LERİK UGİŞM

Zona və respublika yarışlarına hazırlıq məqsədilə təlim məşqlərin təşkili və Lerik rayon uşaq gənclər idman şahmat məktəbinin güləşçilərinin adı çəkilən təlimlrədə iştirak etməsinə şərait yaratmaq və onlara göstərilən xüsusi diqqət və qayğıya görə Binə qəsəbəsi güləş məktəbinin baş məşqçisi Müşviq Məmmədova və onun məşqçilər heyətinə məktəbimiz adından təşəkkür edirik.

13.01.2026-cı il tarixində Saatlı rayon olimpiya idman kompleksində Yunan-Roma güləş növü üzrə Azərbaycan çempionatının zona mərhələsində iştirak edən Lerik rayon uşaq gənclər idman şahmat məktəbinin yetirmələri Tahirov Rəşad Çingiz oğlu və Qəribov Zaman Zamid oğlu uğurla çıxış edərək U-17 Azərbaycan birinciliyinə vəsiqə qazanıblar.08-13 fevral 2026-cı il tarixlərində Gəncə şəhər idman sarayında keçiriləcək mötəbər yarışda idmançılarımıza uğurlar arzu edirik.

Azərbaycan güləş federasiyasının məşqçiləri Taleh Məmmədov və Turac Hüseynovun rəhbərliyi ilə yeni yetmələrdən ibarət Yunan-Roma güləş komandası qarşıdan gələn yarışlara hazırlıq məqsədilə 29.11-12.12 2025-ci il tarixlərində Özbəkistan respublikasında 15 günlük təlim məşqlərdə iştirak ediblər.Lerik rayon uşaq gənclər idman şahmat məktəbinin yetirməsi olan Qəribov Zaman Zamid oğluda adı çəkilən təlim məşqlərdə məktəbmizi təmsil edib.Qarşıdan gələn yarışlarda bütün güləşçilərimizə uğurlar arzu edirik.

Lerik rayon uşaq gənclər idman şahmat məktəbində 10,11,12,13 dekabr 2025-ci il tarixlərində Azərbaycan xalqının ümummilli lideri Ulu Öndər Heydər Əliyevin Anım Günü -nə həsr edilmiş şahmat idman növü üzrə məktəbli oğlan və qızlar arasında iki yaş qrupu üzrə rayon birinciliyi keçirilib.Yarışın sonunda qalib və mükafatçılar məktəbin diplom və medalları ilə təltif edilib.

10-11 dekabr 2025 -ci il tarixlərində "Ulu Öndər Heydər Əliyevin Anım Günü"nə həsr edilmiş yunan-Roma güləşi üzrə kiçik yeni-yetmələr arasında Lerik rayon uşaq gənclər idman şahmat məktəbinin rayon birinciliyi keçirilib.Sonda qalib və mükafatçılar məktəbin diplom və medalları ilə təltif edilib.

"Ulu Öndər Heydər Əliyevin Anım Günü"-nə həsr edilmiş tədbirlər çərçivəsində bu gün Lerik rayon uşaq gənclər idman şahmat məktəbinin futbol bölməsində qruplar arasında mini futbol üzrə yoldaşlıq görüşləri keçirilib.

"8 Noyabr Zəfər Gününü"nə həsr edilmiş mini futbol üzrə Lerik rayon uşaq gənclər idman şahmat məktəbinin liqa formatında birinciliyinə start verilib.Açılış oyununda Cəngəmiran və Lerik şəhər 3 saylı məktəbin qrupları arasında maraqlı və gərgin oyun 3:3 hesabı ilə bitib.Hər iki komanda aktivinə 1 xal yazdırıb.Növbəti oyun Gimnaziya və Mondiga arasında olacaq.Bütün komandalara uğurlar arzulayırıq.

" 8 Noyabr Zəfər Günün"-nə həsr edilmiş yunan-Roma güləşi üzrə kiçik yeni-yetmələr arasında Lerik rayon uşaq gənclər idman şahmat məktəbinin birinciliyi keçirilib.Yarışda Vətən Müharibəsi barədə idmançılara məlumatlar verilib.Şəhidlərin əziz xatirəsi bir dəqiqəlik sükutla yad edilib.Yarışda məktəbinin güləş bölməsinin üzvü olan şagirdlər iştirak edib və sonda qaliblər dpliom və medallarla təltif edilib.

8 Noyabr Zəfər Gününü münasibətilə ağırlıqqaldırma idman növü üzrə Lerik rayon uşaq gənclər idman şahmat məktəbinin təşkilatçılığı ilə rayon birinciliyi keçirilib sonda qalib və mükafatçılar məktəbin diplom və medalları ilə təltif olunublar.

Türkiyənin İstanbul şəhərində 26-27 İyul 2025-ci il tarixlərində keçirilən Yunan Roma güləş növü üzrə yeniyetmələrin Dostluq Kuboku Beynəlxalq turnirdə Lerik rayon uşaq gənclər idman şahmat məktəbinin yetirməsi 57 kiloqram çəki dərəcəsində mübarizə aparan Qəribov Zaman Zamid oğlu bütün rəqiblərinə qalib gələrək qızıl medal qazandı.

16-18 iyun 2025 çi il tarixlərində kiçik yeni yetmələr arasında Lerik rayon uşaq gənclər idman şahmat məktəbinin açıq birinciliyi keçirilib.Yarışda 12 komanda 200-ə yaxın idmançı iştirak edib.Sonda qaliblər məktəbinin diplom ve medalları ilə təltif olunub.