Alger rouge et noir

اللهم أحفظ إخواننا في السودان

كاين ناس مافهمتش المنشور السابق و قالك أنا مانسفقش لواحد تلت سنين و هو مكاش ، معليش دوك نفهمك ..
الهدرة مراهيش على تسفق ولا ماتسفقش ، الحاجة اللولة قلنا نديرو ضغط إيجابي و ضغط إيجابي ماشي غير تشجيع ، مام كي نحب نحي مسؤول ولا لاعب نعرف كاش نحيه ، حنا ولات عندنا l’anarchie بزاف ماوليناش نعرفو نتعاملو .
الوعي عند مناصر اتحاد العاصمة لازم يولي و واجب عليه يولي ، لكان رانا نديرو ضغط إيجابي بسيف علينا نجيبو نتيجة .. خويا ماساعدنيش بوسليو ماساعدنيش ماشي واحد ماساعدوش بوسليو واحد شتي واحد شاف غشة راطا face à face يولي هو تان يروح و يسمع يماه ، هاد الحاجة لي رانا حابين تتنحا
و أنا لاعبين رام حاملين ألوان النادي هادا نديرلهم الضغط باش يربحوا ماشي بش نخرجهم مالماتش ، الضغط هادا لي يولي يحس بيه هو تان لوياسما ، لي يخليه هو يحب يجي يديفيلي معاك كي يربح ضغط لي ماتش décisive تلقاه يلعب بالحرارة باش يجيبو ، ماشي نتا تسعين دقيقة طيحلو و كي يخلاص الماتش يخرج ديراكت تقول علاه ماديفيلاوش ؟ لازم هاداك l’atmosphère لي بين الانصار و اللاعبين يولي باش تولي عندهم روح الفريق، 2019 فريق ماشي خالص و المشاكل بصح كانو رجال و جابو شومبيونا ، كل ماتش يجو للفيراج…
إن شاءالله يكون لحق الميساج و إن شاء الله هاد الأمور يطبقو تبع المجموعة و إن شاءالله كل حاجة تولي لبلاصتها ❤️

دائما سقسي روحك قبل ما دير حاجة هل رح تنفع ؟ و هل راح جيب نتيجة ؟
لازم نعرفو وقتاه و كيفاه نديرو الضغط ، كاين لاعب حطبة ماشي مستوى إتحاد العاصمة، ندير الضغط باش يتسرح فالميركاتو ولا لاعب حايجيبوه ندير ضغط قبل مايجيبوه … أما كي تبدا الشومبيونا و اللاعب هادا راو حامل قميص النادي ديالك ، راو رافد أمانة poussih باش يمد كامل وش عندو ، ماطيحلوش و ماديرلوش Grr فالصفحة الرسمية ، شحال من جوار كان معانا رجع للمستوى ديالو غير بالجمهور .. لازم نتعلمو نديرو ضغط إيجابي ، اللاعب راو انسان كيما نتا يقدر يكون في نهارو و يقدر مايكونش .. action شابة مادابيا نشوف السطاد كامل يسفق ماشي يطيح ، كاين شحال من لاعب كامل علابالنا بلي عندو les qualités نقدرو حنا نرجعوهم للمستوى تاعهم ، ماشي حنانة مي هاد اللاعب راو رافد الألوان ديالك أنا مادابيا نشجعو و هو يجيبلي لقب
بالنسبة للصفحة الرسمية نقدرو نولو نتعاملو معاها بطريقة إحترافية، كامل مادابينا النادي يولي محترف لازم حنا نكونو لائقين بهاد النادي ، مجلس الإدارة ولا الشركة المالكة ولا أي مسؤول يدخل يقرا الكومنتار الأول فيه تطياح و الناس تبع يولي يشوف أنصار النادي كامل مراهقين و مافيهش عيباد intellectuel لي يحترمهم ، مايديرلك وجه مايديرلك قيمة .. مادابينا الفئة المليحة تكون غالبة ، نحبو ولا نكرهو حنا هوما المفتاح باش يولي النادي تاعنا للسكة ، ماكاش à part الأنصار و الأوفياء، الطريق باينة و الصحيح و الغالط باين .
VIVA USMA

Sacré محبتي ليك ….⚫️🔴

الصبحِيَة تسَاوِيك يَا سفِيل الرَتبَة
آش لِي يَاوِيك لَا مدَاخَل لَا عتبَة .

بداخل محروسة الجزاير

Dely Ibrahim 🔴⚫

[AIN BENIAN] 🔴⚫
كامل رياس

LOYAL TO THE CUP 🏆
Les Unionistes Algérois 🔴⚫️

صحا عيدكم ❤️🖤

تحملوا عواقب فشلكم ⏳