隊長VL Captain VL

#百登加購

今日有百登試路出席者問我COROS手錶嘅意見，我俾佢哋既意見係…行山跑山既朋友，揀NOMAD或者APEX4吧！ 有內置地圖。

講靚仔一定係APEX4
講抵用一定係NOMAD

有朋友仔問地圖既下截問題…
我用咗咁耐，帶過佢去馬來西亞，日本，台灣，尼泊爾行山，基本上都唔使刻意update地圖都位置準確。

而有關百登加購發貨既安排，9月14日之前收到嘅加購訂單，預計約在9月16日可以寄出。

📣呢個加購優惠，適用於百登參加者及CAPTAIN VL Channel觀眾

#香港百登
#百登4

我有句口頭禪！
有緣就會山上遇見！
今日香港百登試路遇到好多朋友呀！

有好多年冇見嘅海外跑步腳
有清徑先鋒既一班朋友仔
又有三級山藝班嘅同學
仲有海外登山體驗班嘅同學仔一齊嚟玩！😃

一班人嘻嘻哈哈完成咗
可能係百登入邊最容易嘅一條路線
鱷蓮石下四登

多謝同學仔同我哋示範打卡！

因為天氣不穩冇出現嘅朋友仔唔緊要！
記得把握最後兩天嘅早鳥優惠期報名，
百登名冊100座山峰等你體驗😉

#香港百登
#百登試路
#百登3

#百登試路

今日嚟玩百登試路既朋友
準時9:30起步！
逾時不後

唔好遲呀！
真係遲咗既…
就沿鱷魚朝天方向搵我哋啦！
唔知點去鱷魚朝天？

咁就快啲出門口，唔好遲喇！

#有感而發不喜勿插

早兩日有一筆銀行過數唔成功、
之後叫聯絡銀行
聯絡後完來係銀行既防騙部門
傾咗接受20分鐘先成功解封

溝通過程大約係睇吓你有無被騙引導去過數，
包括問你有無接收過一啲叫你驗證身份既電話或短訊，感覺就好似係佢當我係一個可以會被騙既老人家….😅

我全程配合，甚至讚賞銀行既做法！
坦白講！依家既騙徒太利害喇！
轉數差啲都會中計
陌生來電，基本上已經全部唔會聽！
呢個把關是相當之好的👍

…

如是者第二日，收到一個陌生來電
由於預期有陌生來電搵我
所以我接咗…
同一間銀行來電俾我，
話我尋有一筆轉賬懷疑有問題hold住咗！
叫我俾資料佢，同佢確認身份…

回想返琴日的確有條數過唔到，
（但已經處理）
心底裏亦都相信佢係銀行打嚟嘅！
但我同佢講…
尋日你同事先叫我唔好同陌生來電進行身份確認，
你今日用陌生電話號碼嚟同我做身份確認，
呢個防騙功能係咪有啲問題呢？😅

我同佢講…
我有確定身份嘅電話號碼，
有確定身份嘅電郵
有確定身份嘅App
你哋係咪可以用呢啲途徑同我做雙重身份確定呢？
而唔係用一個陌生電話叫我同你做身份確認！

佢之後先有啲尷尬咁同我講，
話同我喺app度做身份確認！

結論係…
政府或公營機構，好似做咗好多嘢去防騙！
但其實仲有好多優化空間！
例如早前好多政府做係用三字頭電話號碼，但偏偏騙徒又係用三字頭電話號碼，係咪真係政府部門冇辦法特定一個電話號碼字頭呢？

今時今日，打個電話行騙好過揸槍去搶
千祈唔好自以為自己年輕就會俾人呃！

#呃好過搶

第三屆百登宴
簡單記錄咗開心既畫面！
最緊要好玩😉

見到自己記得俾個like呀！😉

20:00去片

#香港百登

紀念品派發時有朋友話…

心大心細唔知未決定報14D挑戰定8個月…

簡單既意見係…
8個月組別可以視為郊遊組…
用8個月限期定立一個百登目標
達標（35登或以上）及完成100登將獲頒發紀念品。

14D可視作為挑戰組
在兩個月限時，自選14日進行挑戰
同樣…達標（35登或以上）及完成100登會獲開發紀念品。
而表現優異的參加者（分男女組別，如組別多於五人，首三名優異者將獲由LaSportiva送出的紀念品，如組別少於五人參加，首名優異者將獲由LaSportiva送出的紀念品

96hr百登連走 則為終極挑戰
同樣…達標（35登或以上）及完成100登會獲開發紀念品。
而表現優異的參加者（分男女組別，如組別多於五人，首三名優異者將獲由LaSportiva送出的紀念品，如組別少於五人參加，首名優異者將獲由LaSportiva送出的紀念品。

早鳥優惠至8月31日
活動詳情及報名連結喺留言區

當我拎出BUFF幅同Osprey既背囊出嚟既時間,
大家既歡迎聲大到呢...

兩個品牌都係自己界別入邊嘅翹楚,
感謝Re:echo既全力支持
除咗送出禮物抽獎之外, 又送出圍獎, 兼為每位出席百登宴既朋友提供共值$100的折扣優惠.

此外更為百登提供咗幾款優質既產品加購,
包括兩個SET既Osprey背囊
Re:echo既行山長褲
BUFF既5 Panel Go Cap帽

9月12日前既加購, 可於約9月14日收到通知領取, 啱用既就把握折扣優惠喇!

#香港百登
#百登宴
#百登加購
#理性消費

第三屆香港百登完結了

要係[保留]與[改變]後間作決定唔係一個容易既決定.
原有既可能大家鍾意想KEEP
亦有人想有啲新意.🧐

百登既完成紀念品, 一直都係以一件儀式感, 一件實用性去作安排

三屆既完成品
第一屆係 刻名獎牌+完成TEE
第二屆係 水晶獎座證書+完成TEE
第三屆係 水晶三角網測站完成獎座+完成風褸

有啲拎完成品既朋友仔話都係上年既水晶獎座證書靚啲...😅

去到第四屆...
完成紀念品將會回復水晶獎座證書+完成衛衣.

我相信下年派發既時後, 又會有朋友仔話, 都係上年既水晶三角網測站完成獎座特別啲!

呢幾日大家既意見(包括申報表內既意見) , 我收到哂既...
其中有啲跳咗屆無玩第三屆既朋友, 希望可以補購水晶三角網測站水晶,
又或者問可唔可以第三屆既電子證書自費做回水晶獎座...
我哋先研究吓可行性先,
做到既盡量滿足大家吧!🙏🏼

最緊要大家玩得投入, 玩得開心.💪🏼

新嘅年度 期待大家繼續
跨越山峰，超越自我

#香港百登
#儀式感

一連三日既百登3紀念品派發期完結喇！
每次物資派發雖然有啲攰，
但可以同參加既朋友傾兩句影張相，
係好開心既…
難得大家支持！
攰啲都係值得

聽到你哋話俾我知連續玩咗三屆，第四屆見！推動力即刻返哂喇！

百登唔只係一個自我挑戰
亦都係一個年度登山計劃

百登4
11月1日見

#香港百登