Everything of Manchester United

1:0 Casemiro

宣佈離開之後又持續交出好表現，真係有啲唔捨得佢走

臨返香港前路過 今次可以叫下😂

去德國出trip 途經 London 咁岩有波睇
忍痛買黃牛入場但要喬裝坐home end扮阿仙奴球迷

對比數冇抱太大期望既情況下居然係失波先既情況下拎3分走真係有d喜出望外

但成程要幫對家打氣加尾段要忍笑真係差d搞到我精神分裂
好彩2 球世界波入得太靚個下俾唔到反應 如果唔係實奶野

依家球隊個氣氛勁似ole 岩岩接管球隊個時
唔知有冇機5連勝可以俾個爆炸頭剪下頭髮？😂

C朗加盟之後個季我先開始有渠道睇波
其實個時我鍾意阿倫史密夫多啲 靚仔金髮又熱血
後來睇多左C朗多就覺得佢踢法似我
經常性上網download佢啲球王片出嚟J 就開始迷上佢

由黃毛小子毛都未出齊挑戰加度素馬甸尼失敗 到去到0506嗰年下半季開始識得踢波 有次連續3場入2球又入遠射 最震撼個畫面應該係聯賽杯決賽入波除衫慶祝大隻到癲

經歷埋零六年世界盃之後大熟大勇
連續三年幫曼聯贏英超加一次歐聯

雖然最後敵不過皇馬引誘離開咗曼聯
但咁多年來凡係有啲咩比賽我都會好留意住佢 特別係國家隊

2020 佢返曼聯個時可以話係歷史上最轟動嘅轉會
本身2021年我同老婆去honeymoon trip時終於可以有機會喺奥脱福睇到佢踢波

可惜因為球隊管理不善老細又仆街 搞到佢都走埋 係我既一個小小遺憾

到佢去咗沙地阿拉伯，我都唔知道自己有冇咁嘅恆心去到咁遠睇佢踢波 所以以為以後都冇機會

今次呢個奇幻旅程可以話係計劃過既旅程最短嘅一次

本着一個心態就係依家唔去睇以後都冇機會 心入邊講結果唔緊要，但其實都好怕會輸 幻想唔到佢加Bruno 又輸 但真係好想可以係佢退休之前再睇一次 順便支持Bruno

見住佢國家隊着17號比費高帶住
到佢接棒7號之後做埋隊長 雖然一開頭覺得佢做隊格格不入
到之後carry成隊波 2016年歐國盃決賽傷出緊張嗰個教練
2019年贏埋歐國聯 之後失落世界盃 嗰時就諗唔知道佢仲有冇機會同葡萄牙一齊捧杯

雖然今場佢踢唔足 但以40歲之齡 仍然可以係一場咁高質素嘅比賽入邊帶領球隊同埋入波 除咗寫個服字我唔知可以講咩

雖然球場入邊好多非葡萄牙球迷但其實成個場好多人都為佢打氣

咁多年來佢真係成熟咗好多 比着以往佢一定會夾硬嚟
追和個時佢冇嘥時間去做慶祝 叫各位冷靜啲有佢喺度
到佢傷出將對隊長臂章交俾Bruno
最後慶祝到尾聲時遠處望住呢班新一代瘋狂慶祝 唔會去搶鏡頭

老土d講真係睇住佢成長
雖然佢既故事未完 但能夠現場見證呢一幕 真係有今生 無來世

學其他人話齋 波 真係要現場睇

終於有機會親身黎

Feb 6th 1958

Lest we forget

距離Nations League Final 仲有8個鐘開波

今次決定黎睇加confirm 所有野只有幾個鐘（全靠老婆安排好屋企所有野)

冇諗過係C朗退休前 有機會可以現場睇到佢一次 加上Bruno 留隊令我黎睇既決心更加大

西班牙隊波好強 唔會對葡萄牙抱有太大期望 仲係想好好享受同欣賞C朗係場上既最後時光🤞🏻

My Captain 嗚啊

雖然以往都有機會係唔同地方入場睇曼聯
但係係香港睇係第一次
聽到勁多球迷(好多鬼佬)識咁多chant係咁唱
聽到我起雞皮 成場氣氛都好好 每個人都好享受成場波既每一分鐘 所有球迷都為2隊波打氣 唔似得係外國睇波咁多遊客湊熱鬧 玩電話 發夢

最估唔到係居然能夠係呢隊幾十年黎最唔似曼聯 最低迷 成績最差 最多問題既時候 仍然有33000人入場支持 真係好感動

細個受99年加三冠王熱潮影響而被默認設定左支持曼聯 但真正睇波係網上有live stream時先開始 第一場睇既係04年足總盃對阿仙奴Scholes 射失輸左 成場波大概只睇到10分鐘唔lag 又會郁既畫面 之後開始係電視睇到就係亞視播歐冠盃 曼聯分組賽出局既2005-06球季 後來live stream技術同寬頻速度都成熟好多 06-07開始已經可以場場都睇到 經歷左06-07 , 07-08, 08-09幾季風光之後 到左10-11就去左英國讀書 12-13睇住費sir 退落黎 13-14 黑暗時代正式開始 浮浮沉沉 贏過幾隻盃 換左幾個領隊 工作左幾年既我終於有經濟能力 畢業後4年終於返返英國入場睇波 the rest is history

無論隊波幾柒 身處任何地方 做緊乜野 只要有曼聯既比賽 都會係自己既生理時鐘入面自動加插左一件行動事項 我成個床下底都係曼聯波衫 成屋都擺住大大小小同曼聯有關既野 公司個位都擺住奧脫福既掛畫 我個女都(被迫)成日著曼聯波衫

每個曼聯迷都用緊唔同方式支持緊 電視前面支持既有 飛十9幾個鐘去睇既又有 鍾意到移民左去Manchester住既都有

有平和 有偏激 有理性 有盲目 講到尾
講到尾 無論用咩方法 仲支持緊曼聯 仲會三更半夜睇西波 仲會入場睇既 都值得respect

支持曼聯已經成為一種習慣 係人生中不可或缺既事
個句咩君臨天下東山再起太老土我講唔出

我淨係想快d開季有波睇🙏🙏🙏🙏🙏

開咗波先行到上嚟

隊波越低迷越想入場睇