18/07/2013
İyul ayının 13-də səhər saat 08.37-də Bakıdan çıxdıq. 8 nəfərlik (Babek Orabanlı, Mürsel Qasimov, Fidan Memmedova, İlqar Memmedov, Elnur Neciyev, Toğrul Rəcəb, Rinat Rehimxanov və Elman Asgarov) heyətlə saat 4-də Şahyaylağına çatdıq. 1-ci düşərgə yeri olan Şahyaylağı 2677 metr yüksəklikdə yerləşir. İyul ayının 14-də səhər saat 10.30-da 2-ci düşərgə yerinə doğru yol aldıq. saat 17.30-da ikinci düşərgə yerinə çatdıq. Ikinci düşərgə 3688 metr yüksəklikdə yerləşirdi. 15 iyul səhər saat 06:30-da ikinci düşərgədən zirvəyə dogru yol aldıq. Saat 11:10-da zirvəyə çatdıq. Bazardüzü zirvəsinə yürüşümüzü uğurla başa çatdı. Hava şəraitinin də yaxşı olması bizə çox kömək oldu. Yürüş ərzində zirvəyə yaxın güclü küləyi nəzərə almasaq nə külək, nə yağıntı, nə də duman müşahidə olunmadı. Tam heyətlə zirvəyə çatdıq. Zirvəni 12:00-da tərk edərək, saat 14:55-də 2-cü düşərgəmizə çatdıq. Zirvə yürüşündə BDU, Qərb Universiteti, İdman və Aviasiya Akademiyası, Turizm İnstitutunun tələbələri olmuş Fairex təşkilatının idmançıları iştirak etmişdir.
