08/11/2024
Di 1 pa 3 di November, e di 7 stop di NORCECA Beach Volleyball Tournament a tuma luga na kompleks Rudy Boezem na Boneiru, kaminda 23 tim di nuebe pais a kompetí. Tanto tim nan di hòmber komo di muhé di Kòrsou a mustra un aktuashon impresionante!
Posishon Final pa Hòmber:
Medaya di Oro: Jake Urrutia/Wyatt Harrison (USA)
Medaya di Plata: Jake MacNeil/Arran Chambers (CAN)
Medaya di Brons: Martin Licht/Luke de Greef (CAN)
Posishon Final pa Muhé:
Medaya di Oro: Carly Kan/Devanne Sours (USA)
Medaya di Plata: Jade Race/Kaely Crews (USA)
Medaya di Brons: Anna Licht/Dana Roskic (CAN)
Algun informashon kon a bai ku e tim nan di Kòrsou:
Tim di Muhé: Lakisha Hous/Dyveke Brugman
Lakisha i Dyveke a mustra bon teamwork i persistensia! Nan a hasi un esfuerso grandi pa pasa Pool C, enfrentando kompetensia duru. Ounke nan a pèrdè kontra Kan/Sours di USA (6-21, 8-21), nan a logra gana kontra tim di Boneiru, Morales/Arteaga 2-0 (21-9, 21-6).
Den quarter finals, nan a enfrenta Roskic/Licht di Canada pero aki nan a pèrdè 0-2 (8-21, 8-21).
Lakisha i Dyveke a finalisá na di 6 luga, despues di un viktoria 2-1 (21-15, 19-21, 15-11) kontra Charles/Richards di Trinidad i Tobago.
Tim di Hòmber: Ethwinson Luis/Dimanche Elsevijf
Ethwinson i Dimanche a kompetí den Pool C, enfrentando timnan hopi fuerte. Nan a start ku un komienso difísil i a pèrdè kontra Leonardo/Garcia di Guatemala (13-21, 11-21) i Clements/Bucklin di U.S. Virgin Islands (14-21, 12-21).
Apesar di esakinan, nan a kontinua luchando den ronda di klasifikashon, eventualmente ganando kontra Montenegro/Mejía di Boneiru 2-0 (21-15, 21-11). Ethwinson i Dimanche a finalisá na lugar 11.
E torneo di NORCECA aki a saká e miho talento di e región i ta emoshonante pa wak Kòrsou su representashon. Nos ta hopi orguyoso di nos atleta nan di Kòrsou pa nan trabou duro i teamwork!
