Huntsman

Azərbaycan Atıcılıq Federasiyası və Zəfər Atıcılıq İdman Klubunun təşkilatçılığı ilə 26 aprel Ümummilli Lider Heydər Əliyevin xatirəsinə həsr olunmuş Praktik Atıcılıq (Shotgun) üzrə yarış uğurla keçirilmişdir.
Yarış Beynəlxalq Praktik Atıcılıq Federasiyasının (IPSC) qaydalarına uyğun olaraq təşkil olunmuş və iştirakçılar şəxsi hesab üzrə mübarizə aparmışlar.
Yarışın əsas məqsədi praktik atıcılıq idman növünün inkişafı və populyarlaşdırılması, idmançılar arasında sağlam rəqabət mühitinin formalaşdırılması, iştirakçıların peşəkar səviyyəsinin artırılması, beynəlxalq yarışlara hazırlığın gücləndirilməsi, eləcə də Ümummilli Lider Heydər Əliyevin xatirəsinin yad edilməsi olmuşdur.
Tədbirin sonunda komandanın baş məşqçisi Cəlal Axundov çıxış edərək yarışın əhəmiyyətini qeyd etmiş, iştirakçıların hazırlıq səviyyəsini müsbət qiymətləndirmişdir. O, həmçinin Azərbaycan Atıcılıq Federasiyasına və onun rəhbərliyinə göstərilən dəstəyə görə xüsusi təşəkkürünü bildirmişdir.
Daha sonra komandanın kapitanı Nəsimi Həsənov çıxış edərək komandanın qarşıdakı hədəfləri barədə məlumat vermiş, əsas məqsədin Azərbaycanı praktik atıcılıq idman növü üzrə beynəlxalq yarışlarda layiqincə təmsil etmək və yüksək nəticələr əldə etmək olduğunu vurğulamışdır.
Yarışın nəticələri:
Xanımlar kateqoriyası üzrə:
I yer – Aytən Abdullayeva
II yer – Zəhranur Axundova
III yer – Şükufə Rəsulova
7-ci dərəcə üzrə:
I yer – İlkin Əhmədli
II yer – Nicad Səfərov
III yer – Eyub Hüseynov və Nihat Muxtarlı
6-cı dərəcə üzrə:
I yer – Əli İbrahimov
II yer – Elşad Nəbiyev
III yer – Nəsimi Həsənov
5-ci dərəcə üzrə:
I yer – Qurban Qurbanov
II yer – Tunar Kərimov
III yer – Namik İslamov
Yarışın yekununda qaliblər diplom və medallarla təltif olunmuşdur.