KUR Olimpiya Tədris İdman Mərkəzi

Bu gün – 12 Avqust Beynəlxalq Gənclər günüdür.

🏊‍♀️9 avqust 2026-cı il tarixində “Kür” OTİM-in üzgüçülük hovuzunda Mərkəzi Aran Regional Gənclər və İdman İdarəsinin və “Kür” OTİM-in birgə təşkilatçılığı ilə “12 Avqust - Beynəlxalq Gənclər Günü” münasibətilə üzgüçülük idman növü üzrə Mingəçevir şəhər turniri keçirilmişdir.
✅Turnirin keçirilməsində əsas məqsəd gənclər arasında sağlam həyat tərzinin təbliği, onların idmana olan marağının artırılması, üzgüçülük idman növünün inkişaf etdirilməsi, perspektivli idmançıların aşkar edilərək onların bacarıqlarının daha da təkmilləşdirilməsinə dəstək göstərilməsi olmuşdur.
▶️Turnirin qalibləri Mərkəzi Aran Regional Gənclər və İdman İdarəsi tərəfindən diplom və medallarla təltif olunmuşlar.

Avqustun 8-də Gənclər və İdman Nazirliyi, Azərbaycan Üzgüçülük Federasiyası və Bakı Şəhər Halqası Əməliyyat Şirkətinin birgə təşkilatçılığı ilə Mingəçevirdə, Kür sahilində “Kürü keçək?! 5” açıq suda üzmə yarışı keçirilib.

Yarış kişilər və qadınlar arasında 6 yaş kateqoriyası üzrə keçirilib: 12–17 yaş, 18–23 yaş, 24–35 yaş, 36–55 yaş, 56–70 yaş və 71 yaşdan yuxarı.

Bu il ilk dəfə olaraq yarış iki məsafə üzrə – 350 metr və 1000 metr məsafələrdə təşkil olunub. 350 metr məsafədə 313 nəfər (242 kişi, 71 qadın) üzüb, 304 nəfər (236 kişi, 68 qadın) finişə çatıb. 1000 metr məsafədə isə 88 nəfər (69 kişi, 19 qadın) üzüb, 86 nəfər (68 kişi, 18 qadın) finişə çatıb.

Qaliblərə mükafatları gənclər və idman naziri Fərid Qayıbov, Azərbaycan Üzgüçülük Federasiyasının prezidenti Zaur Əliyev və digər məsul şəxslər təqdim ediblər.

Yarışın nəticələri ilə aşağıdakı linkdən tanış olmaq mümkündür:

https://www.mys.gov.az/az/xeberler/mingecevirde-kuru-kecek-5-aciq-suda-uzme-yarisi-kecirilib

̇mi̇bi̇rli̇kdə
Azərbaycan Üzgüçülük Federasiyasi / Azerbaijan Swimming Federation - ASF Baku City Circuit

🏔️ 8 avqust – Beynəlxalq Alpinizm Günüdür.

Bütün alpinistləri və dağçılıq həvəskarlarını təbrik edir, hər birinə təhlükəsiz və uğurlu zirvə yürüşləri arzulayırıq!

Yuxularınızda hansı idman növü ilə məşğul olduğunuzu bilmirik, amma Olimpiya İdman Kompleksində bunların hamısını real şəkildə yaşaya bilərsiniz! 😎