12/31/2022
#雪道禮儀 #滑雪潛規則
認識好多新朋友都是今年第一次學滑雪，初上雪道既你，有冇諗過有一啲嘅舉動，係會隨時令到自己成為雪場犯眾憎？
如果唔想令人側目，滑雪前一定要睇睇以下我為各位整理既 - 「滑雪潛規則」！
滑雪時的7大討人厭行為，排名不分先後
1. 高速瘋狂爬頭
記住在你前方的滑雪者擁有雪道優先權，最好與前方保持一定距離，如需要爬頭，先確保雪道有足夠空間，因為前方滑雪者難以察覺高速逼近嘅你，如不幸發生意外碰撞， 責任會大部份歸咎於在後方嘅你。而高速地近距離喺別人身邊滑過嘅行為，相當危險亦令人討厭。
2. 無定向喪心病狂式轉向
當你滑在別人前方，滑行軌跡最好”Be Predictable”! 每次大面積橫跨/改變方向滑行嘅時候，"LOOK before you GO"! 如果是因為自己唔理周圍，亂咁轉向而和後方滑雪者發生意外碰撞，前方既你亦會有相當大責任。
3. 得正正喺"道"
滑到攰想坐低抖下無問題！不過千祈唔好坐喺雪道中間或者盲點位置！後面嘅滑雪者會因為咁樣而被迫剎車減速，令人討厭之餘，更可能會因為睇唔到而撞到你！雪道上休息最好靠山邊既雪道兩旁，轉彎位和窄道不宜停留。
4. 成日”撞板“，遲早撞板
排隊等候纜車（chair lift)時，留意自己和前人既距離，不要令自己的雪板板頭有機會碰撞/刮到前方板尾，你永遠不知道其他人有多愛惜自己嘅雪板，此行為對一些人來說相當討厭。亦見過有人為此而大打出手， 大家慎之。
5. 滑雪板，向下剷
無論係一開始準備穿著雪板前，又或者剛剛滑完除低雪板後，都一定要記得將雪板反轉放，用固定器（bindings)嗰一面放係雪地上面！不然，雪板自己滑走執唔返事小，撞到人分分鐘變傷人"武器"事大！Ski 就留意除低咗之後，固定器有無彈起兩條金屬支撐起ski，防止ski溜走。
6. 大地任我行，隨時累親朋
通常雪道是禁止無裝備者入內行走，因為不想行人被滑雪者撞傷。一些雪道入口甚至有機會豎起告示，表示禁止玩toboggan / 無滑雪裝備者。如果大家唔睇清楚就帶咗小朋友入呢啲雪道玩，小心引來側目，或甚至是工作人員的訓斥。
7. 雪道上吞雲吐霧
在雪白美麗的雪道上，不能吸煙是所有滑雪者都遵守嘅潛規則（某國除外）。因為大家都想繼續保持雪地美麗既自然風貌。
如果大家重諗到/遇到有咩滑雪時既討人厭行為，歡迎留言開心share 比大家～😆
#加拿大 #香港
#香港滑雪教練 #加拿大滑雪教練
#開放工作簽証
#加拿大滑雪 #雪山生活 #雪山 #加拿大雪山
#滑雪
#傳雪
10/20/2021
03/27/2020
03/18/2020
02/27/2020
02/21/2020