Kapaz Academy

Akademiyamızda seçimlər keçirilib

“Kəpəz” Futbol Akademiyasında yeni mövsüm üçün seçimlər keçirilib. Seleksiya məşqlərində 6-14 yaş arası (2012-2020-ci il təvəllüdlü) uşaqlar iştirak ediblər.

Klubumuzun Məşq Mərkəzində təşkil olunan seçimlərə 250-yə yaxın uşaq qatılıb. Akademiyanın məşqçiləri iki gün ərzində namizədlərin bacarıqlarını qiymətləndirib, onların texniki, taktiki və fiziki göstəriciləri ilə bağlı müfaviq qeydlər aparıblar.

Seçimlərdə Gəncə ilə yanaşı, Şəmkir, Goranboy, Gədəbəy, Daşkəsən və Bərdə rayonlarından gələn uşaqlar da iştirak ediblər. Tədbirdə klubun icraçı direktoru Ruslan Məmmədov, Akademiyanın koordinatoru Vasif Vəliyev, eləcə də bütün yaş qrupları üzrə məşqçilər iştirak ediblər.

Seleksiya mərhələsini uğurla başa vuran futbolçular Akademiyamızın müvafiq yaş qrupları üzrə komandaların məşqlərinə cəlb olunacaqlar.

Akademiyamız seçimlərə başlayıb⚽

“Kəpəz” PFK Futbol Akademiyası yeni mövsüm üçün seçimlərə start verib.

Seleksiya məşqlərində 6-14 yaş arası (2012-2020-ci il təvəllüdlü) uşaqlar iştirak edirlər. Klubumuzun Məşq Mərkəzində keçirilən seçimlər Azərbaycan Respublikasının Dövlət Himninin səsləndirilməsi ilə başlayıb.

Tədbirdə klubun icraçı direktoru Ruslan Məmmədov, Akademiyanın koordinatoru Vasif Vəliyev, eləcə də bütün yaş qrupları üzrə məşqçilər iştirak ediblər.

Seçimlərin ilk günündə 200-ə yaxın uşaq öz bacarıqlarını nümayiş etdirib. İki gün davam edəcək seleksiya məşqləri iyunun 7-də başa çatacaq.

Akademiyaya qəbul olunacaq uşaqlar məşqçilər tərəfindən qiymətləndirilərək yaş qruplarına uyğun komandalara cəlb ediləcəklər.

Təbriklər, Rəhman Əzizov! 💯

Akademiyamızın 14 yaşlılardan ibarət komandasının baş məşqçisi Rəhman Əzizovun 44 yaşı tamam olur. Doğum günü münasibətilə mütəxəssisi təbrik edir, gələcək fəaliyyətində uğurlar arzulayırıq.

⚽️ Kəpəz Futbol Akademiyası seçimlərə başlayır!

2026–2027-ci illər mövsümü üçün akademiyamız yeni futbolçu seçimlərinə start verir. Klubumuz aşağıdakı yaş qrupları üzrə seleksiya məşqlərinə iştirakçı qəbul edir:

👦 Oğlanlar:
2012–2020-ci il təvəllüdlü (6–14 yaş)

👧 Qızlar:
2015–2017-ci il təvəllüdlü (9–11 yaş)

📅 Seçim tarixləri: 6 və 7 iyun
🕙 Başlama saatı: 10:00
📍 Məkan: Klubumuzun Məşq Mərkəzi

Seleksiya mərhələsini uğurla keçən iştirakçılar akademiyanın müvafiq yaş qrupu komandalarına qəbul olunacaqlar.

📞 Qeydiyyat üçün əlaqə nömrəsi: 051 872 13 15

⚽ Böyük futbola gedən yol “Kəpəz”dən başlayır!

"Zirə-2" ilə oyundan 📸

"Kəpəz-2" 1️⃣-1️⃣ "Zirə-2"

⚽ S.Şamilov 75'

Premyer Liqada daha iki debüt 💫

Akademiyamızın yetirmələri Ruslan Quliyev və Elgün Bayramov Azərbaycan Premyer Liqasının son turunda debüt ediblər. Ruslan Quliyev ilk oyununa 17 yaş 240 günlüyündə çıxıb. Elgün Bayramov isə Premyer Liqada debüt edərkən 23 yaş 81 günlük olub.