ASTF Azerbaijan Table Tennis Federation

Veteran stolüstü tennisçilərin Azərbaycan çempionatı başa çatıb

Veteranlar arasında Azərbaycan çempionatına yekun vurulub. "Şüa İdman Kompleksi"ndə keçirilən yarışın nəticələri ilə tanış olun:

Qadınlar
1.Kuvayeva Marina
2.Kayumova Svetlana
3.Al-Saayadex Səidə

Kişilər(40-49)
1.Cəbiyev Mahir
2.Əliyev Orxan
3.Mikayılov Zaur

Kişilər(50-59)
1.Məmmədov Vaqif
2.Aslanov Zakir
3.Heydəri Əli

(60-69)
1.Həsənov Məzahir
2.Ağayev İlham
3.Musayev Valeh

(70 və yuxarı)
1.Axundov Rasim
2.Ağazadə Muxtar
3.Hüseynov Firudin

Qoşa
1.Mikayılov Zaur- Heydəri Əli
2.Əliyev Orxan-Vedmid Sergey
3. Adıgözəlov Tərlan- Məhərrəmov Oskar

Qeyd edək ki, iki gün davam edən yarışda 60-a yaxın iştirakçı mübarizə aparıb.

Veteran stolüstü tennisçilərin Azərbaycan çempionatı keçirilir

Bu gün veteranlar arasında Azərbaycan çempionatına start verilib. "Şüa İdman Kompleksi"ndə keçirilən yarışda 60-a yaxın iştirakçı mubarizə aparır. Kişilər 40-49, 50-59, 60-69, 70 və daha yuxarı, qadınlar isə 40 yaşdan yuxarı yaş qrupunda bacarıqlarını göstərirlər. Yarışa iyunun 7-də yekun vurulacaq.

Bu gün məşqçi, veteran idmançı Vaqif Məmmədovun doğum günüdür. Onu 50 illik yubileyi münasibətilə təbrik edir, can sağlığı və işlərində uğurlar arzulayırıq! 🎉

Onur Quluzadə üçun növbəti sınaq

Stolüstü tennisçi Onur Quluzadə daha bir beynəlxalq yarışda qüvvəsini sınayacaq. İstedadlı idmançı, seçmə komandanın baş məşqçisi Mixail Timofeyevin rəhbərliyi ilə, iyunun 4-dən 7-dək İsveçin Helsinborq şəhərində təşkil olunacaq "WTT Youth Contender" turnirinə qatılacaq. Onur həmçinin, Beynəlxalq Stolüstü Tennis Federasiyasının iyunun 8-dən 13-dək İsveçin Halmstad şəhərində istedadlı idmançılar üçün keçirəcəyi təlim-məşq toplanışında da iştirak edəcək.

Stolüstü tennisçilər Avrasiya Liqasında liderliyə yüksəliblər

Azərbaycanın stolüstü tennisçiləri Qazaxıstanda təşkil olunan Avrasiya Liqası yarışlarında uğurlu çıxışı davam etdiriblər. Qadınlardan ibarət millinin baş məşqçisi Fərhad İsmayılovun rəhbərliyi ilə Zemfira Mikayılova, Mərziyyə Nurmətova, Ləman Abdulhəmidova və Aylin Əsgərovadan ibarət komanda ikinci turun Astanada keçirilən 8 görüşunü də qələbə ilə başa vurub. Rüstəm Hacılı, Adil Əhmədzadə və Onur Quluzadədən ibarət heyət isə gənclərdən ibarət seçmə komandanın baş məşqçisi Ramil Cəfərovun rəhbərliyi ilə Taraz şəhərində keçirilən 7 qarşılaşmanın hamısında qələbə qazanıb. İki turun nəticələrinə əsasən, hər iki komanda 12 kollektivin mübarizə apardığı turnir cədvəlinin zirvəsinə yüksəlib. Qazaxıstan, Azərbaycan, Rusiya, Özbəkistan və Qırğızıstan idmançılarının qatıldığı yarışın növbəti turları sentyabr və dekabr aylarında təşkil olunacaq.

Müstəqilliyimiz əbədi, bayrağımız daim uca olsun! 🇦🇿

Qurban Bayramınız Mübarək! 🐑 Evinizdən ruzi-bərəkət, qəlbinizdən sevinc əskik olmasın.

Bu gün milli komandamızın üzvü Yağmur Məmmədlinin doğum günüdür. Onu təbrik edir, bol-bol uğurlar arzulayırıq! 🎉

Stolüstü tennisçilər Özbəkistandan 7 mükafatla qayıdırlar

Stolüstü tennisçilər Özbəkistanda keçirilən növbəti beynəlxalq yarışda da etimadı doğruldublar. Andijan şəhərində məşhur stolüstü tennisçi Rafik Şiriyevin xatirəsinə həsr olunan ənənəvi turnirdə ən yaxşı nəticəni Mehin Mirzəbalayeva göstərib. 13 yaşadək idmançılar arasında bütün rəqiblərinə qalib gələn istedadlı idmançı fəxri kürsünün ən yüksək pilləsinə qalxıb. Yalnız finalda uduzan Gülnur Kərimli (U 11) yarışı ikinci, Səidə Quluzadə (U 13) ilə Yağmur Məmmədli (U 15) üçüncü yerdə başa vurub. Xatırladaq ki, mayın 13-dən 16-dək Daşkənddə təşkil olunan “WTT Youth Contender” turnirində Onur Quluzadə ikinci, Cəfər Almədədli ilə Mehin Mirzəbalayeva üçüncü yeri tutumuşdu. Beləliklə, gənclərdən ibarət milli komandaların baş məşqçiləri Elnur Hidayətzadə ilə Ramil Cəfərovun rəhbərliyi ilə yarışlara qatılan komandamız Vətənə 7 mükafatla qayıdır.

Azərbaycan stolüstü tennisçisi rəsmən Dünya rekordçusudur

Stolüstü tennisçi Nihad Məmmədov adını “Ginnesin Rekordlar Kitabı”na yazdırıb. Bununla bağlı müvafiq qurumdan rəsmi təsdiq sənədi göndərilib. Xatırladaq ki, Azərbaycan seçmə komandasının üzvü bu ilin aprel ayında, “Şüa İdman Kompleksi”ndə təşkil olunan mərasimdə, topu uzaq məsafədən oyuna daxil etməkdə qeydə alınan dünya rekordunu yeniləməyə cəhd göstərib. O, Azərbaycan Gənclər və İdman Nazirliyinin, Azərbaycan Stolüstü Tennis Federasiyasının rəsmilərinin və beynəlxalq dərəcəli hakim Zaur Mikayılovun nəzarəti ilə bu hərəkəti 18.20 metr məsafədən uğurla həyata keçirib. Qeyd edək ki, sözügedən rekord (17.50) son olaraq türkiyəli Osman Gürcüyə məxsus idi.