أكاديمية الكابتن لكرة القدم

يا بُني..
هذا الدين كي يصلَ إليك؛ شُج وجه النَّبيﷺ وأدميت قدماه الشريفتان، وضُرِبَ أبو بكرٍ في المَسجد الحرام بالنِّعال، ومُنعَ مصعب بن عمير مِن الطَّعام والشراب، وتَخَشَّفَ جلده تَخشف الحيَّة‏، وكان بلال بن رباح يُوضع في عُنقهِ حبل، ثم يُسلَّم للصبيان كي يجرّوه ، ثمَّ يُضرب بالعصا، وعُذِّب خباب بن الأرت بالنَّار..
يا بُنيّ
هذا دينٌ غالٍ، أتاكَ على أشْلاءِ ناسٍ؛ فلا تكنْ قاسي القلب، فتُفَرِّطَ فيه.

في لعيب إسمه محمود حسن تريزيجية لاعب منتخب مصر حالياً والنادي الأهلي السابق واحترف في عده أندية أوروبية أهمها استون فيلا الانجليزي وامبارح كان كابتن أحمد شوبير مستضيفه عشان يتكلم عن بداياته فقال كلام غريب اوي قال إنه كان من ناشيء النادي الاهلي وأنه كان بيلعب مهاجم وهو طفل صغير لكن بنيته الجسدية الضعيفة جدا في الفترة ديه خلته يتراجع في المراكز فأصبح يلعب تحت رؤوس الحربة وبيكمل كلامه وبيقول أنه قعد حوالي اربع سنين لا يشارك في أي مباراة رسمية بل إنه بيروح التدريب ويتدرب ويمشي ولكن الموضوع زاد سوءا لما مدربه في الفريق كان بيسخر منه في الملعب أثناء التدريب كنوع من الفكاهة عشان يضحك زمايله عليه وهنا تريزيجية قرر أنه يرجع لبلده كفر الشيخ ويسيب النادي الاهلي وكل ده كان عمره اقل من ١٦ سنة وفي الفترة ديه كان بيتمرن في البلد بمفرده لمده ٤ شهور لحد ما أهل بلدته بيستضيفوا أحد كشافي الكرة القطريين ليشاهد بعض المبارايات لعل وعسى يساعد في احتراف اي من لاعبي البلده لكن المفاجأة إن الكشاف بيعجب جدا بتريزيجية ويطلب منه الذهاب لقطر لتجنيسه عشان يكون لاعب في منتخب قطر.

في الفترة ديه كان النادي الاهلي أقال مدرب الناشئين للفئة العمرية اللي كان بيلعب فيها تريزيجية وتم تعيين الكابتن علي ماهر كمدرب للفريق وهنا الكابتن علي ماهر كان بيدرس تقارير سلفه علي لاعبي الفريق لحد ما وقع في أيده تقرير تريزيجية وكان تقرير سيء بدرجة غير معقولة فكابتن علي قال لا يمكن يكون في حد سيء بالطريقة ديه وقال اكيد في حاجة غلط وطلب أنه يشوف تريزيجية تاني.

في الوقت ده كان تريزيجية بيجهز نفسه عشان يسافر لقطر استعدادا لتجنيسه فجاله تليفون من اداري النادي الاهلي وقالوله الكابتن علي ماهر عايز يشوفك فقالهم ده انتوا حتي اخدتوا اللبس بتاعي فعايز يشوفني ليه فقالوله يا سيدي جرب مش هتخسر حاجة فراح وقابل الكابتن علي ماهر وحكي له أنه مسافر قطر عشان يتجنس فالكابتن علي قاله بص انت هتتدرب معايا ١٠ ايام واعتبرهم يا سيدي تأهيل ليك قبل ما تروح قطر فتريزيجيه قاله ماشي وفعلا بدأ التدريب لكن بعد ٥ ايام كابتن علي ماهر جاب عقود احترافيه لتريزيجية وقاله انت مش ماشي من النادي الاهلي ومضاه علي العقود وراح للجهاز الفني بقيادة مانويل جوزيه واتكلم مع مشرف الكورة في الفريق وقاله علي تريزيجية فقاله بس مستر مانويل مش بيحب الناشئين فقالهم طب جربوه فقالوله بس علي شرط يغير مركزه ويلعب خط وسط _ساعتها كان مركزه اللي بيلعب فيه بركات وأبو تريكه وجدو ثم وليد سليمان _ فقالهم ماشي وراح لتريزيجية وقاله انت هتلعب مع الفريق الأول فلو معرفتش تثبت نفسك ورجعوك ليا تاني أنا مش عايزك.

تريزيجية بيكمل حكايته وبيقول أنه مكنش عنده لبس خروج وكان لما بيخرجوا كفريق للعشاء كان بيخرج معاهم "بالترنج الرياضي بتاع الاهلي" وهنا كابتن علي راح له بالليل قبل ما ينضم للفريق الأول واداله فلوس عشان يشتري لبس عشان يبقي زي زمايله لكن تريزيجية رفض فكابتن علي قاله أنا زي ابوك حد بيرفض يأخد من أبوه فلوس وهنا بيقول تريزيجية أن لولا الكابتن علي ماهر واللي عمله معاه مكنش تريزيجية هيكون لاعب في منتخب مصر بالأساس.

القصة اللي فاتت ديه تعلمنا شويه حاجات وهي انك طول ما انت بتجتهد وبتسعي لازم توصل حتي ولو في ناس بتحاول توقفك.. الشيء الآخر أن أحياناً كتيرة ربنا بيوقفلك ولاد الحلال في سكتك بدون واسطة وبدون اي شئ لسبب بسيط إن هي ديه إرادة ربنا وانت لك نصيب فعشان كده سخر حد زي الكابتن علي ماهر يقرأ التقرير ويفكر ويقول إنه مش منطقي أن شخص واحد بكل هذا السوء ويفضل يلعب داخل الاهلي في قطاع الناشئين لمدة ١٠ سنين فأكيد في حاجة غلط وبالمناسبة علي ماهر بلغة الإدارة مدير شاطر لأنه بيلاحظ ويدقق ويتقصي الحقائق وبيعرف كمان يحتوي اللي قدامه.

السلام عليكم ورحمة الله وبركاته
بإذن الله التدريب يوم الخميس القادم الساعة 06:00 مساء
نظرا لوجود مباراة الاهلي والزمالك فى نفس اليوم الساعة 08:30 مساء

كل عام وانتم بخير 😍😍
رمضان كريم
اعاده الله عليكم بالخير واليمن والبركات

صحة نفسية :
تمرين بسيط كالمشي مع صديقٍ يُعتبر أفضل للحالة المزاجية من أدوية الاكتئاب

الاسبوع دة الاسطورة محمد صلاح ❤️ اتكفل بجميع تكاليف زواج اهل قريته اللي معندهمش القدرة الماديه للزواح " واللي بلغت اجمالي 4 مليون و500 الف بواقع 70 عريس وعروسة.
طبعا دة غير جهاز لسرطان العظام ب12 مليون جنيه و7 مليون لمعهد ديني و5 مليون لمستشفي طنطا و5 مليون للبنية التحتية في شوارع طنطا ده غير مرتبات شهريه لمحتاجين وكل هدف بيحرزه بيدبح عجول وغير انه عامل جمعية صلاح الخيريه اللي بتساعد 3000 محتاج شهريا بالاضافة اللي 31 سماعة أذن متطورة من المانيا قيمة الواحدة ب50 الف لأطفال قريته اللي بيعانوا من الصم. غير 17 حالة في انجلترا اعلنوا اسلامهم اقتداء باخلاقة وروحة اللي بيظهر فيها تعاليم الاسلام الحنيف واالي هما قالوا الكلام دة بنفسهم علي صفحاتهم الشخصية. النهاردة نادي ليفربول اعلن عن القيمة التسويقية المحتملة لانتقالات محمد صلا الصيف المقبل 250 مليون يورو اى ما يعادل المليارات بالجنيه المصرى. ،"طبعا هو مش بينشر ولا بيقول حاجة عن الخير اللي بيعملة لكن المؤسسات هي اللي بتقول عشان تشجع الناس يتعاونوا معاهم.
فعلا الخلق الادب بيتجمعوا فية وربنا يكرمة بكل حسنة بيعملها.
_____________
عن أنس بن مالك قال : قال رسول الله صلى الله عليه وسلم : يتّبع الميت ثلاثة ، فيرجع اثنان ويبقى واحد : يتبعه أهله ، وماله ، وعمله ، فيرجع أهله وماله ، ويبقى عمله
صدق رسول الله صلي الله عليه وسلم

الفرق بين حسن التربية وسوء التربية مقطع ولا اروع لا يفوووتكم الفرق بين حسن التربية وسوء التربية مقطع ولا اروع لا يفوووتكم

Fight To Your Dream 💪👌👊✊