30/10/2018
Transformation Tuesday :
Meet Ismael a.k.a ISH 🦁
His results are one to be proud off. Keep it going bro💪🏽 Persistence🚀
Mi nòmber ta Ismael, pero mayoría persona konosé mi komo 'Ish'. Anto mayoría persona ku konosé mi sa bon bon di mi amor pa komementu. Na kuminsamentu di e aña aki, mi tabata sinti mi mes hopi fadá di ta gordo i mi a disidí di trese un kambio na esaki. Dia 29 di yanüari 2018 mi a disidí di inskribí na e workout training di Personal Training Curacao pa mi trese un kambio na esaki. Min tei gañá bo, e promé siman tabata hopi duru pa move ku tur e vètnan na mi kurpa ei pero tiki tiki mi a kuminsa kai den drive i tambe mi a kuminsa ahustá mi komementu.
E sistema di fitness, e atenshon i e motivashon ku bo ta haña di e trainer nan di Personal Training Curacao ta pone ku bo no por keda gordo. Tur dia den siman e trainer ta prepará ehersisionan adaptá ku tur hende por partisipá I mientras ku bo físiko ta mehorando, lo bo por level-up I kuminsa hasi ehersisio nan ku ta mas intensivo.
Fast forward 9 luna, mi a mira kambio drástiko. No solamente na mi físiko, pero tambe na mi estado mental pa no give up ni maske kon fasil ta mustra pa entregá. Na kuminsamentu ta duru pa motivá bo mes, pero despues bo kurpa mes ta kuminsa pidi pa bai gym i e ta kuminsa bira mas fasil. Bo mes por mira e kambio riba e potrèt nan, anto mind you, mi no a sigui ningun plan di diëta. Simpelmente mi a adaptá mi manera di kome. Unikó kos ku mi ta haña ta un lastima ta ku mi no a pisa mi mes na inisio di e trayektoria pero mi ta kere ku ta safe pa bisa ku mi a baha sigur 15+ kilo i ku mi ta spera di por baha mas ora ku mi bai kuminsa ku e meal plan tambe.
Nunka mi por a pensa ku mi lo por stop di kome manera mi tabata kome, pero mi kier bisa bo ku si ami por bo tambe por. Komementu ta dushi, pero ta mas dushi ainda ora bo por kore 5-10 minüt sin stop.
