İsmayıllı İnnovasiyalar Mərkəzi

Region gənclərinin hazırladığı startap layihəsi hakatonda qalib olub-FOTO Azərbaycan Beyləxalq Bankın təşkilatçılığı ilə keçirilən 3-cü Hackathon-StartUp Challenge müsabiqəsində TutorLab komandası qalib olub. İsmayıllı rayonundan qatılan gənclərin bir müddətdir üzərində işlədikləri layihə təşkilatçıların diqqətini cəlb edib. NAXCİV...

Famil Əhmədzadə 23 sentyabr 1975-ci ildə Bakı şəhəri Xətai rayonunda dünyaya göz açmışdır. İbtidai təhsilə İsmayıllı şəhər 3 saylı tam orta məktəbdə başlamışdır. Famil məktəbdə ən savadlı şagirdlərdən biri olmuşdur. Elə bunun məntiqi nəticəsi kimi, o, orta məktəbi 1992-ci ildə əlaçı məzun kimi bitirmişdir.

Orta məktəbi bitirən Famil, elə həmin il Azərbaycanın ilk test üsulu ilə keçirilən imtahanında iştirak etmiş, Bakı Sosial İdarəetmə və Politologiya İnstitutunun (indiki Azərbaycan Respublikasının Prezidenti yanında Dövlət İdarəçilik Akademiyası) Politologiya ixtisasına qəbul olunmuşdur. 1997-ci ildə ali təhsilini fərqlənmə diplomu ilə bitirmiş, hərbi kafedradan məzun olduğu üçün leytenant rütbəsi ilə məzun olmuşdur.

Famil Əhmədzadə 1997-ci ildən etibarən məzunu olduğu E.Məmmədov adına İsmayıllı şəhər 3 saylı tam orta məktəbində tarix müəllimi kimi fəaliyyətini davam etdirmişdir. 1999-cu ilin əvvəlində hərbi xidmətə yola düşmüşdür. 8 fevral 1999-cu ildən leytenant kimi Naxçıvan Muxtar Respublikasında xidmətə başlamışdır. Xidmətdə fərqləndiyi üçün baş leytenant rütbəsinə yüksəlmişdir. Elə həmin rütbə ilə 9 noyabr 2000-ci ildə ordudan tərxis olunmuşdur. Hərbi xidmətdən qayıtdıqdandan sonra yenidən həmin məktəbdə müəllimlik fəaliyyətini davam etdirmişdir. Tarixçi kimi yetişdirdiyi yüzlərlə tələbəsi yüksək bal toplayaraq ali məktəblərə daxil olmuşlar.
Famil Əhmədzadə, 27 sentyabr 2020-ci ildə Vətən müharibəsinin başlaması ilə könüllü olaraq ordu sıralarına yazılmışıdır. Baş leytenant Əhmədzadə cəbhə yoldaşlarının döyüş ruhunu artıraraq onları qələbəyə səsləyirdi. O, Tərtər rayonunun Talış və Suqovuşan kəndlərinin müdafiəsində müstəsna rol oynamışdır. Oktyabrın 13-dən 14-nə keçən gecə Talış kəndi və Suqovuşanda gedən döyüşlərdə qəhrəmancasına şəhid olmuşdur. Şəhid Əhmədzadə Familin nəşi 3 noyabr tarixində əvvəlcə yaşadığı evə, daha sonra İsmayıllı rayonu Şəhidlər Xiyabanına gətirilərək, şəhər sakinlərinin izdihamlı yürüşü ilə təntənəli surətdə dəfn edilmişdir
Azərbaycan Respublikasının ərazi bütövlüyünün təmin edilməsi uğrunda döyüş əməliyyatlarında iştirak etmiş və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirmiş Azərbaycan Respublikası Silahlı Qüvvələrinin hərbi qulluqçusu Əhmədzadə Famil Ağaəhməd oğlu ölümündən sonra Azərbaycan Respublikası Prezidentinin Sərəncamı ilə 15 dekabr 2020-ci il "Vətən uğrunda" medalı, 18 dekabr 2020-ci il "Döyüşdə fərqlənməyə görə" medalı, 24 iyun 2021-ci "Suqovuşanın azad olunmasına görə” medalı və 05 noyabr 2021-ci il 3-cü dərəcəli "Rəşadət" ordeni ilə təltif edilmişdir.
İsmayıllı rayon İcra Hakimiyyətinin başçısı Nahid Bağırovun 31 avqust 2021-ci il tarixli, 112 nomrəli sərəncamı ilə Azərbaycan Respublikasının ərazi bütövlüyü uğrunda şəhid olmuş Əhmədzadə Famil Ağaəhməd oğlunun adının əbədiləşdirilməsi məqsədilə yaşadığı "Niyal" küçəsinin adının dəyışdirilərək Famil Əhmədzadə küçəsi adlandırılmışdır.
Allah rəhmət eləsin!

📣Əziz idman sevərlər!

İsmayıllı rayon Gənclər və İdman idarəsinin təşkilatçılığı ilə 🇦🇿Vətən müharibəsi şəhidlərinin xatirəsinə həsr olunmuş⚽ mini futbol idman növü üzrə rayon birinciliyi keçiriləcəkdir.

🗓️Birincilikdə iştirak etmək üçün 06 iyun 2022- ci il tarixədək qeydiyyatdan keçmək və 07 may 2022-ci il tarixdə İsmayıllı rayon Gənclər və İdman İdarəsində keçiriləcək püşkatmada iştirak etmək lazımdır.

🎯Oyunlar İsmayıllı rayon Heydər Əliyev adına parkda mini futbol meydançasında keçiriləcəkdir.

💁🏻‍♂️Əlaqələndirici şəxs: Elmi Məmmədli
📞Əlaqə nömrəsi: 055 481 85 37