Sports Association "Motion"

🏆 PËRMBLEDHJE – TURNETË E DYTË “LUGINA 2026” ⚽️

Me shumë sukses përmbyllëm Turneun e Dytë “Lugina 2026”, në një ditë të ngjeshur dhe maratonike, të mbushur me emocione, sportivitet dhe momente të paharrueshme.

Në këtë organizim u përfshinë rreth 150 nxënës nga Presheva dhe mërgata, të cilët përmes futbollit krijuan miqësi të reja, përjetuan emocione të veçanta dhe, përmes një rivaliteti të shëndetshëm e në frymën e Fair Play, shfaqën talentin dhe potencialin e tyre.

🙏 Një falënderim i veçantë për Federatën e Futbollit të Kosovës, për mbështetjen dhe kontributin e tyre, si dhe për mundësimin e medaljeve dhe trofeve për ekipet fituese.

👏 Falënderojmë gjithashtu numrin e konsiderueshëm të prindërve që ishin të pranishëm dhe me mbështetjen e tyre e bënë këtë organizim edhe më të bukur dhe më të veçantë për fëmijët tanë.

⚽️ Futbolli na bashkon, krijon miqësi dhe ndërton të ardhmen!

Me respekt,
Shoqata Sportive “Lëvizja”

Urime për mandatin e ardhshëm të Presidentit Armand Duka! ⚽🇦🇱

Ky besim i radhës në drejtimin e Federata Shqiptare e Futbollit është dëshmi e punës, përkushtimit dhe vizionit për zhvillimin e futbollit shqiptar në të gjitha nivelet.

Në emër të Shoqata Sportive Lëvizja, ju urojmë suksese të vazhdueshme, projekte të reja dhe arritje edhe më të mëdha për futbollin dhe të rinjtë tanë në vitet që vijnë.Së bashku për një të ardhme më të fortë të sportit! 🤝⚽