SA Academy

02/10/2026

جمعة طيبة كيف حالك
العودة إلى النشاط الجمعوي
الحمد الله قدمت مداخلة بمناسبة افتتاح الموسم لإحدى الجمعيات ماسقسيتش الحقيقة هل بإمكاني نحط الاسم تاعها هنا
موضوع التنمر بين الطالبات وتكلمت على مواضيع تهم الفتاة

عام لفات قدمت معاهم عدة ورشات
الحمد الله محبة الناس لا تشترى بزاف فرحو لبنات بلقائي ربي يحفظ بناتنا وبنات المسلمين 🤲🤲🤲
قريبا كاين نشاطات ترقبي الجديد
ورشات المستوى الثالث 15,16سنة قريبا

01/10/2026

على بركة الله انطلقنا في تحدي 90يوم للتغيير للاحسن
كل إنسان عندو أهداف مي ماعلابالوش منين يبدأ 🥺🥺🥺
والأصعب يعاود نفس الأمور ويعتقد انه يتحصل على نتائج مليحة 😬😬😬😬😬🤐

أعوذ بالله من الشيطان الرجيم " إن الله لا يغير ما بقوم حتى يغيروا ما بأنفسهم ""
ركزي في الآية مليح كنت نكررها اواخر2013 وبديت التغيير 2014والحمد الله مارانيش نلعب دور الضحية منذ تلك السنة اللي كنت متبنياتو مارانيش نلوم في الناس او الظروف مارانيش نقول علاش هكا ووو
ومادابيا حتى انت

نركز في نفسي وعائلتي الصغيرة فقط
بزاف ليعرفوني قالولي ما راكيش تسقسي علينا
اعتمدت أسلوب الاخد والعطاء ممكن زوج من ناس مانحاسبهوش اذا ما سقساوش عليا هي امي وأبي ربي يحفظهم
التوازن هي ما تفقديش ناس من حياتك بقدر ما تكوني متوازنة في علاقاتك
ركزي فيها مليح
في وقت مضى بالضبط 2001 مرض ابي كن2lle والله ماسقسا علينا حتى واحد إلا القليل التي تعد بالاصابع الحمد الله

ماتزعزعنا الدار كي تكون مبنية على الحب الاحترام والتقدير والحمد الله والخير
اذا راكي تربي خاصة طفلة ربيها تكون شبعانة في دارك اقصد ماتكونش ملحوفة وايضا لابنك تتربى على الخير القناعة خاصة

كنت نشوف بابا دائم التصدق كنت نقول وعلاش ما نكذبش احيانا نتذمر من كثرة الضياف والمعازم
فهمت كي غاب علينا هذاك العام ما تغفلي من الصدقة ومدي على حسابك انت

نعم جاو اصدقائه كي ولى للدار بعد العلاج أفواج أفواج بحكم المنصب تاعو ومعرفتو لكن وقت الشدة لا كنت هاذاك الوقت نشوف من بعيد ونقول الأب العرصة تاع الدار

هنا تعلمت اول درس في حياتي ما تمديش أكتر من طاقتك وربي قالها في اعظم آية لا يكلف الله نفسا إلا وسعها

وتعلمت أيضا ما نتعلقش في الأشخاص
كنت متعلقة بأبي تعلق رهيب ممكن رايحة نبارطاجي القصة لاحقا

ما نبخلش متابعين SA Academy
نسقسيك جاوبيني بصراحة
واش علاقتك بالقرآن ؟
واش علاقتك بالصلاة ؟

30/09/2026

حضرت بالأمس المحاضرة للمختصة النفسية ح.أ اسماء
سييت لخصتهالك للمنفعة
🧠 الوسواس القهري (OCD)

1. ما هو الوسواس القهري؟
هو اضطراب نفسي يتميز بوجود:
أفكار أو صور أو مخاوف متكررة ومُلحّة رغم أن الشخص لا يرغب فيها.
سلوكيات أو أفعال قهرية يشعر الشخص أنه مضطر للقيام بها لتخفيف القلق

2. أهم المؤشرات
🔹 الخوف المفرط من التلوث أو الجراثيم
🔹 الشك المتكرر: هل أغلقت الباب؟ هل أطفأت الغاز؟
🔹 الحاجة الشديدة للترتيب أو التماثل
🔹 أفكار مزعجة ومتكررة لا يريدها الشخص
🔹 التحقق المتكرر
🔹 الغسل والتنظيف بشكل مفرط
🔹 العدّ أو التكرار أو طلب الطمأنة باستمرار
🔹 استهلاك وقت طويل بسبب هذه الأفكار أو السلوكيات

3. لماذا يقوم الشخص بهذه السلوكيات؟
غالبًا يحدث هذا التسلسل:
فكرة مزعجة ➜ قلق/خوف ➜ سلوك قهري ➜ راحة مؤقتة ➜ عودة الفكرة
وهكذا تتكرر الدائرة.

4.الأسباب
لا يوجد سبب واحد للوسواس القهري؛ قد تتداخل عوامل بيولوجية ونفسية ووراثية وتجارب حياتية وضغوط مختلفة

5. ماذا نفعل؟
🎯 عدم وصم الشخص أو السخرية من أفكاره

🎯تجنب الدخول معه في طمأنة لا تنتهي

🎯 طلب تقييم من مختص نفسي عند تكرار الأعراض أو تأثيرها على الدراسة/العمل/العلاقات

🎯العلاج النفسي، خصوصًا العلاج المعرفي السلوكي مع التعرض ومنع الاستجابة (ERP)، من العلاجات المستخدمة للوسواس القهري. وقد تُستخدم الأدوية في بعض الحالات تحت إشراف طبي💯💯💯

⚠️ مهم: وجود أفكار غريبة أو مزعجة لا يعني تلقائيًا أن الشخص مصاب بالوسواس القهري؛ التشخيص يقوم به مختص، وليس من خلال قائمة أعراض على الإنترنت
ماشي اي واحد يجي يشخصلك حذاري 📌
استعنت بالAI باش نديرلك صورة توضيحية

30/09/2026

النجاح الدراسي يبدأ من أول يوم أبنائي أختي العزيزة

يبدأ أيضا من عندك خاصة كي تكوني منظمة كي تكوني متوازنة وتعرفي واش ديري 🥰
تتخيلي كي ما تكونيش مليحة هل ولادك يكون ملاح قايمين بأنفسهم🤔🤔

هل لا قدر الله صرالك اي حاجة في الفرح أو العكس هل يمكن يتهلاو في أنفسهم ؟ 🧑‍🦰👩🥱

هل لحقتي لمرحلة نظمتي فيها حياتك ورتبتي أولوياتك الآن راكي منشغلة في تطوير نفسك أولا واولادك علمتيهم التعليم الذاتي وتطوني مرافقة وعائلتك سعيدة

أو مازال عالقة وغارقة في سنة معينة ؟👀👀💔
اذا مازالك عالقة يمكننا مساعدتك وديري في بالك حنا نمدلك استراتيجيات، تحفيز ،تمارين، وتحديات لكن انت من تقررين التغيير
بصراحة شكون متحمسة للغد بإذن الله 🥰
نمدلك تسريبة من الامور التي تحدت التغيير وانا شخصيا نديرها اجتمعي في مجالس الذكر والقرآن ولو مرة اسبوعيا اذا ما تقدريش ولادك صغار انت ديريلهم هذا المجلس
لبارح كنت في مجلس مع الأخوات أستاذة القرآن بارك الله فيها علمتنا درس جديد وطبقتو كي دخلت للمنزل مع المغرب صليت بالسورة لعلمتنا
حنا رانا في عصر المعلومة راهي من كل جهة لازم التطبييييييق
يوم موفق
اذا لحقتي لهذه النقطة حبيت نشاورك واش الكادو لمليح عندي كليونت زيدت حرت واش نمدلها حبيت نزورها اقترحيلي هدايا

29/09/2026

28/09/2026

🎉 Facebook m’a reconnu comme l’un des meilleurs Creators tendance cette semaine !

28/09/2026

واش هو احسن اسثثمار يمكن تقدميه لاولادك؟

28/09/2026

ما بقاش بزاف أيام للتحدي
دخلتلي بزاف اسئلة هل صحيح هذا السعر نعم درتو خاصة لي ماقدرتش تدخل معنا دورة المرأة أو the shift
درتو خصيصا لحابة تبدأ التغيير وما قدرتش تلتزم وحدها
اذا لقيتي روحك ضايعة ماعندكش لساعدك دخلي معنا تحدي 90يوم بإذن الله تتغيري
نبداو اميد بالجانب الديني
على بالك أغلبية النساء لدربتها تقولي بصراحة ماراعيش ملتزمة في صلاتها فرائضها
ههه رايحة نديرلك la pression متخافيش هي motivation ♥️

27/09/2026

التغافل من أهم الأساليب لحابة تستعملها في حياتك
صباح الخير بداية أسبوع موفقة كيفاش راكي مع أولادك هل كملتو شراء الادوات ممكن راكي مع تسجيلهم في الرياضة

بالمناسبة وانصح الرياضة جد جد مهمة خاصة للبنين البنات يمكن تسجيلها معك
أولا تكون عندها اكتفيتي سبروتيف ومن جهة تكون عندك هذيك الساعة معها
نولي للتغافل لماذا مهم ببساطة لأنك ما تحرقيش نفسك كل مرة في التبرير والمواجهة ما رهيش رايحة تفيدك
الحل
اكيد قبل ما تلحقي مرحلة التغافل تكوني فاهمة نفسك مليح تعرفي وقتاش تواجهي في الوقت المناسب
تهدري في الوقت المناسب
وتتغافلي
نمدلك تسريبة من تحدي90يوم
يوجد 3شخصيات رايحة تتلقاي معاها في حياتك
شخصية ال5د ممكن تتلقاي معها مرة أو مرتين في حياتك وعندها استراتيجية خاصة
شخصية الكل يوم هم الأشخاص لتعيش معها كل يوم
شخصية بعض الأحيان متلا جيرانك لمتتلاقايش معها مرة في الأسبوع أو الشهر
1 أكتوبر راه قريب مرحبا بيك 0552880852