21/09/2026
د لغمان ولایت قرغیو ولسوالۍ له ورزشي کلبونو سره د ورزشي وسایلو مرسته وشوه
د لغمان ولایت بدني روزنې او ورزش ادارې په همکارۍ او د ځلانده ستورو پلورنځي د بنسټګر استاد محمد شعیب ځلاند له لوري، د قرغیو ولسوالۍ اړوند یو شمېر ورزشي کلبونو ته د اړتیا وړ ورزشي وسایلو او تجهیزاتو مرسته وشوه.
په دې مرسته کې ورزشي لباسونه او یو شمېر نور اړین ورزشي وسایل شامل وو، چې د لغمان ولایت د ورزشي ادارې د ولسوالیو ورزشي مدیر استاد پهلوان سمسور افضلي او د ځلانده ستورو پلورنځي بنسټګر استاد محمد شعیب ځلاند له لوري په رسمي ډول اړوندو ورزشي کلبونو ته ووېشل شول.
د ځلانده ستورو پلورنځي بنسټګر استاد محمد شعیب ځلاند د ورزش او ورزشکارانو د ملاتړ په برخه کې د خپلو همکاریو د دوام ډاډ ورکړ او ویې ویل، چې د ورزشي کلبونو او ورزشکارانو د ملاتړ دا لړۍ به تر ډېره دوام ولري.
د لغمان ولایت ورزشي اداره د ځلانده ستورو پلورنځي له مشرتابه او بنسټګر استاد محمد شعیب ځلاند څخه د دې ارزښتمنې مرستې او د ورزشکارانو د ملاتړ له امله د زړه له کومې مننه او قدرداني کوي او په راتلونکي کې د لا ډېرو همکاریو او ملاتړ هیله لري.
په درنښت
د لغمان ولایت بدني روزنې او ورزش اداره
