About.recruiting

10/09/2026

Makro va mikro — bu ikki xil dunyo.
Ko‘pchilik davlat darajasidagi yangilikni o‘qib, darrov o‘ziga oladi: „Germaniya qonunni o‘zgartiribdi, endi men ham tugadim“ yoki „endi hammasi oson bo‘ladi“.
Yo‘q. Davlat miqyosida nimadur o‘zgarsa, sizning shaxsiy sharoitingiz ham avtomatik o‘zgarishi kerak degani emas.
Makroiqtisod — bu umumiy rasm: qonunlar, islohotlar, statistika, siyosat.
Mikroiqtisod — bu sizning holatingiz: hujjatlaringiz, til darajangiz, tajribangiz, oilaviy vaziyatingiz, qaysi shaharda, qaysi ish beruvchi bilan ishlayotganingiz.
Germaniyadagi loyihalar va islohotlar ham xuddi shunday. Qonun o‘zgardi — bu sizga tegishli degani emas. Har bir qonun shaxsiy sharoitingiz va holatingizdan kelib chiqqan holda qo‘llaniladi. Bir odamga eshik ochiladi, boshqasiga hech narsa o‘zgarmaydi — ikkalasi ham bir xil yangilikni o‘qigan bo‘lsa ham.
Shuning uchun sarlavhaga emas, o‘z holatingizga qarang. Yangilikni o‘qing, lekin xulosani o‘zingizga moslab chiqaring. Yoki chiqara oladigan odamdan so‘rang.
Makro — rasm. Mikro — sizning hayotingiz. Qaror mikroda qabul qilinadi.

05/09/2026

Buni afsuski alhamdulilah kech bo‘lsa ham o‘rgandim.

04/09/2026

Siz o’z yurtingizdan olib kelgan qobiliyatlaringiz yangi jamiyat uchun yutuq bo’ladi va sizga ustunlik beradi.
Muzaffar Nuritdinkhodjaev - Xalqaro tadbirkor

29/08/2026

‼️ Videoda ataylab “joriy etdi” deb aytdim.

Sababi — Germaniya hukumati Pensiya komissiyasining tavsiyalarini to‘liq amalga oshirishini rasman e’lon qildi. Hozirgacha ham bu yo‘nalishdagi takliflar izchil qabul qilinib kelinmoqda. Shu sababli bu tartibning joriy etilish ehtimoli juda yuqori. Agar amalga oshmasa, albatta, biz faqat xursand bo‘lamiz.

Rejaga ko‘ra, yangi tartib eng erta 2027-yildan kuchga kirishi mumkin. Belgilangan sanadan keyin tadbirkorlik faoliyatini boshlaganlar Germaniya davlat pensiya tizimiga — GRVga majburiy kiritilishi ko‘zda tutilmoqda.

Bu nimani anglatadi?

— dastlabki uch yil oyiga taxminan 367 € miqdorida yarim badal;
— undan keyin oyiga taxminan 735 € miqdorida to‘liq badal;
— avvaldan tadbirkorlik qilayotganlarga esa tizimdan chiqish — Opt-out imkoniyati berilishi rejalashtirilgan.

Muhim aniqlik: yakuniy qonun, uning aniq boshlanish sanasi va badal miqdorlari hali Bundestag tomonidan tasdiqlanmagan. Lekin Germaniyada tadbirkorlik boshlashni rejalashtirayotganlar bu ehtimoliy xarajatni hozirdanoq moliyaviy rejasiga kiritib qo‘ygani ma’qul.

Germaniyada biznes boshlamoqchi bo‘lgan tanishingizga yuboring.

🇩🇪

29/08/2026

Venezia - dunyoda eng ko’p “hype” qilingan shaharlardan biri.

28/08/2026

28/08/2026

Italiya — tarixi qanchalik achchiq, og‘ir va bahsli bo‘lmasin, uni yaxshi biladi, taniydi va tan oladi. Tarixiy obidalarini buzib tashlamaydi, o‘tmishini yashirishga yoki undan qochishga urinmaydi.

Germaniyaga o‘xshab o‘z tarixidan doimiy ravishda uyalib yashamaydi. Lekin bu o‘tmishda sodir bo‘lgan xatolarni oqlaydi yoki ularni yana takrorlashni istaydi, degani emas. Aksincha, Italiya o‘z tarixini saqlab qolgan holda, undan saboq chiqarishga harakat qiladi.

Menimcha, tarix bilan munosabat shunday bo‘lishi kerak: uni yashirmaslik, o‘chirib tashlamaslik va faqat qulay bo‘lgan qismlarinigina ko‘rsatmaslik kerak. Yaxshi sahifalarini ham, og‘riqli va uyatli sahifalarini ham tan olish lozim.

Chunki tarixni tan olish — undagi barcha ishlarni qo‘llab-quvvatlash degani emas. Tarixni saqlash — o‘tmishni qaytarishga intilish ham emas. Bu shunchaki: “Ha, bu ham bizning tariximizda bo‘lgan. Biz uni bilamiz, tan olamiz va qayta takrorlamaymiz”, deya olishdir.

O‘z tarixini bilmagan yoki undan butunlay voz kechgan jamiyat o‘sha xatolarni boshqa ko‘rinishda yana takrorlashi mumkin. Tarixdan uyalib qochish emas, unga tik qarab, to‘g‘ri xulosa chiqarish muhim.

Chunki yetuk xalq o‘z tarixining faqat chiroyli sahifalarini emas, achchiq haqiqatlarini ham ko‘tara oladi.

28/08/2026

Rejalar o‘zgaradi, tamoyillar esa qoladi.

Hayotda ham, biznesda ham hamma narsa biz o‘ylagandek bo‘lavermaydi. Ba’zan yo‘limiz o‘zgaradi, ba’zan maqsadga yetish uchun boshqa yo‘l tanlaymiz.

Lekin bir narsa o‘zgarmasligi kerak: insonning o‘z tamoyillari.

Halollik. Va’daga sodiqlik. Odamlarga hurmat. Ishga mas’uliyat.

Aynan mana shu qadriyatlar qiyin paytlarda to‘g‘ri qaror qabul qilishga yordam beradi.

Rejani vaziyatga qarab o‘zgartirish mumkin. Ammo tamoyillarni manfaatga qarab o‘zgartirish — o‘zligini yo‘qotishdir.

Siz uchun qaysi tamoyillar hech qachon o‘zgarmaydi?