SAHIL Fitness Club

🇺🇦💙💛

#славаукраїні💙💛

Məşqdən əvvəl yorğunluq..

İdmanla məşğul olan hər bir kəs məşqdən öncə yorğunluqla mübarizə aparmağın yollarını həmişə axtarıb. İlk öncə “məşq üçün çox yorğunam” bəhanələrindən uzaq durmaq lazımdır. Bilin ki, məhz məşqlər sizi enerji, yaxşı yuxu və düzgün hormon ifrazı ilə təmin edir. Sübut olunmuşdur ki, məşq yoğunluğu aradan götürür.
Məşqdən əvvəl yorğunluq hiss edirsiniz isə, aşağıdakı məsləhətlərə qulaq asın.

№1
İşdən sonra birbaşa zala. Evə getməyin, TV qabağında və divanda “yapışıb” qalmaq riski var. Çalışın tonusunuzu itirməyəsiniz.

№2
Məşqi səhər edin. Səhər yorğunluq bəhanəniz olmayacaq və enerjili olacaqsınız. Səhərlər insan gücü p*k nöqtəsində olur.

№3
Tərəfdaş tapın. Tərəfdaşın olması sizə kömək deməkdir. Yaxşı tərəfdaş məşqləri buraxmamağa səbəbdir.

№4
Yoqanı sınayın. Yoqa yorğunluqla mübarizədə əvəzolunmazdır. Yoqanı günün istənilən saatında edə bilərsiniz.

№5
Hər gün məşq etməyin. Ən optimal – həftədə üç dəfədir. Orqanizmə bərpa olunması üçün vaxt lazımdır. İstirahətin olmaması xroniki yorğunluğa gətirib çıxarda bilər.

№6
İdman paltarlarınızı işdə geyinin. İdman ruhunuzu qaldıracaq və məşqdən yayınmağa imkan verməyəcək. Beyninizə artıq lazımı siqnallar gedəcək.

№7
Yorğun beyin – yorğun bədən deyil. Fiziki və zehni yorğunluq arasında fərqi hiss edin. Ofisdə işləyərək fiziki yorğunluq olmur. Əksinə sizin bədəniniz məşq üçün tam istirahət etmiş olur.

№8
Fərqi hiss edin. Həmişə yadınızda məşqdən əldə edəcəyiniz üstünlükləri saxlayın. Məşq sizin borcunuz yox, üstünlüyünüzdür. Siz məşq etməyənlər üzərində böyük üstünlüyə maliksiniz.

Nəticə
Yorğunluq – məşqi buraxmağa səbəb deyil. Məşq – yorğunluqla ən yaxşı mübarizə metodudur.

Bədən quruluşları haqqında bilmədiklərimiz..

Bədən quruluşu qidalanmaq və məşqlər planında olduqca vacibdir. Bədən quruluşu düz təyin edildiyində, ona uyğun məşq edildikdə və pəhriz saxlanıldıqda daha tez nəticələr əldə etmək olar.
Bədən quruluşu tipləri üç yerə ayrılır. Bu tiplərə ilk dəfə Sheldon adlı araşdırmacı alim 1954-cü ildə ayırıb. Daha sonralar bu mövzuda bir çox araşdırmalar aparılsalar da, bu üç tipə ayrılmanı saxlamışdırlar. Bələki, bədən quruluşuna görə ektomorf, mezomorf, endomorflar olur.

Ektomorf
Əgər təbiət sizi ektomorf bədən quruluşu ilə “mükafatlandırıbsa”, ruhdan düşməyə dəyməz. Bir tərəfdən sürətli maddələr mübadiləsi səmərəli şəkildə kütlə yığmağa mane olur, lakin digər tərəfdən düzgün yanaşma olduqda bu “çatışmazlıqları” üstünlüklərə çevirmək olar.
Beləliklə, məşq rejiminə keçək. Əsas diqqəti baza hərəkətlərinə ayırmaq lazımdır. Məşqlər intensiv olmalı və 45 dəqiqədən artıq davam etməməlidir. Hər əzələ qrupu üçün 4-6 yanşmada 6-8 təkrarlar etmək lazımdır, bu maksimal dərəcədə mümkün inkişafı təmin edər. Məhz ektomorf üçün “Daha çox – daha yaxşı demək deyil ! ” qaydası çox mühümdür.

Mezomorf
Mezomorflar idmanın güc növlərinə daha çox uyğundurlar. Onlarda təbiətdən inkişaf etmiş əzələlər, uzun qamət, enli sinə qəfəsi və çiyinlər, orqanizmdə aşağı miqdarda piy mövcuddur. Onlar tezliklə güc göstəricilərini artırırlar və quru əzələ kütləsi yığırlar, buna görə də əgər siz mezomorf kimi anadan olmusunuzsa, hesab edin ki, bəxtiniz çox gətirib!
Keçək əsas məsələyə. Məşqləri üç günlük split proqramı əsasında yerinə yetirməlisiniz. Beləki, üç günlük split əzələ kütləsinin artırılması üçün daha çox yararlıdır. Mezomorflar üçün məşqlərin xüsusiyyəti odur ki, burada kütlə üçün işləyən zaman əzələlərin formasını yaxşılaşdırmaq üçün təcridedici hərəkətləri də daxil etmək olar. Bir əzələ qrupu üçün yanaşmaların sayı 6-8, təkrarların sayı isə 8-12 təşkil edir. Hər məşqdə 2-3 əzələ qrupunu işləyin.

Endomorf
Endomorflar genetik olaraq kökəlməyə meyllidirlər. Onlar asanlıqla, xüsusi ilə qarında, ombada, çiyin və sinədə qatlar yaradan artıq çəki yığırlar. Buna görə də endomorfların məşqi öz fərqli xüsusiyyətlərinə malikdir.
Beləliklə, əsas məsələyə yaxınlaşaq. Üçgünlük split proqramı ilə məşq edilməli. Proqramın əsasında əzələ kütləsinin yığılmasına və böyük miqdarda kalorinin yandırılmasına kömək olan baza hərəkətləri olacaqdır. Endomorflar üçün hər məşqin müddəti 90-120 dəqiqə çərçivəsində olmalıdır, mütləq olaraq diqqətli isinmə ilə başlayaraq soyuqlama ilə yekunlaşmalıdır. Yanaşmalar arasındakı istirahət minimaldır, təxminə 60-90 saniyə.

Ev şəraitində kardioməşqlər

Bəziləriniz kardioməşqləri yaxındakı parka və ya stadiona gedib qaçmaqda görürsünüz. Əlbəttə, qaçmaq lazımdır, lakin bugün sizlərə evdən çıxmayaraq və heç bir treanjorsuz yerinə yetirə biləcəyiniz kardioməşqləri təqdim edirik.

Bu məşqlərin əsas məqsədi – piylərin yandırılmasıdır. Lakin, unutmayın ki, nəticə əldə etmək üçün düzgün qidalanmaq, pəhriz saxlamaq mütləqdir.

Aşağıda göstərilən məşqləri göstərilən sıra ilə yerinə yetirmək lazımdır. Olduqca asan qavranan məşqlər sizin vaxtınızı da çox almayacaq. Sizin əsas işiniz məşqləri maksimum tez və texnikanı pozmayaraq yerinə yetirməkdir. Optimal sürəti seçin, lakin unutmayın ki, nə qədər cəld olsanız, piyləriniz bir o qədər tez əriyəcək. Düzgün yerinə yetirildiyi zaman bir ay ərzində nəticə əldə etmək olar.

Yerdən ayrılaraq jim

Adi jimdəki kimi ilkin vəziyyətdə dayanın. Aşağı enin və yuxarı qalxan zaman özünüzü arxaya ataraq, əllərinizi yerdən ayırın və ilkin vəziyyətə qayıdın. Zamanla jimi daha da çətinləşdirin, yerdən arxaya atılan zaman əllərinizi birləşdirib ayırın (əl çalın). 15 təkrarlama yerinə yetirin və növbəti məşqə keçin.

Burpi

Bu məşq birincidən daha çətindir. Beləki, əlləriniz yerdə olmaq şərti ilə çömbəlin, dizləriniz bu zaman sinənizə toxunsun. Bir anda ayaqlarınızı arxaya atın və geriyə qaytarın sonra var gücünüz ilə yuxarı tullanın. Yerə düşdükdən sonra ilkin vəziyyətə qayıdın.20 təkrar yerinə yetirdikdən sonra növbəti məşqə keçin.

Qayaya dırmanmaq

İlkin jim vəziyyətində dayanın. Bir anda sağ ayağınızı sağ əlinizə gətirin geri qaytarın sonra sol ayağınızı sol əlinizə gətirin geri qaytarın. Elə düşünün ki, sizin arxanızca kimsə qaçır və siz hər hansı bir hündürlüyə daha tez dırmanmalısınız.30 təkrarlamanı yerinə yetirin və davam edirik.

Tullanmalar

Əlləriniz boynunuzun arxasında çömbəlin. Var gücünüz ilə yuxarı tullanmağa çalışın. Unutmayın ki, əlləriniz bu zaman, ilkin vəziyyətdə olduğu kimi boynunuzun arxasında olmalıdır. Bu məşqi daha çətin etmək üçün nəzərdə tutulub.15 təkrardan sonra sonuncu məşqə keçin.

Sumo çömbəlməsi

Qamətinizi düz saxlayaraq, ayaqüstə durun. Çömbələrək ələrinizi ayaqlarınızın arasından yerə qoyun. Bir anda ayaqlarınızı arxaya ataraq, jim vəziyyətinə gəlin. 1 təkrarın hesab olunması üçün geriyə eyni hərəkətləri edərək qayıtmaq lazımdır.15 təkrarlama yerinə yetirin və son.

Qeyd edək ki, bu hərəkətləri həftədə 3-4 dəfə olmaqla gündə ən azı 3 dəfə yerinə yetirməlisiniz. Şəkilləri də sizlər üçün ardıcıl yerləşdirmişik. Uğurlar ))

Boyun uzadılması üçün məşqlər:

İnsan boyunu riskli preparat və əməliyyat olmadan uzada bilər. Ev şəraitində çətin olmayan məşqlər sizə məqsədinizə çatmağa kömək olacaq.

İlk olaraq siz qarşınıza məqsəd qoymalısınız. Bu məqsədə hansı vaxt ərzində çatmaq istədiyinizi bilməlisiniz. Müəyyən məqsəd olmasa məşq etməyin mənası yoxdur. Nəticəni görmək üçün məqsədin olması şərtdir. Boyunuzun tez artması üçün həmçinin məşq planını, təkrar və yanaşmaların dəqiq sayını yazmağınız və ona uyğun məşq etməyiniz vacibdir. Məşqdən öncə mütləq isinmə hərəkətlərini edin və ən vacibi boyunuzun dəqiq uzunluğunu qeyd edin.

1. Hündürlüyə tullanma. Boyunuzun artması üçün hər gün müəyyən hündürlüyə tullanmağınız və bu hündürlüyü daimi çoxalması vacibdir. Bu sizə ən hündür nöqtələrə əlinizin çatmasını təmin edəcək, onurğanız dartınacaq və zamanla boyunuzun 5-15 sm artmasına gətirib çıxardacaq (basketbol və voleybolçulara nəzər yetirin).

2. Qaçış və tez-tez yerimə. İnsan boyunun uzadılması üçün onun ayaq əzələlərinin dartınması lazımdır. Adətən insanların ayaqlarında əyriliklər olur, onları düzəldərək boyunuzu artıra bilərsiniz. Bunun üçün qaçış və tez-tez yerimək idman növü ilə məşğul olmaq lazımdır.

3. Üzgüçülük. Həmçinin boyunuzun artmasına sizə həftədə 2-4 dəfə üzmək kömək ola bilər. Yaxşı olar ki, həm kürək və həm də sinə üzərində üzəsiniz. Bu vaxt həm onurğa və həm də bədəniniz dartınmış olacaq.

4. Gimnastika. Boya nəzarət və artırılmasına diqqət yetirmək üçün gimnastika ilə məşğul olmaq lazımdır. Gimnastika insan boyuna təsir edən sümük və əzələləri dartır, onları düzəldir və nəticədə boyunuz artmış olur.

5. Yoqa. Həmçinin ev şəraitində boyunuzu artırmaq istəyirsiniz isə yoqa ilə məşğul olmalısınız. Yoqa vasitəsi ilə bədəninizi idarə etmiş olacaqsınız və boyunuzun artmasına maneə olan hər bir şeydən azad olacaqsınız.

6. Qamətinizi saxlayın. Boyunuz artsın deyə çalışın qamətinizi həmişə düz saxlayasınız. Yadda saxlayın ki, əyri onurğa sütunu boyunuzu 7 və çox sm qədər azalda bilir.

7. Öz bədəniniz və onurğanızı düzəldin. Güzgüyə baxın. Əgər bədəniniz və ya onurğanız əyridirsə, korreksiya edin və düzəldin. Belə siz ev şəraitində daha tez boyunuzu uzada bilərsiniz.

Ev şəraitində boyunuzun artması üçün məşqlər yetərli deyil. Həmçinin sağlam həyat tərzi vacib amildir. Siz düzgün qidalanmalısınız. Ziyanlı adətlərinizdən uzaq durmalı, alkoqol, siqaretdən tamamilə imtina etməlisiniz, idman onları sevmir. Sink və vitamin D boyun artması üçün ən vacib komponentlərdəndir. Bu vitaminləri körpəlikdən alınması şərtdir. Zülallı qidalanma, lazımi mikroelementlər qida rasionunuzun tərkib hissəsi olmalıdır. Təmiz su için. Yeməkdən öncə və sonra oturmayın, 20-30 dəqiqə təmiz havada gəzin. Əsasən də yatmazdan əvvəl və yuxudan durduqdan sonra.

Ümid edirik məqsədinizə tez və daha effektiv nail olarsız ))

Əziz səhifə izləyiciləri Ramazan bayramınız mübarək olsun..

Oruc tutmağın faydaları:

Oruc bədənimizin və ruhumuzun təmizlənməyi deməkdir. Əgər 30-50 il bundan əvvəl bütün dünya oruc tutmağa bir ikrah hissi ilə baxırırdırsa, indi bütün dünyada acqalma ilə müalicələr və aclıq mərkəzləri fəaliyyət gostərir.İnsanın ən vacib orqanlarından biri qaraciyərdir. İnsan qaraciyərsiz 3 saniyədən artıq yaşaya bilməz, qaraciyər üçün ən etibarlı effektiv müalicə üsullarından biri oruc tutmaqdır. Qaraciyər enerji deposudur oruc tutan zaman, yəni acqalmadan 6-7 saatdan sonra orqanizm qaraciyərdəki ehtiyyat enerjidən istifadə etməyə başlayır bu zaman yüngül ürəkbulanma halsızlıq ola bilər. Bu təəbiidir heç bir ziyanı yoxdur. Qaraciyər həm yenilənir, həm istirahət edir, həm də daxilindəki enerjini təzələyir. Aclıq zamanı xolesterin və triqliseridlərin səviyyəsi (damarların daxili divarını tutmuş yağlar) normallaşır, mədəaltıvəz xəstəliyindən (pankreatit) əziyyət çəkənlər üçün faydalıdır çünki 6-7 saatdan sonra mədəmiz boş olduğundan fermentativ aktivlik aşağı düşür və demək olar ferment ifrazı olmur. Bu zaman mədəaltıvəzi üçün özü özünü bərpaetmə baş verir. Çünki pankreatit zamanı mədəaltıvəzin öz şirəsi özünü yandırır.
İnfart, ateroskleroz kimi ürək xəstəliklərinin müalicəsi üçün oruc tutmaq əvəzolunmazdır. Bu zaman damarların daxilindəki yığılıb qalmış artıq maddələr təmizlənilir və damarlar elastikləşir. Mütəmadi oruc tutan adamlar skleroz (yaddaşın tamam itməsi) xəstəliyinə tutulmaz. Oruc zamanı bizim oynaqlarımız duzlardan təmizlənir. Böyrək və öd daşlarının həcmi kifayət qədər kiçilir və təmizlənilir. Gündə 3 dəfə yemək zamanı bağırsaqlarımızın xovları arasını daşlar və şlaklar tutur (normal insanda 4-5 kq-a çatır). Oruc zamanı bunlar da bədənimizdən təmizlənir. Oruc zamanı fermentativ aktivlik düşdüyündən mədəmizin iç divarı rahat bir şəkildə təzələnir sanki mədəmiz yeni bir sezona hazırlaşır. Oruc zamanı mədəmizin həcmi kiçilir, bu da çox yeməyin qarşısını alır.
Oruc zamanı qanda şəkərin səviyyəsi aşağı düşür. Bəzi şəkər xəstələri iynə vurdurduqlarına görə oruc tutmurlar. Bu səhvdir, aclığın 10-12 saatından sonra qanda şəkərin səviyyəsi aşağı düşməyə başlayır sadəcə şəkər xəstələri 2-3 gün əziyyət çəkə bilərlər sonra heç bir problem olmaz inşallah. Oruclu zaman adrenalin və kortizon kimi fermentlərin qanda miqdarı aşağı düşdüyündən hüceyrələrimizin xərçəngə tutulma ehtimalı aradan qalxmış olur.
Oruc zamanı insanın beyni qanla daha yaxşı təchiz olunur bu da bizim yaddaşımızın və diqqətimizin artmasına vəsilə olur. Əlləri və ayaqları çox tərləyənlər üçün oruc bir fürsəttdir, çünki bu zaman simpatik və parasimpatik sinir sisteminin bir birinə uyğunsuz fəaliyyəti aradan qalxır. Oruc zamanı bədənimiz su almadığından böyrəklər və tər vasitəsilə su xaric olduğundan yüksək təzyiqdən əziyyət çəkənlər şəfa taparlar inşallah. Əgər bağırsaqlarımız təmizlənirsə onda bağırsaqların filtr fəaliyyəti bərpa olur və bu zaman qanda böyük yağ hüceyrələrinin və antihüceyrələrin qarışımı azalacaq və bizim immun sistemimiz qaydasına düşəcək inşallah.

Gəlin yaşamaq üçün yeyək, mədəmizin əsiri olmayaq. Ac qalaq ki, acların qədrini bilək İnşallah.. ))

It's never late..

Bodybuilding Motivation 2015 - Whatever It Takes (Full HD) JilezQ Motivation : Bodybuilding Motivation 2015 - Whatever It Takes (Full HD) Бодибилдинг Мотивация Athletes: Anth Bailes, Roelly Winklaar, Phil Heath, Foua...

Əziz idman həvəskarları və SAHİL FİTNESS CLUBun dəyərli üzvləri, sizi Novruz bayramı münasibətilə təbrik edirik və nəzərinizə çatdırırıq ki, mart ayının 20, 21, 22-si məşq olmayacaq.

İnsan üçün yararlı olan təbii steroidlər
Steroidlərin insan orqanizminə ziyanı barəsində çoxlu sözlər deyilmiş və araşdırmalar aparılmışdır. Bugün sizlərə təbiətin bizlərə bəxş elədiyi təbii steroidlərdən söz açacayıq. Beləliklə, təbii steroidlərə aiddir:

Siyənək
Siyənək tərkibində heç bir məhsulda olmadığı qədər kreatin vardır. Kreatin məşq edən üçün ən vacib elementlərdən biridir, sizi güclü edir və əzələ kütləsinin artırılmasında əvəzsizdir. Üstəlik əzələləri qidalandırıcı maddələrlə zənginləşdirir ki, nəticədə onların artımı və bərpa olunmasına kömək edir. Məşqdən 1-2 saat öncə 200 qr siyənək yesəniz 40 qr protein, 12 qr təbii yağlar və 2 qr keratinlə bədəninizi təmin edəcəksiniz.

Qreypfrut
Qreypfrutu daha çox pres məşqləri zamanı yemək lazımdır. Sitrus meyvələri yağları əritməyə kömək olur. 12 həftəlik müşahidələr onu göstərir ki, rasionunu dəyişməyərək və sadəcə gündə yarım qreypfrut yeyən və 250 qr qreypfurt şirəsi içən hər bir kəs ortalama 2 kq arıqlayır, 4,5 kq arıqlayanlar da olur. Üstəlik qreypfrut qanda insulin və qlükozanın miqdarını azaldır. Bu onun tərkibindəki pektindən irəli gəlir. Beləki, pektin karbohidratların qana düşməsinə maneə törədir ki, nəticədə insulinin səviyyəsi aşağı düşür. Gündə bir qreypfrut yetərlidir, insulinin səviyyəsini aşağı saldığına görə məşqdən minimum 2 saat sonra qəbul edilməlidir.

Yoqurt
Yoqurt proteinin həll olunmasında köməkçi olur və immun sisteminə müsbət təsir edir. Yoqurt kökəlmənin qarşısını alan kalsiy ilə zəngindir. Əsas da yoqurt süd proteinin mənbəyidir. Yaxşı olardı ki, qatqısız və şəkərsiz olan yoqurtlardan alasınız. Yoqurtu istədiyiniz vaxt, məşqdən öncə və ya məşqdən sonra qəbul edə bilərsiniz.

Yaşıl çay
Yaşıl çay orqanizm üçün olduqca xeyirlidir. İnsanı arıqladır, damarları bərpa edir, qara ciyəri sağaldır, xərçəng şişlərinə qarşı təsirlidir, ürək-damar xəstəliklərini profilaktika edir, hətta son araşdırmalara görə QİÇS xəstəliyinə qarşı xeyirlidir. Bu onun tərkibində olan epigallocatechin gallate (EGCG) aktiv maddənin olması ilə əlaqədardır. EGCG antioksidant xassələrinə malikdir ki, insan orqanizminə müsbət təsir göstərir. Maddə maddələr mübadiləsini sürətləndirir, norepinerfinin həll olunmasının qarşısını alır. Yağların həll olunması prosesini sürətləndirir. Gündə 2-3 fincan yaşıl çay için. Bir yekə fincanda 200 mqr EGCG vardır. Yaşıl çay oynaqlara müsbət təsirə malikdir.

Kofe
Kofeni bir çoxları ziyan hesab etsə də, araşdırmalar göstərir ki, trenajorlarda məşq edənlər üçün xeyirlidir. Beləki, kofein məşqdən öncə güc verir, üstəlik artıq piyləri yandırmaqda da kömək olur. Üstəlik araşdırmalar onu göstərir ki, gündə 3 fincandan çox olmayaraq qəbul edilən kofe şəkərin qarşısını alır, qara ciyər xəstəliklərini profilaktika edir və öddə daşların yaranmasının qarşısını alır.

Brokkoli
Brokkoli tərkibində yüksək dərəcədə indola – 3 – karbinol (I3C) olduğundan estroqen hormonunu azaldır ki, nəticədə artıq piylənmənin qarşısı alınır. Üstəlik maddə testosteronun anabolik təsirini azaldır. Su itkisini nəzarət altında saxlayır. Gündə 1 və ya bir neçə bişmiş brokkoli yeməlisiniz.

İspanaq
İspanağın tərkibində azad radikalları neytrallaşdıran və görmə qabiliyyətini qoruyub saxlayan lütein, zeaksantin, korotenoidlər vardır. Həmiçinin ispanağın tərkibində çoxlu sayda qlütamin, aminoturşular var ki, əzələ kütləsinin artımına kömək olur. İspanaq 90% sudan barət olduğundan onu çox və çiy halında qəbul etmək lazımdır. Belə onun tərkibində qlütamin tam qalır. İspanağın tərkibindəki oktakozanol ürək-damar sisteminə xeyirli olduğu qədər, sizin əzələlərinizi gücləndirəcək. Buna nail olmaq üçün daimi olaraq ispanaq yeməlisiniz.

Pomidor
Pomidorda iki vacib element cəmləşmişdir – katrenoid likopen və flavonoid kversetin. Likopen mürəkkəb antioksidant olub, orqanizmi ürək xəstəliklərindən, xərçəng və prostatitdən qoruyur. Likopen əsasən pomidor məhsullarında (ketçup, sous, tomat) daha aktiv olur. Kversetin antioksidant xassələrinə malikdir və damar tıxanmasına qarşı əla vasitədir. Həmçinin gərgin məşqdən sonra əzələləri bərpa edir və ağrıları azaldır. Araşdırmalara görə gündə 6-7 pomidor yeməlisiniz.

Qarpız
Qarpızın tərkibində sitrulin antioksidantı boldur. Sitrulin orqanizmdə arqininə çevrilir ki, onun vasitəsi ilə əzələlərə qan, hormon, oksigen, qidalandırıcı maddələr ötürülür. Qırmızı ətində likopen vardır ki, ürək və xərçəng xəstəliklərinin qarşısını alır. Əgər yaxşı formada olub çox yaşamaq istəyirsiniz isə qarpızı rasionunuza əlavə edin. Məşqə 1 saat qalmış 1 kilo qarpız yeməyiniz məsləhətdir, çalışın qabığınadək yeyəsiniz ki, bu yerləri elementlərlə daha zəngindir.

Sarımsaq
Sarımsaq əzələ artımına kömək edir. Sağlamlığa müsbət təsiri olan sarımsaq, testosteronun yaranmasını stimullaşdırır, kortizolun qarşısını alır. Məşqdən öncə bir diş sarımsaq yeyin, lakin ağzınızdan gələn qoxudan ətrafdakıları qoruyun )) .

Soğan
Soğan və sarımsaq qohum tərəvəz olmuş və kükürdtərkibli elementlərlə zəngindirlər (məhz bu onlara kəskin iy verir). Soğan qanda insulinin miqdarını artırır və bu səbəbdən məşqdən sonra onu yemək çox xeyirlidir. Yaşıl soğan ən yaxşı alternativdir.

Günəbaxan tumu
Günəbaxan tumları əzələ kütləsinin artımına kömək edən arqinin və qlütamin ilə zəngindirlər. Tərkibindəki beatin qara ciyəri alkoqol və steroidlərin mənfi təsirlərindən qoruyur. Yarım stəkan günəbaxan tumu gündəlik normadır.

Cəfəri
Cəfəri həzm prosesini sürətləndirir və ağızdan gələn iyi neytrallaşdırır. Estroqen hormonunun səviyyəsini azaldaraq, piylənmənin qarşısını alır. Dəri və əzələ hüceyrələrinin sağlam qalmasına kömək olur. Gündəlik norma 3 dəst.

Cır mərsin (голубика)
Trenajorda məşq edən hər bir kəsə mərsin yemək məsləhət görülür. Təyin edilmişdir ki, mərsin azad radikallarla mübarizə aparan ən güclü giləmeyvədir. Onun tərkibindəki antosianin antioksidantı qan damarlarını qoruyur ki, onlar əzələləri qan, oksigen və qidalandırıcı maddələrlə təmin edirlər. Qan damarlarınız nə qədər sağlam olarsa, əzələləriniz bir o qədər güclü olacaq. Axşam yatmazdan öncə içdiyinizi protein kokteylinə yarım stəkan mərsin qatın.

BCAA nədir və onun müsbət cəhətləri hansılardır.

Hər kəs şöbələrə ayırılmış yan zəncirli aminoturşular adlanan əvəzolunmaz BCAA aminoturşuların əhəmiyyətli olduğunu bilir, çünki məşq zamanı və ya optimal qidalanma olmadığı zaman onlar əzələlər tərəfindən ilk növbədə istifadə olunur və orqanizm tərəfindən istehsal oluna bilmir. Yan zəncirləri şöbələrə ayırılmış aminturşular əzələ zülallarında 35% əvəzolunmaz aminturşu təşkil edir və insan üçün doqquz əvəzolunmaz aminturşulardan biridirlər.
BCAA sizin optimal intakt zülalların miqdarından sonra qəbul etməli olduğunuz məhsuldur, çünki yan zəncirləri şöbələrə ayırılmış aminturşular anabolik və antikatabolik effektlər üçün zülalın sintezinin sürətlənməsi yolu ilə əzələlərin ekstremal artması, həmçinin məşqlərdən sonra bərpanın yaxşılaşması üçün lazım olandır.
Düzgün BCAA qəbulu məşqdən əvvəl və/və ya məşqdən sonra və qida qəbullu arasında sizin əzələ kütlənizi və qüvvənizi gücləndirməyə yol verəcək.
Bununla yanaşı BCAA hormonal fəaliyyətin tənzimlənməsi, normal qida maddələri mübadiləsi, yorğunluğun azaldılması, immun və sinir sistemin sağlam fəalliyəti, zülal və qlikogenin düzgün mübadiləsi, habelə qırmızı qan cisimlərinin formalaşmasına köməklik göstərən B6 vitamini mənbəyidir.

Bananın tərkibində zülal nə qədərdir? Ümumiyyətlə varmı və bananın xeyiri nədədir – bütün bu suallara cavab:

Siz yəgin bananın insan orqanizminə xeyiri barədə çox eşitmisiniz. Məsələ ondadır ki, banan xeyirli və vitaminlə zəngin meyvə olmaqla yanaşı, onun digər müsbət cəhətləri də vardır. Əbəs yerə vegetarianlar bananı rasionlarına daim əlavə etmirlər. Bananın tərkibində nə qədər zülal var? Bu ekzotik meyvəni idmançılar sevir, proteinlə zəngin olduğu üçün aclığı yatızdırır. Lakin bananı yeganə qida məhsulu kimi qəbul etmək olmaz, banan sağlam qidanın bir tərkibi olmalıdır.
Gülməli olsa da, bananın tərkibindəki zülalın miqdarı sadəcə 1 qramdır. Bu göstərici orta ölçülü banana aiddir. Bananın tərkibində protein azlıq təşkil, üstəlik tam protein hesab olunmur.

Zülal ilə yanaşı bananın tərkibində hansı vitaminlər və minerallar var?

Karbohidratlar – enerji mənbəyidir! Effektiv məşq üçün vacibdir. Deməli banan – idmançının dostudur. Orta ölçülü bananda C vitamininin gündəlik normasının 17-18% var. Bu səbəbdən banan soyuqdəymə zamanı olduqca xeyirli məhsuldur.
Gözlərə xeyirdir. Belə ki, bir bananın tərkibində 2% A vitamini var ki, gözlərin yorğunlunu aradan qaldırır, görmə qabiliyyətini yaxşılaşdırır.
Anemiya xəstələri üçün də banan xeyirli meyvədir. Belə ki, bananın tərkibində 2% dəmir var. Tərkibindəki 13% kaliy infarkt və insultun qarşısını almaqda kömək edir. Kalsiyi orqanizmdə saxlayır, üstəlik tərkibində də 1% kalsiy var.
Qidanı həzm etməyə kömək edir, orqanizmdəki suları qovur, B-6 vitamini ilə zəngindir.

Gündəlik iki bananın yeyilməsi 90 dəqiqəlik məşqə bərabərdir! Hətta alimlərin araşdırmasına görə iki banan sizi 40 dəqiqəlik seksdən alacağınız müsbət effektlər ilə təmin edə bilər. Banan əzələ kütləsini artırmağa kömək edir, spermanın keyfiyyətini artırır, üz dərisini təravətləndirir, dəriyə oksigeni tez və düzgün paylanılmasına kömək olur.
Qeyd edək ki, dünyada bir ildə 100 000 000 000 ədəd banan yeyilir. Banan dünyada ən çox yetişdirilən kənd təsərrüfatı məhsullarının sırasında 4-cüdür.