Komitəsinin vitse-prezidenti Çingiz Hüseynzadə və “Təhlükəsiz İdman” Komissiyasının üzvləri Elgün Səfərov, Xəzər İsayev və Fəridə Əzizova tərəfindən sertifikatlar təqdim olunub.

Təltif edilənlər içərisində Azərbaycan Velosiped İdmanı Federasiyasının İdman şöbəsinin məsləhətçisi Vüsal Baloğlanov da var. Əməkdaşımızı təbrik edir və ona gələcək fəaliyyətində uğurlar arzulayırıq 👏

➡️ National Olympic Committee of Azerbaijan • Azərbaycan Respublikasının Gənclər və İdman Nazirliyi • Respublika Olimpiya Velosiped Məktəbi • @подписчики • @топовые поклонники

🇦🇿 Trek velosipedi üzrə yığma komandamızın iyulda Almaniyada keçiriləcək Avropa çempionatına hazırlıqları davam edir.

Baş məşqçi Vladimir Buşanskiy və böyük məşqçi Elçin Qasımovun rəhbərliyi altında heyəti Tural İsrafilov, Maksim Trendelyov (hər ikisi U23), Rəhim Nağıyev, Çingiz İsayev, Murad Nadirov, Nihad Xudoyev (hamısı gənclər) və Viktoriya Sidorenkodan ibarət millimiz Slovakiyanın Presov şəhərində təşkil olunacaq “GP Presov” beynəlxalq yarışında iştirak edəcək ✅

➡️

🇦🇿 Gəncə Şəhər İcra Hakimiyyəti, Gəncə–Daşkəsən Regional Gənclər və İdman İdarəsi, Azərbaycan Velosiped İdmanı Federasiyası və Gəncə Gənclər Evinin birgə təşkilatçılığı ilə Gəncədə 3 İyun – Ümumdünya Velosiped Günü münasibətilə veloyürüş keçirilib.

Tədbir Heydər Əliyev Park-Kompleksinin ərazisində yerləşən Zəfər Tağının qarşısından start götürərək velosiped zolağı istiqamətində davam edib. İştirakçılar 6 kilometrdən artıq marşrut üzrə hərəkət etdikdən sonra yürüşü yenidən Zəfər Tağının qarşısında başa vurublar.

Tədbirin keçirilməsində əsas məqsəd yeniyetmə və gənclər arasında sağlam həyat tərzinin təbliği, velosiped idman növünün təşviqi və bu sahəyə marağın artırılması olub ✅

➡️

🇦🇿 Şəki-Zaqatala Regional Gənclər və İdman İdarəsinin təşkilatçılığı ilə Qəbələdə 3 İyun – Ümumdünya Velosiped Günü münasibətilə yeniyetmə və gənclər arasında veloyürüş keçirilib.

Tədbirin keçirilməsində əsas məqsəd yeniyetmə və gənclər arasında sağlam həyat tərzinin təbliği, velosiped idman növünə marağın artırılması, fiziki aktivliyin təşviqi və ekoloji cəhətdən təmiz nəqliyyat vasitəsi olan velosipeddən istifadənin genişləndirilməsi olub.

Sonda iştirakçılara Şəki-Zaqatala Regional Gənclər və İdman İdarəsinin diplom və medalları təqdim olunub ✅

➡️

🇦🇿 Qazax-Tovuz Regional Təhsil İdarəsinin Gədəbəy rayonu Uşaq-Gənclər İdman-Şahmat Məktəbi, Gədəbəy rayonu üzrə Gənclər və İdman sektoru və Gədəbəy rayon Respublika Kompleks Uşaq-Gənclər İdman Məktəbinin birgə təşkilatçılığı ilə “3 İyun – Ümumdünya Velosiped Günü”nə həsr olunmuş veloyürüş təşkil olunub.

30-a yaxın idmançı Gədəbəy rayon stadionundan start götürərək Heydər Əliyev Mərkəzinə qədər 2000 metr məsafəni qət ediblər.

Veloyürüşün keçirilməsində əsas məqsəd yeniyetmə və gənclər arasında sağlam həyat tərzinin təbliği, velosiped idmanına marağın artırılması və fəal həyat tərzinin təşviqi olub ✅

➡️

🚴‍♂️ 3 İyun – Ümumdünya Velosiped Günü münasibətilə Dağlıq Şirvan Regional Gənclər və İdman İdarəsi və Azərbaycan Velosiped İdmanı Federasiyasının İsmayıllı bölməsinin təşkilatçılığı ilə İsmayıllı rayonunda veloyürüş keçirilib.

Veloyürüşün keçirilməsində əsas məqsəd Ümumdünya Velosiped Gününü qeyd etmək, gənclər arasında velosiped idman növünə marağı artırmaq və sağlam həyat tərzinin təbliğ etməkdir ✅

➡️