Pombal Burkan - BPRC

Alguns buador.

0005725CV-17 "Turbo" na kaza!

Alguns yearling y otus menus nobu.

Almost there...

Dja sta! 65 ponba di Praia y Somada insestadu pa kel ki nu kuda ma ta serba serba 1° nasional di kolunbofilia na Kabu Verdi.
Infilismenti nu ka konsigi fazel kontisi, djuntu ku kolunbofilu di Mindelu, y nu disidi na ranka ku nos prova rijional di Santiagu.
8 kolunbofilu, 65 ponba spirienti ta tenta manhan, 29 di maiu, kel trabisia rei di difisil di 200 km di mar ki ten di ilia di Sal pa ilia di Santiagu.
Nu ta spera ma sorti ta sta di ses ladu y ma es ta konsigi fazel na 2 ora y 40 minutu sima nu ta kre ;) y m'es ka ta ben na dia siginti sima ta kustuma kontisi... afinal, nu sta largas na barku pa tentason ka das di ba pasia na tera...
Korida e tafu, kel prova mas difisil ki nu ten, inda.
Alea jacta est!

Sábadu dia 29 di maiu ta kontisi 1° prova nasional di rizistensia Sal 2021, undi ta bai konpiti pa primeru bes djuntu, kolunbófilu di Mindelu, Praia y Somada, na kel ki e prova mas tafu di nos kolunbofilia di mar.

Difisil, nau pamodi distansia, ki e "so" 215 km mas pa dureza konxedu des korida, ki ta iziji koraji y kapasidadi di nos ponba, pa larga siguransa di tera firmi y po rostu pa kaza.

Es korida e un korida undi uns 5% di atleta, si tantu, ta mostra ma bali! Konstatason ta kontisi kuazi senpri na palmanhan di 2° dia.

Ponbal Burkan debi partisipa ku 2 o 3 atleta, tantu na trajetu Sal - Praia, komu na Sal - Mindelu. Dja nu sta kuazi tudu filadu, sta faltanu so garanti kel avion pa sesta-fera, di parti di asosiasons di Santiagu.

Mas atualizason mas pa frenti.