Nepali Brothers Copenhagen

Team- Nepali Brothers- NVA cup 2026

Team Volleyball NVA Cup, 2026 Copenhagen

पत्याउनै पनि गार्हो भैरहेको छ!!!
भावपुर्ण श्रदान्जल़ी रामचन्द्रजी ! आत्माको चिर शान्ति को कामना । संधै संधै ह्रदयमै रहि रहनु हुनेछ 😢💐🙏

शोक सन्देश तथा अन्तिम बिदाइ कार्यक्रम

आदरणीय श्री रामचन्द्र पाठकप्रति हार्दिक श्रद्धाञ्जली !

डेनमार्कमा नेपाली समाज र संस्थाहरू को हितमा अतुलनीय योगदान पुर्याउनुभएका रामचन्द्र पाठकज्यूको निधनको खबरले हामी स्तब्ध तथा मर्माहत छौं । उहाँले नेपाली समाज डेनमार्कलाई सुदृढ बनाउन र डेनमार्कमा रहेको नेपाली समुदायको उत्थानका लागि अथक प्रयास, कुशल नेतृत्व तथा जीवनको महत्वपूर्ण समय समर्पण गर्नुभयो । उहाँको योगदान सधैँ स्मरणीय रहनेछ ।

दिवंगत आत्माको चिर शान्तिको कामना गर्दै शोकाकुल परिवारप्रति गहिरो समवेदना प्रकट गर्दछौं ।

उहाँप्रति अन्तिम सम्मान अर्पण गर्न आयोजित अन्तिम बिदाइ (श्रद्धाञ्जली सभा) मा उपस्थितिका लागि सम्पूर्ण शुभचिन्तक, सङ्घसंस्थाका प्रतिनिधि तथा समुदायका सदस्यहरूमा हार्दिक अनुरोध गरिन्छ ।

मिति: २०२६ मे ९ (२०८३ बैशाख २६), शनिबार
समय: बिहान ११:०० बजे
स्थान: Glostrup Krematorium Kapel
Gamle Landevej 1
2600 Glostrup
Denmark

कृपया निर्धारित समयमा उपस्थित भई पाठकज्यूप्रति श्रद्धाञ्जली अर्पण गरिदिनुहुन हार्दिक अपिल गर्दछौं ।

Proud moment for Team Nepali Sisters 🇳🇵💪

To all our amazing players — you didn’t just play matches, you showed heart, unity, and true team spirit on the court. Reaching the semi-finals in the NVA Cup here in Denmark is not a small achievement. Every dive, every serve, every point fought till the end made us proud.

Yes, we didn’t reach the final this time — but this is not a defeat, it’s a lesson and a stepping stone. Strong teams are built through challenges like these. Remember, जीतभन्दा ठूलो कुरा भनेको कहिल्यै हार नमानेर अगाडि बढ्नु हो।

To our team members, board, guardians, supporters, sponsors, and well-wishers — thank you for believing in us and standing beside us in every moment. Your support is our strength.

Girls, keep your heads high. This is just the beginning. We will train harder, come back stronger, and show even better performance in the next tournament.

Together we rise.

Happy Holi

🙏 Help Samba Save Her Dream 🙏

नमस्कार, म सावित्रा भण्डारी, तपाईंहरुको 'साम्बा'
यहाँहरु सबैलाई थाहा नै छ म पछिल्लो ७ हप्तादेखि चोटका कारण मैदानबाहिर छु । सोचेजस्तो हुन्थ्यो भने अहिले म चोटको शल्यक्रिया गरेर फिजियो सुरु गरेको केहि समय बितिसक्ने थियो । तर अझैपनि म उपचारको लागि भौतारिएको छु ।

मेरो घुँडाको एसीएलमा यसअघि शल्यक्रिया गरेर हालिएको ग्राफ्ट र एमसिएल दुवैमा गम्भीर चोट लागेको छ । यसका लागि मैले पुन: जटिल शल्यक्रिया गर्नुपर्ने अवस्था रहेको छ । पछिल्लोपटक एन्फा नेतृत्वको पहलमा मेरो उपचारमा सम्पूर्ण व्यवस्थापन र सहयोग भएको थियो । त्यसबेला आर्थिक र मानसिक रुपमा मलाई कुनै समस्या थिएन, जसकारण मैले समयमा पुनरागमन गर्दै मैदान फर्कन सकें ।

तर यसपटक एन्फा नेतृत्वबाट वाचा गरेको सहयोग पनि पाइएन । चोट लागेको ३ सातापछिको लागि क्लबको पहलमा शल्यक्रिया मिति तोकिएको भएपनि एन्फाले आफ्नो तर्फबाट प्रयास गर्ने बतायो । तर सो अनुसार एन्फाबाट प्रक्रिया अघि बढेन । मैले पटक पटक प्रयास गर्दापनि वहाँहरुलाई सम्पर्क गर्न कठिन भयो । अघिल्लो साता एन्फा अध्यक्ष आफैंले मेरो उपचारमा एन्फाबाट प्रशासनिक सहयोग गर्न नसकिने जानकारी दिनुभयो । वहाँले नगद ५ लाखसम्म सहयोग गर्ने र अन्य प्रक्रिया आफैं गर्न भन्नुभयो । एक त मैले यसअघि चालेको प्रक्रिया रोकियो, अर्कोतर्फ मैले झन्डै २ महिनापछि मात्र शल्यक्रिया मितिको लागि फेरी प्रयास गर्नुपर्ने भएको छ ।

यसबीचमा क्लबले मलाई न्युजिल्यान्डकै स्थानीय अस्पतालमा उपचार गर्न तयार रहेको बताइरहेको छ । तर मेरो चोट गम्भीर रहेको र पछिल्लो पटक कतारको अस्पेटारमा गरिएको उपचार उच्च स्तरको रहेकाले मैले पुन: सोहि अस्पतालमा उपचार गराउने इच्छा राखेको हुँ । क्लबले विमाबाट प्राप्त रकम मेरो लागि निकासा गरिदिने भएको छ । तर उक्त रकम मेरो शल्यक्रिया र ७-८ महिना रिह्याबका लागि अपुग हुने भएकाले आम समर्थकमाझ सहयोग माग्न आइपुगेको छु । यसका लागि कुल ८० हजार अमेरिकी डलर खर्च हुने प्रारम्भिक आँकलन रहेको छ ।

म बाहिर रहेकाले सरकारसमक्ष पनि मेरो प्रतिनिधित्व गर्दै उपचारका लागि सहयोगको प्रयास भएका छन् । तर सरकारी प्रक्रिया अपेक्षा गरेअनुसार अघि बढ्न नसक्दा मैले शल्यक्रिया नगरी भर गर्ने स्थिति रहेको छैन ।

मैले आफ्नो करियरमा सधैं कठिनाइहरूको सामना गर्नुपरेको छ, र हरेक पटक साहसका साथ त्यसलाई पार गरेको छु । यसपटक पुन: माथि उठ्न तपाईंको सहयोगको आवश्यकता परेको छ ।

मेरो लागि यो आफ्नो करियरको सबैभन्दा कठिन लडाइँ भएको छ । मैले यो अवस्था आउला भन्ने सोचेको पनि थिइनँ । आफ्नो अभिभावक मानेको एन्फाले पनि पछि हटेपछि मेरो साथ दिन आम समर्थकहरु नै हुनुहुन्छ । एन्फाभित्र म क्लबको लागि खेल्दा चोट लागेको भन्ने तर्क सुन्दा म आफैं निराश भएको छु । तर मैले देशको लागि सधैं शत प्रतिशत दिएको छु र आउने दिनमा पनि देशको लागि खेल्न तत्पर छु । इजरायल होस् या फ्रान्स, मैले सधैं नेपालकै नाम राखेको महसुस भएको छ । यहाँ न्युजिल्यान्ड र अष्ट्रेलियामा खेल्दापनि मैले व्यक्तिगत भन्दापनि राष्ट्रको पहिचान बोकेको ठानेको छु ।

आर्थिक रुपमा मैले आजसम्म आर्जन नगरेको रकम यो उपचारका लागि आवश्यक परेको छ । त्यसैले नै म आज यहाँहरुमाझ सहयोगको याचना गरिरहेको छु । आशा छ मेरो उपचारका लागि आवश्यक सहयोग चाडैं जम्मा हुनेछ । र म राष्ट्रिय टोलीको कप्तान, जो युरोपमा पुगेर खेलेको छु, मैले यो परिस्थितिको सामना गर्नुपर्छ भने सोच्नुहोस अरुको अवस्था के होला? मैले यसबारे निरन्तर आवाज पनि उठाउँदै आएको छु, तर नियतिले पुन: एकपटक मलाई नै यो अवस्थामा ल्याएको छ ।

मलाई सहयोग गर्न नेपालमा रहनुहुनेले तल राखिएको QR वा बैंक मार्फत सहयोग गर्नुहोला ।

विदेशमा रहनुहुनेले यो लिंकमा गएर सहयोग गर्नुहोला :
https://givealittle.co.nz/cause/support-sambas-surgery-stand-with-sabitra

यो चोटले मलाई शारीरिक र मानसिक रुपमा थकाएको छ, तर मलाई विश्वास छ म फर्कनेछु ।

थाकेको हो, हारेको छैन
पुन: एकपटक नेपालको जर्सी लगाएर मैदान फर्कनेछु ।
जय नेपाल!

नेपाली ब्रदर्स कोपेन्हेगनद्वारा माघे सङ्क्रान्ति तथा जर्सी विमोचन कार्यक्रम २०२६ भव्य रूपमा सम्पन्न

नेपाली ब्रदर्स कोपेन्हेगनद्वारा शुभकामना आदान–प्रदान, माघे सङ्क्रान्ति तथा जर्सी विमोचन कार्यक्रम २०२६ भव्य रूपमा सम्पन्न भएको छ। उक्त कार्यक्रम गत हप्ता डेनमार्कको कोबलभ्यान्गल ६५, २८०० कोपेन्हेगनमा आयोजना गरिएको थियो। कार्यक्रम स्थल उपलब्ध गराइदिनुहुने नील बिक्रम थापा ज्यूलाई आयोजकले विशेष धन्यवाद व्यक्त गरेका छन्।

राजेन्द्र पकुवालको सञ्चालनमा सम्पन्न कार्यक्रमको सुरुवात निवर्तमान अध्यक्ष सन्तोष श्रेष्ठ ज्यूको स्वागत मन्तव्यबाट भएको थियो। कोपेन्हेगनमा बसोवास गर्ने विभिन्न संघ–संस्था तथा व्यवसायीहरूको बाक्लो उपस्थिति रहेको कार्यक्रममा उहाँले उपस्थित सबैलाई नयाँ वर्षको शुभकामना व्यक्त गर्दै, काम विशेषले उपस्थित हुन नसक्नुभएकाहरूलाई समेत सम्झँदै निरन्तर साथ, सहयोग र सद्भावका लागि धन्यवाद ज्ञापन गर्नुभयो।

कार्यक्रममा नेपाल भलिबल संघ डेनमार्कका अध्यक्ष लोकबहादुर क्षेत्रीले शुभकामना मन्तव्य राख्दै नेपाली ब्रदर्सले स्थानीय तथा युरोपेली भलिबल क्षेत्रमा पुर्‍याएको योगदानको खुलेर प्रशंसा गर्नुभयो। उहाँले सामाजिक एकता, खेलकुद तथा सामाजिक सहकार्यको महत्वबारे प्रकाश पार्दै आगामी दिनमा पनि क्लबलाई साथ र सहयोग गर्ने प्रतिबद्धता व्यक्त गर्नुभयो।

कार्यक्रमको विशेष आकर्षणका रूपमा सन् २०२६ का लागि नेपाली ब्रदर्स क्लब अन्तर्गतका विभिन्न खेलकुद टिमहरूको जर्सी विमोचन तथा वितरण गरिएको थियो। यसअन्तर्गत क्रिकेट टिम २०२६ को डिजिटल जर्सी विमोचन, युवा भलिबल टिम २०२६, प्रौढ भलिबल टिम २०२६ तथा महिला भलिबल टिम २०२६ का जर्सीहरूको औपचारिक विमोचन तथा वितरण सम्पन्न भयो।

सोही अवसरमा नेपाली ब्रदर्सको नयाँ कार्यसमिति पनि अनौपचारिक रूपमा घोषणा गरिएको थियो। नयाँ कार्यसमितिमा अध्यक्ष प्रकाश श्रेष्ठ, उपाध्यक्ष राजन खत्री, समन्वयक सन्तोष श्रेष्ठ, सचिव उद्धव कार्की चयन हुनुभएको छ। यसैगरी क्रिकेट म्यानेजरमा राजेन्द्र पकुवाल, युवा भलिबल म्यानेजरमा डोर्णा क्षेत्री, प्रौढ भलिबल म्यानेजरमा इन्द्र विक्रम मल्ल तथा महिला भलिबल म्यानेजरमा रचिता गोर्खाली चयन हुनुभएको छ। कार्यक्रममा क्लबको वार्षिक कार्ययोजना समेत प्रस्तुत गरिएको थियो।

त्यसैगरी नेपाली ब्रदर्सलाई निरन्तर सहयोग गर्दै आउनुभएका प्रायोजक, सहयोगी संघ–संस्था तथा व्यक्तित्वहरूलाई मायाको चिनो र प्रमाणपत्र प्रदान गरी सम्मान गरिएको थियो।
नेपाली समुदायबाट खेलकुद क्षेत्रमा विशेष सफलता प्राप्त गर्नुहुने शाष्वन्त राना (फुटवल) र ऋृदय गुरूंङ(भलिवल) लाई पनि विशेष सम्मान गरिएको थियो।

कार्यक्रम तथा जर्सी प्रायोजनका लागि धन्यवाद ज्ञापन गरिएका संस्थाहरूः
आशीष तामाङ (Humlebæk kro)
NMT Denmark (सुदीप साम, राजमान तामाङ)
Chaii Chaska (मेहेन्दी भट्टराई)
6 Degree Production (सन्तोष बैदार, डोर्णा क्षेत्री)
The Mo:Mo (महादीप श्रेष्ठ)
Copenhagen Sekuwa Corner (रोशन रानाभाट)
Smart Wear (सिता बी.के.)
City Bazaar (प्रकाश श्रेष्ठ)

विशेष सम्मान प्राप्त गर्ने संघ–संस्थाहरू तथा व्यक्तित्वहरूः
NVA Denmark (अध्यक्ष रमेश क्षेत्री)
Himalayan Sports Club (विवेक राना, शिव कार्की)
ONF Denmark (रवीन कार्की)
JSS Denmark (बुद्धि सापकोटा)
Social Activists (सन्तोष बस्नेत, नील बिक्रम थापा, जानकी भण्डारी)
MRR Team Denmark
OMG Entertainment Denmark

कार्यक्रममा सहभागी सम्पूर्ण बोर्ड सदस्य, खेलाडी, स्वयंसेवक, परिवारजन तथा शुभेच्छुकहरूप्रति आयोजक नेपाली ब्रदर्स नतमस्तक रहँदै आगामी दिनहरूमा पनि यस्तै माया, साथ र हौसला प्राप्त हुने अपेक्षा व्यक्त गरिएको छ।

कार्यक्रमको समापनमा नेपाली ब्रदर्सका संस्थापक तथा अध्यक्ष प्रकाश श्रेष्ठले समापन मन्तव्य राख्दै सम्पूर्ण अतिथि, प्रायोजक, सहयोगी संस्था, बोर्ड सदस्य तथा सहभागीहरूलाई हार्दिक धन्यवाद ज्ञापन गर्नुभयो। उहाँले आगामी दिनमा डेनमार्कस्थित नेपाली समुदायलाई एकताबद्ध गर्दै खेलकुद, सामाजिक तथा सांस्कृतिक गतिविधिहरूलाई अझ प्रभावकारी रूपमा अगाडि बढाउने प्रतिबद्धता व्यक्त गर्नुभयो।

नेपाली संस्कृति, आपसी सद्भाव तथा खेलकुद प्रवर्द्धनलाई केन्द्रमा राखेर आयोजना गरिएको उक्त कार्यक्रम सफलतापूर्वक सम्पन्न भएको छ।

माघे संक्रान्तिको
हार्दिक शुभकामना