Quel est le site Web ?

Afghan cricbox

Itinéraire Site Web

دافغانستان او نړۍ دکرکټ په تازه او وخت په وخت معلوماتو لپاره مونږ سره يو ځای شئ🇦🇫

02/10/2026

د افغانستان کرکټ بورډ د بنګله‌دېش او زمبابوې پر وړاندې د ټېسټ سیالیو لپاره د ملي لوبډلې نوملړ اعلان کړ، خو د لوبغاړو انتخاب یو شمېر پوښتنې راپورته کړې دي.
په دې ویډیو کې د افغانستان د ټېسټ لوبډلې پر غوراوي، د مهمو لوبغاړو پر نه شتون، د کورني کرکټ د لوبغاړو پر وړتیاوو او د غوراوي پر معیارونو بحث کوو

01/10/2026

د ۲۰۲۷ نړیوال جام کې د افغانستان د راتلونکو لوبو نېټې معلومې شوې

د ۲۰۲۷ کال د پنځوس اوریز نړیوال جام په سیالیو کې د افغانستان د لوبو مهالوېش هم روښانه شوی دی.

افغانستان به خپله لومړۍ لوبه د اکتوبر په ۸مه دپاکستان دویمه لوبه د اکتوبر په ۱۱مه د زيمبابوې پر وړاندې ترسره کړي.

د افغان لوبډلې درېیمه لوبه د اکتوبر په ۱۴مه د هند پر وړاندې ده، ورپسې به افغانستان د اکتوبر په ۱۸مه له استرالیا سره خپله څلورمه لوبه ترسره کړي.

افغانستان به د ګروپي پړاو په پنځمه لوبه کې د اکتوبر په ۲۱مه د غوراوي پړاو څخه د راغلې یوې لوبډلې پر وړاندې ولوبېږي.

په دې توګه، افغان لوبډله به د ګروپي پړاو په دغو مهمو سیالیو کې له زمبابوې، هند، استرالیا او یوې غوراوي لوبډلې سره مخامخ شي.

01/10/2026

د د ۲۰۲۷ کال نړيوال جام سیالیو د ګروپونو نوملړ اعلان شو!

په الف ګروپ کې افغانستان، هند، پاکستان، استرالیا، زمبابوې او یوه د غوراوي لوبډله شامل دي.

په ب ګروپ کې بیا بنګله‌دېش، انګلستان، سویلي افریقا، سریلانکا، نیوزیلنډ او یوه د غوراوي لوبډله ځای لري.

01/10/2026

رياض حسن په خپله فيسبوک پاڼه کې ليکلې
ښايي د زيمبابوې او بنګله دېش پر وړاندې په سکواډونو کې دنوم نه راتلو له امله يې دغسې څه ليکلې وي.

01/10/2026

د انټرنشنل لیګ په بولۍ کې افغان لوبغاړي؛ صدیق اتل په ۷۰ زره ډالرو واخیستل شو

د متحده عربي اماراتو د انټرنشنل لیګ په بولۍ کې یو شمېر افغان لوبغاړي بېلابېلو لوبډلو واخیستل، په داسې حال کې چې ځینې نور لوبغاړي د بولۍ پر مهال بې‌لوبډلې پاتې شول.

صدیق اتل د دوبۍ کپېټلز لوبډلې له لوري په ۷۰ زره امریکايي ډالرو واخیستل شو. همدارنګه، ګلبدین نایب د ابوظبۍ نایټ رایډرز لوبډلې په ۷۵ زره ډالرو، کریم جنت د دوبۍ کپېټلز لوبډلې په ۴۰ زره ډالرو او ننکیال خروټي د ډیزرټ وایپرز لوبډلې په ۲۸ زره ډالرو واخیستل شول.

دغه راز، دروېش رسولي هم د دوبۍ کپېټلز لوبډلې له لوري په ۱۰ زره امریکايي ډالرو واخیستل شو.

بلخوا، قیس احمد او فریدون داودزي د بولۍ پر مهال د کومې لوبډلې له لوري ونه اخیستل شول او بې‌لوبډلې پاتې شول.

په دې توګه، د انټرنشنل لیګ په بولۍ کې یو شمېر افغان لوبغاړو د بېلابېلو لوبډلو برخه شول او په راتلونکي پړاو کې به د خپلو وړتیاوو د ښودلو فرصت ولري.

01/10/2026

د بنګله‌دېش او زيمبابوې پر وړاندې د افغان کرکټ ملي لوبډلو نوملړونه اعلان شول

د افغانستان کرکټ بورډ د بنګله‌دېش او زيمبابوې پر وړاندې د راتلونکو سیالیو لپاره د ملي لوبډلې نوملړونه په درېیو فارمټونو، ټېسټ، یو ورځنیو او شل اوریزو لوبو کې اعلان کړي دي.

د اعلان شوي مهالوېش له مخې، افغان لوبډله به د اکټوبر په نهمه نېټه د بنګله‌دېش پر وړاندې خپله ټېسټ لوبه ترسره کړي. همدارنګه، د زمبابوې پر وړاندې به په درې اړخیزه یو ورځنۍ لوبلړۍ، درې شل اوریزو او دوو ټېسټ لوبو کې هم ګډون وکړي. د معلوماتو له مخې، دغه سیالۍ به د نومبر په ۱۷مه نېټه د زمبابوې پر وړاندې د ټېسټ لوبلړۍ په وروستۍ لوبه پای ته ورسېږي.

د ټېسټ لوبډلې مشري رحمت شاه ته سپارل شوې ده. په دې لوبډله کې اکرام علي خېل، حشمت‌الله شهیدي، رحمان‌الله ځدراڼ، شاهدالله کمال، صدیق‌الله اتل، یمین احمدزی، قیس احمد او یو شمېر نور لوبغاړي شامل دي. بهیر شاه محبوب، نصیر معروف‌خېل، بلال سمیع او بشیر احمد د احتیاطي لوبغاړو په توګه ټاکل شوي دي.

په یو ورځنیو لوبو کې هم رحمت شاه لوبډلمشر دی او رحمان‌الله ګربز یې مرستیال ټاکل شوی دی. په دې نوملړ کې ابراهیم ځدراڼ، صدیق‌الله اتل، حشمت‌الله شهیدي، عظمت‌الله عمرزی، محمد نبي، راشد خان، الله محمد غضنفر، فضل‌حق فاروقي او نور لوبغاړي شامل دي. قیس احمد احتیاطي لوبغاړی دی.

د شل اوریزو لوبو لوبډلمشري ابراهیم ځدراڼ ته سپارل شوې ده او رحمان‌الله ګربز یې مرستیال دی. په دې لوبډله کې صدیق‌الله اتل، محمد اکرم، نور رحمان، عظمت‌الله عمرزی، راشد خان، مجیب‌الرحمن، نور احمد، فضل‌حق فاروقي، عبدالله احمدزی او فرید احمد ملک هم شامل دي.

01/10/2026

د سویلي افریقا لیګ بولۍ ته پنځه افغان لوبغاړي شارټ‌لېسټ شوي

صدیق اتل، الله‌محمد غضنفر، فضل‌الحق فاروقي، ګلبدین نایب او محمد نبي هغه پنځه افغان لوبغاړي دي چې د سویلي افریقا لیګ د راتلونکي پړاو بولۍ ته شارټ‌لېسټ شوي دي.

د معلوماتو له مخې، د سويلي افريقا لیګ د لوبغاړو بولۍ به دروان کالد اکتوبر په ۷مه ترسره شي، چې په ترڅ کې به د پاتې لوبډلو لپاره د لوبغاړو انتخاب بشپړ شي.

01/10/2026

افغان کرکټ بورډ د ستورو لوبغاړو د ټیسټ لوبو لپاره د قناعت هڅې کوي

افغان کرکټ بورډ هڅه کوي چې یو شمېر مخکښ او ستوري لوبغاړي بېرته ټیسټ لوبو ته وهڅوي. د سرچینو په وینا، د بورډ او ځینو لوبغاړو ترمنځ د لیګونو د محدودولو پر موضوع اختلاف رامنځته شوی، چې له امله یې لوبغاړي د بورډ له وروستیو پرېکړو خوښ نه دي.

ویل کېږي، بورډ غواړي د خبرو له لارې دا اختلافات حل او یاد لوبغاړي د ټیسټ لوبو لپاره بېرته ژمن کړي.

سرچینه:

30/09/2026

هند دويمه لوبډله شوه چې په يو ورځنيو لوبو کې له ۴۰۰ پورته هدف پوره کوي.

30/09/2026

شوبمن ګيل نن دويسټ انډيز پر وړاندې غبرګه سلیزه جوړه کړه او ناټو اوټ پاتې شو.

Adresse

Democratic Republic Of The

Site Web

http://www.lawangeen.com/

Notifications

Soyez le premier à savoir et laissez-nous vous envoyer un courriel lorsque Afghan cricbox publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.