AH257

🔴 Uko imigwi isumbana amanota inyuma y’umusi wa mbere w’ihiganwa rikuru rya Primus ligue 👇🏾

🔴 Mu nkino umunani zakinywe z’ihiganwa rikuru rya Primus ligue , hinjijwe ibitsindo 16. Aigle Noir Cs watsinze Olympic star 3 kuri 1 , Vital’o Fc unganya na Inter stars 1-1 , Ngozi City utsinda Young star 2 ku 0 , Kayanza Utd unganya na Flambeau du centre , Musongati Fc utsindwa na Vision Fc , Rukinzo Fc utahukana amanota ya mbere utsinze Panthère Noir 2 kuri 1 , Muzinga Fc 1 ku 0 bwa Never give up , Messager Ngozi 1-0 Bumamuru Fc .

🔴 Ikirangamisi c’ihiganwa rikuru rya Primus ligue cashizwe ahabona n’ishirahamwe ry’umupira w’amaguru . Ihiganwa rizotangura kuwa 14 Myandagaro 2026 .

🔴 Dukeze Umumenyereza HARINGINGO Francis Mbaya , MUDERI Akbar , Ngongo , Asman NDIKUMANA Abedi… batahukanye igikombe ca CECAFA Kagame Cup 2026 .
fans
AH257

🔴 🔴🟢 Kumugoroba wo kuwa 6 Nyakanga 2026 niho udushimwe tw’imigwi , abakinyi , Umumenyereza bigenjeje neza gusumba abandi mu mwaka w’inkino wa 2025-2026 mubirori ngarukamwaka bitegurwa n’ishirahamwe FFB rifadikanije na Brarudi risanzwe ryitiriwe ihiganwa rikuru ribicishije kukinyobwa ca Primus . Udushimwe twatanzwe n’utu dukurikira :

- HAKIZIMANA Daniel , Umunyegori mwiza yaranze ihiganwa
- ININAHAZWE Radjabu inyuma yo gutorwa nk’umukinyi akiri muto yigenje neza gusumba abandi , uno mwaka niwe yaronse agashimwe k’umukinyi yaranze umwaka
- INEZA Abdi niwe yatahukanye agashimwe k’umukinyi yinjije ibitsindo vyinshi gusumba abandi
- IRAKOZE Abedi niwe yatowe nk’umukinyi muto yaranze ihiganwa
- GIRUMUGISHA Jean Claude yatahukanye agashimwe k’umukinyi akina hanze y’igihugu yarushije abandi kwigaragaza , asanzwe akina muri Al Hilal yo muri Sudan.
- Musongati Fc watahukanye agashimwe k’umugwi waranzwe na Fair Play gusumba iyindi
- Umumenyeshamakuru Tharcisse HARERIMANA hamwe n’umuhisi KANYENKORE Jean Gilbert Kagabo batazira Yaoundé bahawe udushimwe twokubashimira kubikorwa vyiza bakoreye umupira w’amaguru mu Burundi

- ASSUMANI Dieudonne (arbitre central) ,
BIZUMUREMYI Renovat (arbitre assistant) , NIBOGORA Olivier ( arbitre assistant) niyo ´trio’ y’abahagarikizi bigenje neza gusumba abandi .

- Abakinyi 11 baranze ihiganwa ni : Daniel (Vision Fc) , Djuma NZEYIMANA ( Aigle Noir ) , IRAKOZE Beni ( FC) , KAIMBA Stéphane (Aigle Noir) , ICOYITUNGIYE Kevin ( Aigle Noir ) , IRAKOZE Abedi ( Inter star ) , ININAHAZWE Radjabu ( Aigle Noir) , NIBAZONKIZA Saidi ( Vital’o Fc) , Cédric Amissi (Inter star ) , Saidi FATAKI (Aigle Noir ) hamwe na INEZA Abdi (Aigle Noir ) .

Twibukanyeko ivyo birori vyatewe iteka n’uwusanzwe arongoye ishirahamwe FFB Gen de police MUYENGE Alexandre ari kumwe n’abagize inama nshingwabikorwa ya FFB ari kumwe n’umushikaranganji w’inkino n’imicokama Mme Lydia Nsekera hamwe n’abandi batumire b’iteka.
📷DR
Inkomoko burundisport.com

🔴 Rukinzo Fc uzohura na Durban City muri Afrika y’epfo , Aigle Noir Cs uhure na Al Hilal wo muri Sudan usanzwe wakirira mu gihugu c’Urwanda .

Muntango z’ukwezi kwa Nyakanga , igenekerezo rya 5 , umugwi wa Aigle Noir Cs uzokwakira Al Hilal (Sudan) , Durban City uzoba uriko urakira atagihindutse Rukinzo Fc w’i Burundi . Inkino zo gusubiriza zizokinwa hagati y’amagenekerezo ya 11 - 13 Nyakanga 2026 .

Mwakiriye gute rino tombora ?
fans
AH257

🔴 Eagle Day yarangiye imigwi ya Fondation Pax Burundi ariyo itahukanye ibahasha irimwo imiriyoni cumi na zitanu . Musongati Fc na Vision Fc zitahukana imiryoni zitanu umwe umwe .

• Panthère Noir 1-0 Musongati Fc
• Aigle Noir Cs 2-1 Vision Fc .

- Aigle Noir 7.500.000 FBU
- Panthère Noir 7.500.000 FBU
- Musongati Fc 5.000.000 FBU
- Vision Fc 5.000.000 FBU
📷Akezasports
fans
AH257

🔴 Umukinyi w’intamba mu rugamba NDUWARUGIRA Christophe yashize umukono kumasezerano yo gukinira umugwi wa PSS Sleman uheruka kuduga mu cicaro ca mbere muri ico gihugu , yahora akina muri
Borneo Samarinda FC wahejeje ihiganwa ry'icicaro ca mbere mu mwaka uheze uri mu kibanza ca kabiri mu gihugu ca Indonésie.
fans
AH257

🔴 Abagize Fondation Pax Burundi bagiwe imbere n'umukuru w'iyo Fondation hamwe n'abakinyi b'imirwi ya Aigle Noir w'abahungu n'uw'abakobwa na Panthère noire bagendeye kuri uyu wa gatandatu irerero ry'impfuvyi *Uwimana* riri ku murwa mukuru wa Komine Makamba intara ya Burunga.

Sœur arirongoye arashimira abarongoye Fondation Pax Burundi ku kuntu bama bitaho irerero , ati kuva ash*tse mu mabanga yo kurirongoye yarumvise ko Fondation Pax Burundi igiwe imbere n'uwayotanguje Réverien Ndikuriyo yamye afata mu murongo irerero Uwimana.

Akavuga ko muri iryo rerero bakira abana abavyeyi babo bitavye Imana bahejeje kubibaruka, abatawe n'abavyeyi hamwe n'abafise abavyeyi bafise indwara zo mu mutwe, aho babafasha kugera ku myaka itatu bakabona gusubira mu miryango yabo.

Yamenyesheje kandi ko iryo rerero rifise ibibazo bitandukanye bijanye no kubura ivyo gufashisha abo bana batunze, inyubako zidakwiye hamwe n'abana bishika ntibamenye imiryango bavamwo cane cane abatawe n'abavyeyi bakivuka.

Kw'izina rya Fondation Pax Burundi, icegera c'umukuru w'iyo Fondation Général de brigade de Police yamenyesheje ko bagendeye iryo rerero ry'impfuvyi mu ntumbero yo guhimbaza neza umusi wahariwe umurwi wa uhurirana no kuraba ibikorwa vyakozwe na Fondation Pax Burundi mu mwaka urangiye.

Général de brigade de Police Domitien Niyonkuru agatera akamo n'abandi bafise umutima wo gufasha, gufasha abo bana barerewe mw'irerero ry'impfuvyi Uwimana, nayo abarirongoye akabasaba kudacika intege, bagume bafasha ivyo bibondo, abemerera ko Fondation Pax Burundi itazohengeshanya kubaba hafi.

Fondation Pax Burundi ikaba yagiye yitwaje agakemanyi kagizwe n'imfungurwa, imitobe y'abana, amasabune n'impuzu, hamwe n'ibahasha ry'imiriyoni 2 n'ibihumbi amajana atanu.

Bakaba kandi bemereye iryo rerero imiriyoni 10 zizotangwa uko umwaka utashe mu kiringo c'imyaka itatu mu ntumbero yo gufasha abo bana kwiga hamwe no mu bindi vya nkenerwa.

Iryo rerero ry'impfuvyi rikaba ryatangujwe mu mwaka w'1995 ubu rikaba rifise abana 48 bafashwa n'abarezi 12.

Inkomoko : Radio Nderagakura

🔴 Ishirahamwe ry’umupira w’amaguru mu Burundi ryashize ahabona amagenekerezo y´urukino rwa Super Cup ruzokinirwa hamwe n’intango y’ihiganwa rikuru rya Primus ligue .