KUR Olimpiya Tədris İdman Mərkəzi

Beynəlxalq Olimpiya Günü münasibətilə bütün idmansevərləri təbrik edirik!🥇

İyunun 13-14-də Fəvvarələr meydanında “Gimnastika hamı üçün” növü üzrə IV Bakı Beynəlxalq Festivalı keçirilib.
Festivalın ikinci günü qalib komandaların iştirakı ilə təşkil olunan qala şousu ilə yadda qalıb. Komandalar qazandıqları uğurun sevincini tamaşaçılarla bölüşərək rəngarəng çıxışlar təqdim ediblər.
Tədbir çərçivəsində müxtəlif nominasiyalar üzrə qaliblər mükafatlandırılıb. “Ən yaxşı kostyum”, “Ən yaxşı performans”, “Ən yaşlı iştirakçı”, “Ən balaca iştirakçı” və “Sosial mediada ən aktiv iştirakçı” nominasiyalarında fərqlənən iştirakçılar diplom və hədiyyələrlə təltif olunublar.
“Ən yaxşı performans” nominasiyasında Abşeronu təmsil edən “Dark Storm” komandası, “Ən yaxşı kostyum” nominasiyasında isə Naxçıvanın “African Echo” komandası qalib olub. Həmçinin “Ən yaşlı iştirakçı”, “Ən balaca iştirakçı” və “Sosial mediada ən aktiv iştirakçı” nominasiyalarının da qalibləri müəyyənləşdirilərək mükafatlandırılıb.
Qala şousu zamanı komandaların enerjili və rəngarəng çıxışları Fəvvarələr meydanında əsl gimnastika bayramı ab-havası yaradıb. İştirakçıların böyük əzmlə və sevgi ilə hazırladıqları proqramlar tamaşaçılar tərəfindən maraqla izlənilib və gur alqışlarla qarşılanıb.
‌mi‌bi‌rli‌kdə
Azerbaijan Gymnastics Federation

Avarçəkənlərimiz Dünya Kubokunda medal qazanıblar🚣🏻

12–14 iyun tarixlərində Bolqarıstanın Plovdiv şəhərində keçirilən akademik avarçəkmə üzrə Dünya Kubokunda iştirak edən avarçəkənlərimiz uğurlu çıxış ediblər. Ölkəmizi təmsil edən Ziya Məmmədzadə və Nurlan Paşayev yüngül çəkidə iki nəfərlik qayıqda üçüncü yeri tutublar. Ziya–Nurlan cütlüyü 2000 metr məsafədə finiş xəttini üçüncü keçərək bürünc medala sahib olublar.🥉

.azerbaijan .europe

Kanoeçimiz Masters kateqoriyasında Avropa çempionu olub 🛶

🇵🇹Portuqaliyanın Montemor-u-Velyu şəhərində kayak və kanoe üzrə Avropa çempionatı keçirilir. Təmsilçimiz Boqdan Kurudz (35–39 yaş) Masters kateqoriyasında qızıl medal qazanıb. 500 metr məsafəyə birnəfərlik kanoe qayığında mübarizə aparan Kurudz bütün rəqiblərini geridə qoyaraq Avropa çempionu adına layiq görülüb.

Qeyd edək ki, Boqdan Kurudz iyunun 13-də birnəfərlik kanoe qayığında 200 metr məsafəyə yarışacaq.

.azerbaijan .europe

3 iyun 2026-cı il tarixində Mərkəzi Aran Regional Gənclər və İdman İdarəsi və Mingəçevir Dövlət Universitetinin birgə təşkilatçılığı ilə “3 İyun – Dünya Velosiped Günü” münasibətilə veloyürüş təşkil olunmuşdur.
▶️Veloyürüş İ. İslamzadə küçəsi 98A ünvanından start götürmüş, “KÜR” Olimpiya Tədris-İdman Mərkəzinin qarşısında yerləşən finiş xəttində başa çatmışdır.
✅Veloyürüşün keçirilməsində əsas məqsəd əhali arasında sağlam həyat tərzinin təbliği, velosipeddən ekoloji cəhətdən təmiz nəqliyyat vasitəsi kimi istifadənin təşviqi, fiziki fəallığın artırılması, idmana marağın gücləndirilməsi, həmçinin Dünya Velosiped Gününün əhəmiyyətinin ictimaiyyətə çatdırılması olmuşdur.

Avarçəkənlərimiz gənclər və idman naziri ilə görüşdə iştirak edib
Gənclər və idman naziri Fərid Qayıbov may ayında beynəlxalq yarışlarda yüksək nəticələr əldə etmiş idmançılarla görüş keçirib. İyunun 3-də Bakı Gənclər Mərkəzində təşkil olunan görüşdə Ümummilli Lider Heydər Əliyevin anadan olmasının 103-cü ildönümünə həsr edilmiş avarçəkmə və kanoe üzrə “Prezident Kuboku 2026” beynəlxalq reqatasında medal qazanmış idmançılar da iştirak ediblər. Tədbir Azərbaycan Respublikasının Dövlət Himninin səsləndirilməsi ilə başlayıb, ardınca ötən ay ərzində beynəlxalq arenalarda qazanılmış nailiyyətləri əks etdirən videoçarx nümayiş olunub.
Nazir Fərid Qayıbov çıxışında bildirib ki, may ayı ərzində Azərbaycan Respublikasının Dövlət Himni 15 ölkədə səsləndirilib, idmançılarımız isə ümumilikdə 70 qızıl, 58 gümüş və 103 bürünc medal qazanıblar. Beynəlxalq arenalarda əldə olunan nailiyyətləri yüksək qiymətləndirən nazir idmançıları və onların məşqçilərini təbrik edib.
Azərbaycan Respublikasının Gənclər və İdman Nazirliyi .azerbaijan